Landbouweekblad 08-Jun-18

DRIE BESEER BY ROYAL-SKOU ’n Brahmanbul het die Royal-skou in Pietermaritzburg op horings gehad nadat hy verlede Saterdagaand uit sy kamp op die skouterrein gebreek het. Volgens mnr. Terry Strachan, uitvoerende hoof van die skou, is die veebeheerhekke dadelik gesluit, maar die momentum van die bul was van só ’n aard dat die hek uit sy reling gestamp is. Drie mense aan die ander kant van die hek het ligte beserings opgedoen weens die stamp aan die hek. Hulle is ná hospitaalbehandeling ontslaan. FONDS VIR SLAGOFFERS VAN PLAASAANVALLE Die burgerregte-organisasie Afri-Forum het ’n fonds geskep om spesifiek geldelike hulp aan slagoffers van plaasaanvalle te bied. Mnr. Ian Cameron, die organisasie se hoof van gemeenskapsveiligheid, sê die organisasie wil alles in sy vermoë doen om seker te maak die slagoffers behou hul menswaardigheid. “Talle…

128 Mnr. Kimi Makwetu, die Ouditeurgeneraal, het onlangs bekend gemaak 128 munisipaliteite is in ’n ernstige geldelike verknorsing en net 7% van munisipaliteite het skoon ouditverslae gekry. Onreëlmatige uitgawes by munisipaliteite het van R16,2 miljard in 2015-’16 gestyg tot R28,3 miljard die afgelope boekjaar. Mnr. Wouter Wessels, ’n VF Plus-woordvoerder, sê betalende inwoners word geminag en hulle moet betaal vir mintotgeendienste. —VF-Plus R366 000 Sal jy dalk hoegenaamd bereid wees om R366 000 vir twee spanspekke te betaal? Dít is wat twee Yubari-spanspekke ’n week gelede op ’n veiling in Japan behaal het. Hierdie vrugte word as ’n statussimbool deur die Japannese beskou. Die bedrag is ’n rekordprys en is genoeg om ’n nuwe motor in Japan mee te koop. Alle vrugte in daardie land is duur. Een appel kan tot…

BELEIDSTEKORTKOMINGE moet grootliks die skuld kry vir die persepsie dat vooruitgang met grondhervorming teen ’n slakkepas geskied het, sê mnr. Wandile Sihlobo, ekonoom by die landbousakekamer Agbiz, en prof. Johann Kirsten, direkteur van die buro vir ekonomiese navorsing aan die Universiteit Stellenbosch. In ’n oorsig oor die proses se verloop sê hulle lesse wat te leer was uit internasionale ondervinding, het getoon grondhervorming moet teen ’n vinnige pas geskied om te verhoed dat burokrasie, sentralisering van die proses en regsprobleme dit skipbreuk laat ly. Die herverdeling van grond is nie al wat nodig is vir ekonomiese bemagtiging en armoedeverligting nie. Aspekte, soos infrastruktuur, markte, maatskaplike dienste en ander elemente, is deel van die ontwikkelingsprogram. Sihlobo en Kirsten sê daar word verkeerdelik beweer die markgerigte benadering (van 1996 tot 2006) was verantwoordelik vir die…

‘Die vorige keer toe slenkdalkoors aan die einde van die somer voorgekom het, was die uitbreking daarvan in die daaropvolgende reëntyd katastrofies.’ DR. PIETER VERVOORT, voorsitter van die nasionale dieregesondheidsforum (NAHF), oor ’n geval van slenkdalkoors. Bl. 15 ‘Daar is nou die potensiaal vir ’n eenvormige benadering.’ MNR. HENRY GELDENHUYS, ondervoorsitter van TLU SA, nadat al vier landbou-unies ’n nasionale landbouveiligheidstrategie aanvaar het. Bl. 19 ‘Dit voel vir ons asof die groei ontplof.’ MNR. ZAC BARD van Westfalia oor die styging in die verbruik van avokado’s in Europa. Bl. 16 ‘Nie so haastig nie,’ waarsku die VERENIGDE NASIES in sy verslag oor die voor- en nadele van hidrobreking ter wille van die ontginning van skaliegas. Bl. 21 ‘Ek het nou nuwe krag om vorentoe te gaan. Hierdie goeie pryse is ’n hupstoot vir ons…

Jare gelede, op pad na Noord-Zambezi om tiervis te gaan vang, stotter wyle oom Abré Steyn se ou Land Cruiser skielik teen sterk skemer tot ’n halt op die verlate Barotsevloedvlakte. Daar staan ons toe tussen die mopaniebome — ek en my twee broers en oom Abre en sy vrou — en wonder wat ons nou gaan maak. Ons het immers net een voertuig! Gelukkig is my broer meganies aangelê, en hy kan ’n plan maak.Net daar vorm ons ’n ry, soos toe ons destyds laaities was. Een bring die toolbox, die ander een hou die flits vas. Almal moet hul deel doen om die brein te ondersteun wat dié wa deur die drif kan trek. Die gerugte oor nuwe planne om kodes vir swart ekonomiese bemagtiging af te dwing, laat ’n…

ARTIKELS & RUBRIEKE Versnel vrugbaarheid in jou kudde Drukbeweiding is goedkoop en lonend Groenteboer het ’n oplossing vir elke probleem Van huurder tot voorste rooibosboer Drup-deurbraak met sampioene Jongboer wil lei met Chardonnnay Nampo: Trekkers vir elke taak SPESIAAL Trekkers en werktuie; Opleiding GESIN Boerekos: Spesiaal vir Pa MEGANISASIE Die nuutste tegnologie was vanjaar op Nampo te sien — trekkers, stropers en presisieplanters en ook meer kompakte oplossings vir boerderyprobleme. Al vyf modelle in die nuwe McCormick X7-trekkerreeks het 6,7 liter-sessilinderenjins. In dié week se uitgawe is daar ook ’n spesiale fokus oor trekkers en werktuie.…