Landbouweekblad 18-May-18

HIER KOM DIE WINTER Die eerste ryp van die winter het die afgelope week oor dele van die binneland voorgekom en talle boere hou duim vas dat hul gesaaides nie beskadig is nie. Mnr. Louis-Hendrik Claassen van die LHC-groep het verlede Saterdag sy hond Brakkies in ’n rypbedekte mielieland in die Wolwehoek-omgewing in die Vrystaat afgeneem. Volgens mnr. Jaco Minnaar, voorsitter van Graan SA, sal die omvang van die skade by somergraangewasse eers met oestyd bepaal kan word. Mnr. Johan van den Berg, klimatoloog by Santam Landbou, sê nog ryp kan in die laaste deel van Mei oor die binneland voorkom. FOTO: LH CLAASSEN VAT DIÉ GROND Me. Helen Zille, die Wes-Kaapse premier, stel voor dat ’n plaas aan die buitewyke van die Philippi-tuinbougebied in Kaapstad as toetssaak dien vir onteiening sonder vergoeding…

20,6 miljoen Die wêreldgraanvoorraad gaan tydens die 2018-’19-seisoen met 20,6 miljoen ton daal tot 756 miljoen ton. Dis die eerste keer in ses jaar dat dit ’n daling toon, sê die Verenigde Nasies se Voedsel- en Landbou-organisasie. Sedert die 2012-’13-seisoen het voorraad wêreldwyd met meer as 200 miljoen ton gegroei. Graanproduksie wêreldwyd sal na verwagting met 41,2 miljoen ton daal tot 2,607 miljard ton, die laagste in drie jaar. – Agrimoney 20 ton Nagenoeg 20 ton kaas is onlangs aan die publiek aangebied op die 17de Kaasfees wat by Sandringham buite Stellenbosch gehou is. Nagenoeg 30 000 mense het die geleentheid bygewoon. Mnr. Johan Ehlers, uitvoerende hoof van Agri-Expo, wat die geleentheid reël, sê hulle was saam met die uitstallers verras oor die sterk koopkrag op die fees, ondanks die swak ekonomie. Hulle…

G’N PLOEG IN SIG. Mnr. Abri Richter het onlangs begin koring plant op sy plaas Langvlei, sowat 20 km van Piketberg in die rigting van Eendekuil. Op hierdie spesifieke stuk grond het hy verlede jaar nie geoes nie omdat daar niks in die koringare was nie. “Ons het verlede jaar te min reën gehad om graan te lewer en het net saad teruggehou,” sê hy. Die Richters beoefen reeds sedert die laat 1980’s verminderde bewerking. Hulle het drie jaar gelede ’n enkelskyfplanter van die onderneming Equalizer in Brackenfell in gebruik geneem. Dit was egter weens die volgehoue droogte nog nie moontlik om resultate van dié planter te vergelyk met sy vorige tandtipe planter nie. Hy hou van die nuwe planter se veelsydigheid. “Hy kan baie mooi plant in absoluut droë…

Dit is een van daardie stories wat Suid-Afrika bitter nodig het. Dit is ’n storie wat jou oortuig dat dinge gaan uitwerk, al steek sinnelose en onaanvaarbare geweld oral kop uit. Net nou die dag is ’n sitruspakhuis op Fort Beaufort in die Oos-Kaap aan die brand gesteek ná ’n loongeskil, al behartig hierdie pakhuis ook uitvoersitrus vir die plaas se grondhervormingsprojek. Hoe help dit? In Noordwes word dorpies in puin gelê, met yslike verliese vir plaaslike besighede en boere se bedrywighede wat ernstig ontwrig word. Waarvoor? ’n Klomp roofsugtige politici gebruik gewetenloos belastingbetalers se geld om volgelinge te betaal om amok te maak. Hoekom? Net sodat hulle meer toegang kan kry tot belastingbetalers se swaarverdiende geld, waarvan hulle nóg meer uitdeel om aan bewind te kan bly, terwyl dienste ineenstort. Patronaatskap-politiek…

WAAR IS DIE PLANNE? Die debat oor die onteiening van grond sonder vergoeding was die afgelope weke op almal se lippe, veral diegene wat grond besit. Die kommentaar van baie mense, waaronder geleerde mense, was dat onteiening sonder vergoeding aanvaarbaar is. Nou wonder ek maar net. Waar in ons goeie Grondwet, wat beskou word as een van die bestes ter wêreld, gee ek as individu aan ander mense die reg om namens my te besluit? Waar gee ek aan ander mense die reg om my van my eiendom te vervreem? Dit is maklik om te sê onteiening is aanvaarbaar as jy nie self geraak word nie. Maar miskien lê die probleem juis hierin: Die mense wat wel toestemming gegee is om namens my te onderhandel en beding, is doodstil. Die Vryheidsfront Plus pro-beer nou…

GRASTYDREN TOETS BOERE SE KENNIS Wes-Transvaalse boere het vanjaar die tweede keer ’n tydren met ’n verskil in die distrik Makwassie gehou. Net boere met hul bakkies neem aan dié jaarlikse tydren deel, maar dit is nie noodwendig die vinnigste voertuig wat wen nie. Die bestuurder en navigator van elke voertuig se kennis van veldgrasse, grondvorme en onkruidsoorte word ook in hierdie “grastydren” getoets. Hoe beter hul kennis is, hoe groter is hul kans om die tydren te wen. Op bepaalde plekke langs die pad moet hulle voorbeelde van sekere grassoorte versamel, onkruid eien en selfs profielgate inspekteer en die afmetings daarvan skat. Verskillende grondtipes moet uitgeken en op ’n vraelys moet aangedui word vir watter soort gewasverbouing die betrokke grondtipes geskik is. Die tydren is vanjaar die tweede keer aangebied. Dit is deur…