Landbouweekblad 25-May-18

SKAAP, KAMERA, AKSIE! Dr. Faffa Malan, bekende veearts, skrywer van die rubriek “Vra vir Faffa” en Landbou.com, het verlede week ’n spesiale Landbouweekliks-program op Nampo verfilm, wat op 5 Junie op Via (kanaal 147) uitgesaai sal word. Mnr. Pieter Wiese van Loxton het hom gehelp om die vyf stappe te demonstreer hoe jy ’n skaap vir parasietbesmetting inspekteer. Sy boek Vra die veearts - Wat beesboere moet weet (2),is ook op Nampo bekend gestel en is tans te koop. SLENKDAL-SKOK ’n Geval van slenkdalkoors is bevestig op ’n plaas in die distrik Jacobsdal in die Vrystaat. Volgens ’n verklaring van die Departement van Landbou, Bosbou en Visserye is net een plaas geraak en die plaaslike staatsveearts was teen druktyd besig om dit te ondersoek. Dié siekte affekteer beeste, skape en bokke en veroorsaak…

0,67% Die amptelike skatting van die kommersiële koringoes is met 10 250 ton, oftewel 0,67%, opwaarts aangepas ná werklike lewerings en terughoudings. Dit is nou 1,535 miljoen ton. Ander gewasse se skattings is ook effens aangepas – moutgars is 64 ton (0,02%) laer op 307 000 ton en kanola is 32 ton (0,03%) meer op 93 500 ton. Die finale aanplantings koring was 491 600 ha, moutgars 91 380 ha en kanola 84 000 ha. – Nico van Burick R1,2 miljoen Dr. Joggie Briedenhann, Kalahari-Bonsmarateler en verlede jaar se Breedplan Stoetteler van die Jaar, het onlangs 4 000 semenstrooitjies ter waarde van N$1,2 miljoen (R1=N$1) aan die Namibiese regering oorhandig. Die strooitjies van 31 Bonsmarabulle, is elk N$300 werd. Mnr. Percy Misika, landbousekretaris van dié land, het Briedenhann geprys vir sy bevordering van…

GROOT, GROTER, VERSATILE. Me. Michelle Mostert van JWL-landbou op Ermelo het op die afgelope Nampo-Oesdag gehelp met die bemarking van die Kanadese Versatile 620 Delta Trac. Dit was een van die grootste werktuie wat vanjaar op die Nampo-terrein te sien was en weeg bykans 28 ton. Tog beweeg dit ligvoets op gespesialiseerde rusperbande, met vering wat die verdigting van die grond voorkom. Hy spog ook met die grootste kajuit in die trekkerbedryf en ’n middelgemonteerde dieseltenk. Met belasting kos dit R5,9 miljoen.…

EEN ding waaraan die krisis in Noordwes ons herinner het, is die dwaasheid daarvan om in die eerste plek soveel mag aan provinsies te gee. Heelwat federale stelsels is oorweeg. Kanada en Duitsland het die deurslaggewende modelle geword, en dit was ’n fatale fout, skryf Peter Bruce. Hy meen die model van Spanje sou beter gewees het. Die Spanjaarde het ook vir 40 jaar onder fascisme deurgeloop. Hulle het ook ’n grondwetlike konferensie gehou om ’n pad vorentoe te beredeneer. En hoewel hulle op 17 outonome streke besluit het, sou nie almal dieselfde magte hê nie. As ’n streek byvoorbeeld sy eie onderwysstelsel wou bedryf, sou hy ’n vermoëndheidstoets moet slaag om te bewys hy kan dit bedryf en volhou. Andersins sou dit van die nasionale hoofstad, Madrid, bedryf word. Kataloniese separatisme…

‘In lande waar daar nie ’n werkende landboubedryf is nie, breek daar oorloë uit.’ MNR. COBUS VAN COLLER, uittredende voorsitter van die Nampo-Oesdagkomitee, oor die waarde van ’n sterk landboubedryf. Bl. 17 ‘As die Regering ons toelaat om te groei, sal ons groei, en geld belê.’ MNR. CHRIS SCHUTTE, uitvoerende hoof van die hoenderprodusent Astral, wat die meeste van sy wins in die maatskappy herbelê het. BL. 21 ‘Letterlik honderde watergebruikers het hulle óf nie gesteur aan die versoeke tot verifikasie nie óf nie kennisgewings gekry nie.’ MNR. ADRIAAN GROENEWALD, prokureur, oor ’n broeiende krisis met sommige waterregte. Bl. 16 ‘My man moes ’n windpomp in Vanderbijlpark gaan aftakel en hy kon nie sy gebruiklike toerusting vir die taak saamneem nie.’ ME. DIRKIE JERLING, boervrou van Hennemann, oor haar boereplan om ’n windpomp-skag tot op ’n werkbare…

Net Tommie van Zyl, grootbaas van die tamatiereus ZZ2, sou dit waag om ’n punt oor Suid-Afrika te maak deur karakters uit Middeleeuse Italië by te sleep. Kyk na die gewelddadige Borgia-familie wat die septer geswaai het in groot dele van Italië in daardie tyd, nooi Tommie die gehoor uit tydens een van die uitstekende Nasie in Gesprek-paneelbesprekings op Nampo. Tydens die bewind van dié uitvaagsel van ’n familie het gewone Italianers net oorlog, moord en doodslag beleef. Ondanks die terreur wat op gewone mense losgelaat is, was die gevolg steeds die geniale Michelangelo, Leonardo da Vinci en die beskawende invloed van die Renaissance. In Switserland, daarteenoor, het hulle 500 jaar lank naasteliefde, demokrasie en vrede beleef en net die koekoeklok opgelewer! lui die grap. Terwyl die grap miskien nie 100% histories…