Landbouweekblad 31-Aug-18

NET EEN PLAN “Daar is net een plan wat vir Suid-Afrika gaan werk, en dit is God se plan.” Dít was die boodskap van ds. Petrus Grové, een van die boere wat betrokke is by die MD Foundation op Ficksburg, op Landbouweekblad en Agri SA se grondberaad op Bela-Bela. “Ons moet ophou om uit vrees te dink oor hoe ons alles moet probeer beskerm. Ons moet die Here vertrou, en vir Hom vra hoe lyk Sý plan vir Suid-Afrika.” Grové se stigting het ’n model saamgestel waarvolgens hulle 45% van hul boerdery aan die staat verkoop. Dié geld sal weer in die boerdery belê word om werk te skep. — ALANI JANEKE SEKTORALE PLAN Die hele landboubedryf sal saamspan om ’n raamwerk vir die sektor te ontwikkel wat gemik is op inklusiewe groei en…

R50 miljoen Tiger Brands verloor R50 miljoen per maand weens sy aanlegte wat gesluit is nadat sy poloniefabriek in Polokwane geidentifiseer is as die bron vir die listeriose-epidemie wat meer as 200 mense geëis het. Daarby het dit die maatskappy ook sowat R356 miljoen gekos om produkte te herroep. Hy het op Sens gewaarsku dat sy verdienste en wesensverdienste per aandeel tot 37% laer sal wees. — Netwerk24 10% Suid-Afrika is naas Spanje die grootste sitrusuitvoerder ter die wêreld met 10% van die wêreldmark. Daarvan word 62% vanuit die Wes-Kaap uitgevoer, wat die provinsie die grootste sitrusuitvoerder in die Suidelike Halfrond maak. Mnr. Alan Winde, provinsiale minister vir ekonomiese geleenthede, sê hoewel Europa steeds die grootste mark is, is die groei in die mark in Asië. — Wes-Kaapse departement van ekonomiese ontwikkeling 30% Mnr. Zodwa Ntuli, kommissaris…

BO BLINK . . . ONDER STINK. ’n Sonsondergang oor die Vaalrivier by Parys in ’n week waarin die kwaai besoedeling van die rivier heeltyd in die nuus was en as ’n nasionale ramp bestempel word. Die gemeenskappe van 15 dorpe en ’n stad langs die rivier het saam met die burgerregte-organisasie AfriForum nou ook ingespring om die rivier te help rehabiliteer. Terwyl plaaslike munisipaliteite nog eers die nodige geld moet bekom om rioollekkasies te herstel, word aktiewe bakterieë nou deur die helpers in die dorpe in die rivier vrygelaat om riool af te breek en suurstof in die rivier terug te plaas. Daar word geraam minstens 1 500 megaliter gedeeltelik- of onbehandelde riool beland daagliks in die rivier.…

DR. THEO DE JAGER, voorsitter van die Wêreldboere-vereniging (WFO) skryf boere weet al langer as twee dekades dat grondbesit en landboutransformasie politieke dinamiet kan word. Die ANC het in 2008 al gevra om voorstelle vir ’n grondhervormingsplan en daar is nog nie een nie. Deur elke nuwe grondhervormingsplan as ongrondwetlik, ANC-vriendelik of inmenging in die vrye mark te verwerp, skep ons boere die indruk dat ons links praat, maar regs hardloop. Die geskiedenis gaan nog kras oor ons oordeel vir ons onvermoë om ’n werkbare plan te beraam. Binne die oorverhitte gronddebat is die sneller nou getrek, maar die koeël is nog nie deur die kerk nie. Die landbousektor kan nog aan Suid-Afrika ’n waardeproposisie maak wat die stille meerderheid op die middelgrond se verbeelding kan aangryp. Ons kan werk en welvaart…

‘Ek glo daardie draaipunt word bereik wanneer rasionele mense saam oplossings soek.’ MNR. DAN KRIEK, voorsitter van Agri SA, oor ’n nasionale strategie vir landbou. Bl. 15 ‘Die Land Bank het ondanks die droogte in die Wes- en Oos-Kaap stewige finansiële resultate in die afgelope boekjaar behaal.’ MNR. TP NCHOCHO, uitvoerende hoof, met die bekendmaking van die 2018-resultate. Bl. 18 ‘Chinese verbruikers se indruk van Suid-Afrika is nog ’n skoon doek. Die land het ’n gulde geleentheid om ’n gunstige beeld te skep.’ ’n CHINESE INVOERDER van vrugte op die Fresh Connections-konferensie. Bl. 22 ‘As jy vir ’n lening teken, bly jy verantwoordelik vir daardie lening.’ MNR. DAWIE MAREE, hoof van bemarking en inligting by FNB se landbouafdeling, oor wie die uitstaande lening by onteiening moet betaal. Bl. 23 ‘Henk was ’n toegewyde landbouleier…

Die probleem met die wêreld, het die Britse filosoof en wiskundige Bertrand Russell uitgewys, is dat dwase en fanatici altyd so seker is van hul saak, terwyl wyser mense nie kan help om erg oor hul besluite te twyfel nie. Sy opmerking som Suid-Afrika se penarie mooi op. Ons probleem is mos maklik. Die grond moet net aan die “regmatige eienaars” terugbesorg word, dan sal alles perfek wees. Dit is wit mense, soos Russell se dwase en fanatici knaend uitwys, wat klaarblyklik die land se probleem is. Hulle weerhou die res van die samelewing daarvan om hul regmatige plek in die ekonomie in te neem. Teen ’n skamele 8% van die bevolking (en hulle word ál minder) is wit mense eintlik statisties irrelevant. Al oorhandig hulle ál hul plase en die res…