Landbouweekblad 07-Sep-18

1,3% Kort ná adj.pres. David Mabuza se versekering op Landbouweekblad en Agri SA se grondberaad dat die ANC-regering nie grondgrype sal duld nie, het die rand met 1,3% versterk van R14,41 tot R14,22 teenoor die dollar. Dit volg ná pres. Donald Trump se twiet dat hy die “grond- en plaasbesettings en die grootskaalse moorde van boere in Suid-Afrika” gaan laat ondersoek. Mnr. Wessel Lemmer, Absa-landbou-ekonoom, het ná Mabuza se toespraak getwiet die beraad dra by tot beleidsekerheid. 1,6m. ton Suid-Afrika se koringinvoerbehoefte kan in die huidige bemarkingsjaar tot 1,6 miljoen ton daal vanaf 1,9 miljoen ton in die vorige jaar. Dit is danksy groter aanplantings en verbeterde opbrengsverwagtinge, veral in die Wes-Kaap. Koringproduksie kan op ’n jaargrondslag 18% hoër wees danksy die herstel in produksietoestande ná die knellende droogte van verlede jaar. Die…

KOUE LENTE Die Koue-Bokkeveld noordoos van Ceres in die Wes-Kaap het sy naam verlede naweek gestand gedoen toe dit selfs in koring- en voergarslande gesneeu het. Ceres het volgens die Wes-Kaapse regering tot 110 mm reën gekry, wat uiters welkom is ná die knellende droogte van die afgelope jaar. Reënval van 20 mm tot 30 mm is in dele van die Swartland aangemeld, terwyl dit in dele van die Overberg selfs meer as 50 mm gereën het. Volgens mnr. Andries Theron, voorsitter van Graan SA se wintergraanwerkgroep, is 20 mm tot 30 mm reën teen verlede Sondagoggend oor dele van die Swartland gemeet. Die reën is uiters welkom omdat meeste wintergewasse tans in deurslaggewende groeistadiums is. “Ons kan die waarde van die reën wat geval het, nie in goud of geld…

GRONDVERSKUIWEND. Landbouweekblad en Agri SA se grondberaad op Bela-Bela einde Augustus het net meer as 500 mense gelok, waaronder boere, beleidsvormers, ekonome en bedryfsleiers. Adj.pres. David Mabuza, hoof van die Regering se interministeriële komitee oor onteiening, me. Maite Nkoana-Mashabane, Minister van Landelike Ontwikkeling en Grondhervorming, mnr. Paul Mashatile, tesourier-generaal van die ANC, en mnr. Mike Mlengana, direkteur-generaal van die Departement van Landbou, Bosbou en Visserye, was ook daar om te luister hoe die leiers van talle suksesvolle bemagtigingsprojekte die struikelblokke vir transformasie in die landbou kaalvuis takel. Lees meer op bl. 16-17, sowel as by bit.ly/2N2apMo.…

DA AR is heelwat goeie nuus, maar ook vrae, oor die Geintegreerde Hulpbronplan – Suid-Afrika se langtermyn-energieplan – wat mnr. Jeff Radebe, Minister van Energie, verlede week vir kommentaar gepubliseer het. Die goeie nuus is dat ons vir die eerste keer sedert 2011 ’n plan het wat deursigtig en geloofwaardig is. Dit sit die relatiewe koste uiteen: Kernkrag is die duurste en hernubare krag die goedkoopste. Tydens die Zuma-jare is die plan verwring deur politiek en Zuma se begeerte om kernkrag op die land af te dwing. Die plan geld tot 2030 en voorsien geen nodigheid vir nuwe kernkragsentrales nie. Dit aanvaar dat alle opwekkingsprojekte waarvoor die Regering tot 2024 opdrag gegee het – steenkool én hernubaar – sal voortgaan soos beplan. Dus sal nog 5 732 MW steenkoolkrag van Eskom se Medupien…

‘Vir 24 jaar is hierdie mense wat opregte, eerlike en ernstige voornemens en drome het om te boer, deur die stelsel in die steek gelaat.’ MNR. PATRICK SEKWATLAKWATLA van Sernick, oor opkomende boere se stryd om volhoubare boerderye te vestig. Bl. 17 ‘Boere kan nie vroegoggend by die huis ses bottels entstof aanmaak, dit kraal toe neem en dan van die entstof eers teen die namiddag gebruik nie.’ DR. GEORGE DE KOCK, veearts en voorsitter van Cape Wools Suid-Afrika, oor belangrikheid daarvan om slenkdalkoorsentstof korrek te hanteer. Bl. 20 ‘Die daling in produsentepryse kan nie aan die hand van die beweging in fabriekspryse geregverdig word nie.’ DR. CHRIS VAN DIJK, uitvoerende hoof van die Melkprodusente-organisasie, oor hoe prysneigings die bedryf se volhoubaarheid bedreig. Bl. 23…

Jy kan jou lewe op net twee maniere lei, het Albert Einstein opgemerk. Die een is asof niks ’n wonderwerk is nie, en die ander een is asof alles ’n wonderwerk is. Komende van een van die slimste mense nóg, dink ek ons almal moet elke dag hierdie keuse maak. Ja, baie dinge is sleg. Daarvoor hoef ons net na die nuus te kyk. Maar wanneer ’n mens verby die nuus kyk, kom jy soms op dinge af wat selfs die mees swartgallige filosoof om die vleisbraaivuur sal dwing om in wonderwerke te glo. Een voorbeeld is die groep pêlle van Bonnievale — ’n jong, wit wynboer, ’n bruin ingenieur van die plaaslike township en ’n boontjieteller. Hulle was diep bekommerd oor die toekoms van die township se kinders. Toe bid hulle…