Landbouweekblad 28-Sep-18

0,26 °C Die temperatuur in die wêreld kan teen 2100 met 0,26 °C verlaag word as grondbewaringspraktyke, soos dekgewasse, weidingsbestuur en peulgewasse, wêreldwyd toegepas word, en dié praktyke met die drastiese vermindering van koolstof-uitlaatgasse gepaardgaan. Dit is volgens ’n nuwe studie van die Universiteit van Kalifornië, Berkeley. Aanvanklik wou navorsers bepaal of herlewingslandboupraktyke wêreldwye temperature met minstens 0,1 °C kan verminder. — Science Daily R4,7 miljard Suid-Afrika se uitvoer na Rusland het van R4,1 miljard in 2016 gestyg tot meer as R4,7 miljard in 2017. Die belangrikste uitvoerprodukte daarheen is vrugte en neute, mangaanerts, yster- en staalprodukte, drankies, asyn, elektriese masjinerie en toerusting. Die Departement van Handel en Nywerheid lei vandeesweek ’n afvaardiging sakelui na World Food Moscow in Rusland. Die departement hoop dat dit nuwe handelsmoontlikhede vir boere en verwerkers sal skep.…

PLEIDOOI VIR EIENDOMSREG Mnr. Petrus Sito van Bultfontein besoek sedert Julie plaaswerkers landwyd in sy veldtog om pres. Cyril Ramaphosa te vra om artikel 25 van die Grondwet onveranderd te laat. Hy sê hy besef hoe afhanklik landelike gemeenskappe en besighede van boerdery is. Hy het aan Netwerk24 gesê tot 90% van die plaaswerkers wat hy al besoek het, is bekommerd oor die voorstel dat die Grondwet verander moet word om onteiening sonder vergoeding toe te laat. Hy het drie weke gelede drie dae lank by die Uniegebou in Pretoria deurgebring, waarna sy memorandum met sy versoek deur beamptes van die Presidensie in ontvangs geneem is. “Daar is baie mense wat met my saamstem, maar hulle is bang om te praat.” Hy gaan intussen voort met sy veldtog terwyl hy op…

VERWOESTING. Hierdie reusebrand, wat verlede week twee dae lank tussen Tweeling en Warden gewoed het, was een van 15 brande wat binne vyf dae in die Vrystaat uitgebreek het. Dit is onder beheer gebring nadat lede van die Roadside-brandvereniging ’n brand in die teenoorgestelde rigting begin het as deel van pogings om dit te blus. Teen druktyd was boere besig om die omvang van die skade wat aangerig is, te bepaal. Mnr. Johann Breytenbach, hoofbestuurder van die Vrystaatse sambreel-organisasie vir brandverenigings, doen ’n beroep op die publiek om nie oop vure te maak of sigaretstompies in die droë veld te gooi nie, want die geringste kooltjie kan duisende hektare verwoes.…

DA AR is ’n reusegaping tussen hoe die Suid-Afrikaanse Inkomstediens homself sien, en hoe die belastingbetaler die instansie ervaar. Daar is ’n enorme gaping in die SAID se begrip van waar hy tekortskiet in ’n komplekse wêreld van belastingvermyding en belastingontduiking, en sy vermoë om skuiwergate in die wet te identifiseer wat geleenthede vir die uitbuiting van prysverskille in verskillende markte skep. Die metode waarvolgens die SAID die risiko van belastingbetalers bepaal, het ernstig verwronge geraak en moet dringend hersien word. Dit is onaanvaarbaar dat laagbesoldigde werknemers verlof moet neem om by ’n SAID-hulpsentrum uit te kom sodat hulle kan bewys dat hulle nie vir inkomstebelasting geregistreer hoef te wees nie. Die waarnemende kommissaris, mnr. Mark Kingon, erken die SAID se gebreke en is “daartoe verbind om die werkswyse te verbeter”. Hy…

‘Jy is nie sag as jy praat nie, jy is eerder slim.’ MNR. DAN KRIEK, voorsitter van Agri SA, in antwoord op kritiek oor die organisasie se onderhandelinge met die Regering. Bl. 22 ‘Die gemak waarmee ’n sukkelende bedryf opgeoffer kan word, wek ook kommer.’ MNR. JANNIE DE VILLIERS, uitvoerende hoof van Graan SA, oor ’n kwota van 40 000 ton koring wat Brittanje na Suid-Afrika kan uitvoer. Bl. 14 ‘As jy vanjaar dieselfde produksie lewer, is jou inkomste nou minder as ’n jaar gelede.’ DR. KOOS COETZEE, ekonoom by die Melkprodusenteorganisasie, oor die noodsaak vir boere om produksie te verhoog. Bl. 17 ‘Hulle wag nie vir hul saadmaatskappye, hul plaagdodermaatskappye of ander vennote om uit te pluis wat die beste weg vorentoe is nie.’ MNR. HEINZ OELLERMAN, sakebestuurder van DuPont Pioneer, oor graanboere wat hul eie…

Alle suksesvolle verhoudings en vennootskappe word op wedersydse vertroue gebou. Dit is die gom wat alles bymekaar hou. Gegewe hoe belangrik dit is, is dit ironies hoe maklik vertroue geskend kan word, en hoe moeilik dit is om ná ’n terugslag te herbou. Om te voorkom dat vertroue geskend kan word, is dit altyd ’n goeie plan om uit die staanspoor saam te stem oor ’n paar basiese beginsels en wat aanvaarbaar is en wat nie. Op die onlangse Bela-Bela-grondberaad was dit interessant om te sien hoe ’n klomp boere, wat almal verstaan wat dit verg om geld te maak in ’n uiters moeilike bedryf, dadelik by mekaar aanklank gevind het. Hulle besef instinktief watter besonderse prestasie dit is wanneer die wilde vrye mark sodanig getem kan word dat nuwe toetreders…