Landbouweekblad 03-Aug-18

R2,3 miljard Die kragprodusent Eskom en sy groep filiale het vir die boekjaar tot einde Maart verliese van R2,3 miljard aangemeld. Dit is nog ’n betreklik vleiende bedrag – Eskom alleen se verliese het R4,6 miljard beloop. Sy laste oorskry sy bates met R20,6 miljard. Weens onvoldoende beheermeganismes by die maatskappy meen ouditeure die R20 miljard se onreëlmatige en verkwistende uitgawes en verliese weens misdaad kan inderwaarheid veel hoër wees. — Moneyweb 16 Namibië se 16 oorblywende melkboere is verheug dat ’n lang verwagte wetsontwerp wat die in- en uitvoer van melk en ander suiwelprodukte sal reguleer, uiteindelik deur dié land se kabinet goedgekeur is. Sedert begin vanjaar het die prys vir onverwerkte melk met 20 sent per liter gedaal, wat talle melkboere se boerderye onvolhoubaar gemaak het. Daar is nou minder as…

ANGUS VAN FORMAAT Dié swart Angusbul, De Panne International No. 1, DE 15-13, is vir die rekordprys van R150 000 verkoop op Prestige Angus (De Panne-, Spoor- en Boschendal-stoeterye) se onlangse veiling op Moorreesburg in die Wes-Kaap. Hy is verlede jaar as die kampioenbulkalf en grootkampioenbul op die nasionale Anguskampioenskapsbyeenkoms in Bloemfontein aangewys. Die kopers was mnre. Jaco Smit van Black Mamba Angus by Moorreesburg en Paul Coetzee van Invermooi Angus by Mooirivier in KwaZulu-Natal. Smit sê Taurus Evolution sal die bemarking van die bul se semen behartig. JA VIR AMNESTIE Mnr. Bheki Cele, Minister van Polisie, is ten gunste van ’n amnestietydperk vir die inhandiging van onwettige vuurwapens. Dit kom nadat die VF Plus hom versoek het om ’n amnestietydperk van ses maande by die Parlement aan te vra waartydens onwettige vuurwapens…

ÁL BETER. Mnr. Shaun Felix, ’n lid van die Kruisfontein-samewerkingsgroep, ’n veeverbeteringsprojek by Humansdorp, by van dié groep se diere. Hulle ondervind ’n 27%-verbetering in die speengewig van hul kalwers danksy die gebruik van agt topklas-teelbulle wat in 2016 aan hulle geskenk is. Die Jeffreysbaaise windplaas het onder meer bygedra tot die bulle se koopprys. Die eerste nageslag van die bulle bereik nou ’n speengewig van 190 kg tot 220 kg op die ouderdom van sewe maande, teenoor 130 kg tot 170 kg voorheen. Mnr. Vaaltyn Felix, voorsitter van die samewerkingsgroep, sê die sowat 100 kalwers van die nuwe bulle is lewenskragtiger en van beter gehalte.…

ONTEIENING sonder vergoeding kan Suid-Afrika aan die verkeerde kant van die internasionale regstelsel laat beland, waarsku mnr. Peter Leon, een van die wêreld se voorste mynregkenners. Dit is ’n aanvaarde internasionale regsbeginsel dat ’n land nie eenvoudig binnelandse wetgewing kan toepas om sy verpligtinge kragtens internasionale reg te ontduik nie. Buitelandse beleggers kan hulle dus ondanks ’n land se wette steeds op bilaterale handelsverdrae beroep. Verder geld baie van dié beskermings lank ná die verdrae verval. Só beskerm die verdrag tussen Brittanje en Suid-Afrika byvoorbeeld beleggers se regte vir ’n verdere 20 jaar nadat die verdrag tot ’n einde loop. Daar is ook ’n sterk argument uit te maak dat die “regverdige en billike” vergoeding wat die Grondwet voorskryf in die geval van ’n buitelander minstens sal voldoen aan die standaarde van…

‘Die hoë sterftesyfer dui daarop dat die trop in geheel vatbaar was, wat op sigself ’n aanduiding is dat die diere nie teen slenkdalkoors ingeënt is nie.’ DR. GEORGE DE KOCK, veearts en voorsitter van Cape Wools Suid-Afrika, oor die groot aantal skaapvrektes in die uitbreking van slenkdalkoors by Jacobsdal in April. Bl. 14 ‘Daar is geen aptyt om die kwessie van stedelike grond en kommunale gebiede te takel nie.’ PROF. RUTH HALL, van die instituut vir armoede-, grond- en landboustudies (Plaas), oor grondhervorming. Bl. 21 ‘Dit is dus nie korrek om te veralgemeen dat daar ’n krisis onder Suid-Afrikaanse melkboere is nie.’ DR. CHRIS VAN DIJK, uitvoerende hoof van die Melkprodusenteorganisasie (MPO), oor bewerings dat daar ’n landwye krisis in die bedryf is. Dit kom nadat verskeie Vrystaatse melkerye hul deure gesluit het. Bl.…

’n Mens moet die boere wat die sittings oor die wysiging aan die Grondwet so getrou bygewoon het, wragtig gelukwens. Teen dié tyd weet almal die sittings was nie veel meer as politieke teater nie — ’n plek waar mense kon stoom afblaas en die party van hul keuse luidrugtig ondersteun. Van oplossings vind was daar nie veel sprake nie. Ten spyte van ernstige tekortkominge het boere egter steeds moeite gedoen om by die sittings op te daag. Hulle het geduldig op ’n spreekbeurt gewag om sinvolle en berekende bydraes te lewer, al was daar verskeie pogings om hul beurte te ontwrig. Ons hoor egter dat boere se boodskap van nasionale eenheid en die belangrikheid daarvan dat Suid-Afrikaners hul probleme sáám moet aanpak en oplos, op Kokstad die hele gesindheid van die…