Landbouweekblad 20-Jul-18

GROTER IS BETER Die Val-boeredag wat jaarliks op Standerton in Mpumalanga gehou word, gaan van krag tot krag. Vanjaar het die dag meer as 3 000 mense gelok, teenoor verlede jaar se 2 800. Die getal uitstallers het ook gegroei van 143 tot 213. Me. Elizna Griesel, wat verbonde is aan die Waterval-boerevereniging, skryf dit toe aan die vraag na die tipe demonstrasies wat daar te siene is. Een van die werktuie wat groot belangstelling uitgelok het, was die Claas Lexion 760-stro-per, met sy graantenk van 12 000 liter. Dit het ’n werkspoed van 6-10 km/h en dit kan ook in klam weerstoestande gebruik word. VARKPRYS DRAAI Die wolk wat sedert die begin van die jaar oor die varkbedryf hang, is stadig besig om te lig, met pryse wat hoër neig danksy herstel…

33 In die eerste helfte vanjaar is 33 mense in 206 plaasaanvalle vermoor, sê TLU SA. Dit is ’n verbetering teenoor die ooreenstemmende tyd verlede jaar toe daar 220 aanvalle en 44 moorde was. Mnr. Henry Geldenhuys, ondervoorsitter van TLU SA, sê daar is geen rede vir die Regering om tevrede te wees of vir boere om gerus te word voor daar nie ’n nul-syfer is nie. — TLU SA 19% Suid-Afrika se trekkerverkope het in Junie met 19% op ’n jaargrondslag gestyg. Die 564 trekkers wat in Junie verkoop is, het almal verras omdat dit ’n stil planttyd is. Verkope van net 471 eenhede is voorspel. In dieselfde tydperk is 25 stropers verkoop, wat ook ’n styging van 25% op ’n jaargrondslag verteenwoordig. Dit word toegeskryf aan die oesproses wat in die…

LANGASEMS. Altesame 215 perde het vroeër vandeesmaand die nasionale perde-uithourit op Fauresmith voltooi waartydens mededingers 206 kilometer oor drie dae afgelê het. Soggens met die wegspring was temperature selfs net -6 °C. Marjulyn Myburgh van die Bethlehem-klub het die vinnigste tyd op die perd Rasheeq Amor behaal: 8 uur, 6 minute en 51 sekondes, met ’n gemiddelde spoed van 25,45 km/h. Chandri Human van die Schweizer-Reneke-klub was tweede en Nico-Meyer le Roux van die Tuinroete-klub derde. Perde ondergaan altesame tien veeartsondersoeke (voor, tydens en ná die rit) om hul welsyn te verseker. Veeartse meet polsslag (dit mag nie meer as 64 slae per minuut wees nie), ondersoek die diere se slymvliese, luister na die dermklanke, toets vir dehidrasie en laat die perd ’n ent draf om te kyk vir mankheid.…

DIE openbare verhore oor grondonteiening het die frustrasie, woede en pyn blootgelê waaraan Suid-Afrika se arm, gemarginaliseerde gemeenskappe al dekades lank onderwerp word. Op die verhore in Limpopo was politici en staatsamptenare se algemene gebrek aan empatie vir plaaslike gemeenskappe se omstandighede duidelik. Benewens die werf van stemme het nie ’n enkele amptenaar hulle nog ooit verwerdig om met die inwoners te praat oor hul omstandighede nie. Party inwoners het munisipaliteite gekasty omdat hulle nooit betrek is by sleutel-aangeleenthede, soos ’n gebrek aan water, behoorlike sanitasiegeriewe en toegang tot ekonomiese geleenthede, nie. Sommiges het hardop gewonder hoe hul munisipaliteite geïntegreerde ontwikkelingsplanne kon opstel sonder om ooit hul inwoners te raadpleeg. Tradisionele leiers en amptenare van die Departement van Minerale Hulpbronne het weinig agting vir hulle gehad toe hulle mynlisensies toegestaan…

‘Hulle steel selfs emmers vol graan uit stropers wat op landerye bly staan.’ MNR. TOMMIE ESTERHUYSE, ondervoorsitter van Vrystaat Landbou, oor graandiefstal tydens strooptyd. Bl. 16 ‘Die publiek is desperaat op soek na antwoorde en leiding.’ MNR. PAUL OXLEY, voorsitter van Vuurwapeneienaars SA (Gosa), oor die verwarring wat heers sedert die Grondwethof meer as 400 000 vuurwapenlisensies ongeldig verklaar het. Bl. 17 ‘Ons het nou ’n groot groep jong mense in die bedryf wat gesien het dat ’n plattelandse praktyk opwindend kan wees. ’ PROF. GARETH BATH, emeritus-professor in veeartsenykunde, oor gevolge van die verpligte jaar se gemeenskapsdiens vir veeartse. Bl. 18 ‘Die volgende stap (is) om die waardeketting van ander kommoditeite binne te dring.’ MNR. PIETMAN ROOS, hoof van Agri SA se korporatiewe sake, oor die breër gevolge van tabak-sluikhandel. Bl. 18 ‘Eskom (het) wel ’n eiseprosedure,…

Waar was jy in 2007, toe Suid-Kaapse garsboere nog Clipper geplant het? Het jy genoeg veld vir al jou vee gehad toe die droogte in die Noord-Kaap so erg was dat die Regering darem R45 miljoen se droogtehulp toegestaan het? Het jy toe nog al jou Pioneer-aandele besit? Onthou jy dat die Springbokke daardie jaar die Wêreldbeker gewen het? Dit was ook die jaar van die vorige landbousensus. Data van ’n landbousensus wat behoorlik uitgevoer word en almal insluit, is belangrik om die landbou se bydrae tot die ekonomie akkuraat te bepaal. Dit kan as motivering gebruik word om meer geld vir navorsing te kry. As dit betroubare veegetalle verskaf, kan dit help om genoeg en korrek geplaaste veeartsenydienste te hê. Dit kan selfs gebruik word om te bepaal of beleidsdoelwitte, soos…