Landbouweekblad 04-May-18

SÓ BOER JY MET ALPAKKAS Dr. Jane Vaughan, ’n bekende Australiese alpakkakenner, is een van die sprekers op die alpakka-telersgenootskap se tweede gesondheidsforum, wat eersdaags in Franschhoek aangebied word. Vaughan sal onder meer inligtingsessies oor alpakkas se gesondheid, herkouervoeding en voortplanting (ook embrio-inplanting) aanbied, en ook veeartsenykunde-studente toespreek oor dié diere. Me. Alison Notley, voorsitter van die genootskap, sê min inligting oor alpakka-gesondheid is tans in Suid-Afrika beskikbaar. Dié diere se gesondheidsbehandeling verskil van ander kleinvee s’n. Die konferensie vind van 31 Julie tot 2 Augustus plaas. Vir meer inligting, stuur ’n e-pos aan alpacas@helderstroom.co.za of skakel 082 662 9670. FOTO: HELDERSTROOM ALPAKKAS SOJAMEESTER Die kunsmismaatskappy Elim bring later vandeesmaand die rekord-graanboer mnr. Randy Dowdy van die Amerikaanse deelstaat Georgia na Suid-Afrika vir ’n reeks boeredae, waar hy meer oor sy boerderygeheime gaan…

55 uur Brittanje het onlangs vir 55 uur geen elektrisiteit gebruik wat met steenkool opgewek is nie. Van Maandag 16 April om 05:10 tot Donderdag 19 April om 22:25 het die land se steenkoolkragsentrales stilgestaan en het windlaaiers al die kragsentrales se opwekkingsvermoë vervang. Die vorige rekord was in Oktober 2017, toe die land vir 40 uur geen steenkool gebruik het nie. — Bloomberg 30% Die kleinhandelsgroep Pick n Pay wil binne die volgende paar jaar die goedere op sy winkelrakke wat sy eie handelsmerk dra, opstoot tot 30% van al die goedere wat hy te koop aanbied, sê mnr. Richard Brasher, uitvoerende hoof van Pick n Pay. Dié syfer staan tans op 19%. Hy sê die groep sal dit doen deur swakker handelsmerke in sy winkels met sy eie te vervang. —…

SUPERSTROPERS. Die vyf stropers wat op 21 April in die klas 6-kategorie van die immer gewilde jaarlikse stroperkompetisie op Grootpan, Noordwes, meegeding het, was, van links die Challenger (vierde plek), Claas (tweede plek), John Deere (vyfde plek), Case (eerste plek) en New Holland (derde plek). Die Grootpan-stroperdag is vanjaar 14 jaar oud. Dit het begin toe mnre. André en Kobus du Preez, twee broers van Grootpan, tussen Lichtenburg en Koster, in 2005 elkeen ’n stroper gekoop het en toe op die stroperdag wou beslis wie s’n is die beste – André se Case 2388 of Kobus se John Deere 965 STS. Die doel van die kompetisie is om te bepaal watter vervaardiger se stroper is die vinnigste én stroop die skoonste. Die kriteria vir die beoordeling is spoed (35%), vermorsing…

Wanneer laas het die Bulle so lekker gespeel? Soos van ouds — aggressief, maar met ’n plan. Ek het toevallig voor die TV gaan sit en, wragtig, daar speel Warrick Gelant, die jong heelagter van die Bulle, soos dit hoort — met al die selfvertroue van die jeug. Briljant en bemoedigend! ’n Mens word egter nie bemoedig as jy kyk na die gemors waarmee pres. Cyril Ramaphosa opgeskeep sit nie. ’n Mens voel amper jammer vir hom. Hoe op dees aarde los ’n mens enige probleem op wanneer die stelsels tot jou beskikking die afgelope agt jaar heeltemal ten gronde bestuur is? Ramaphosa se gereedskapskis is ’n wanfunksionele staatsdiens wat byna bankrot is. Kundigheid kwyn vinnig, maar gelukkig is daar uitsonderings. Die Land Bank is een voorbeeld, want dit is die enigste…

WIT MENSE ‘HET REG OP 40% VAN SA GROND’ In 1965 was daar ’n uitspraak in Wêreldhof in Den Haag. Die saak het ontstaan omdat Suid-Afrika daardie tyd om voogdyskap oor die destydse Suidwes-Afrika aansoek gedoen het. Liberië en Ethiopië het die Suid-Afrikaanse regering daarvan beskuldig dat hy hom op Afrika-stamme se grond gevestig het. Die regering het hom toe tot die Wêreldhof gewend en die saak gewen. Die uitspraak was dat Afrika-stamme geen tradisionele reg op 40% van Suid-Afrika se grondgebied het nie, en op die oorblywende 60% van die oppervlakte is ’n warboel teenstrydighede. Die Zoeloe, wat vandag die grootste etniese groep in Suid-Afrika is, het eers in 1815 oor die Limpoporivier Suid-Afrika binnegekom met sowat 100 000 mense. Van die Xhosas, wat die naasgrootste etniese groep is, was daar in…

MNRE. JARREN (LINKS) EN SIMEON HURWITZ boer op die plase Hamelfontein en Uitzicht in die Davel-omgewing. Hurwitz Farming het oor die afgelope ses jaar ontwikkel in ’n toonaangewende landboubesigheid wat ’n leidende rol gespeel het in die ontwikkeling van die Boranbeesras in Suid-Afrika. Die boerdery het ook verlede jaar ’n volwaardige kontrakteringsafdeling gevestig wat landboumeganisasiedienste aan boere verskaf. Lees die artikel op bl.38. VERTEL ONS VAN JUL GESIN. Simeon: Ek is getroud met Lara en ons het nie kinders nie. Jarren: Ek is getroud met Mandy en ons het ’n tweeling, David en Ella (4). WAT IS JUL STOKPERDJIES? Die boerdery neem ’n groot deel van ons stokperdjietyd in beslag, maar ons het albei grootgeword as groot sportgeesdriftiges. Ons speel graag gholf en muurbal. WAAR HOU JULLE GRAAG VAKANSIE? Simeon: Ek gaan graag bos toe. ’n Gunstelingwegbreek…