Landbouweekblad 19-Oct-18

1,2 Die Noordwes-Universiteit se indeks oor beleidsonsekerheid het in die derde kwartaal met 1,2 persentasiepunte gestyg, van 51 tot 52,2. Die basispunt vir die indeks is 50, met ’n hoër telling wat groter onsekerheid aandui. Die styging is gegrond op die feit dat meer ondernemings aangedui het politiek belemmer die sakesektor in die land en effens meer is oor beleidsonsekerheid in die media berig. Die indeks se hoogste vlak was in die laaste kwartaal van 2015 (55,4%). – NWU-sakeskool 18% Die verkope van 487 trekkers in Augustus is byna 18% minder as die 591 eenhede in die ooreenstemmende tyd verlede jaar. Vir die eerste agt maande van vanjaar is trekkerverkope egter steeds byna 7% hoër as in die ooreenstemmende tyd verlede jaar. Stroperverkope van 9 eenhede is 3 eenhede minder as die 12…

AFRIBEEF MIK NOORD Afribeef, handelsmerk van Afrikanerbeesvleis, gaan nou ook in Namibië geproduseer word nadat dit reeds meer as ’n jaar gelede in Suid-Afrika bekend gestel is. Die ras het danksy sy genetiese samestelling sagte vleis en is volgens mnr. De Wet Mouton, voorsitter van die Afrikaner-beestelersgenootskap van Namibië, is die ras ook gehard en aanpasbaar. Weens die aanvanklik verwagte klein aanbod sal die klem eers op die gasvryheidsbedryf wees. By die bekendstelling van Afribeef in Windhoek het me. Sanet Prinsloo, bekende Namibiese meestersjef (regs), ’n aantal smuldisse van die vleis voorberei. Lees meer by bit.ly/2C8HhNp. ENT JOU HERKOUERS! Suid-Afrika voer 80% van sy wolskeersel na China uit en dié land het reeds gesê hy koop nie van gebiede wat deur slenkdalkoors geraak word nie. In die lig daarvan het mnr. Jan Louis…

VIR DIE POT. Die eienaars van die Mahela-boerdery van Limpopo het op elk van sy agt boerdery-eenhede ’n tonnel van 12 m x 28 m vir hul werkers opgerig. Elke eenheid se werkers verbou hul eie groente in dié tonnels en dit het oor die jare in ’n mededinging onder die plase ontaard om te kyk watter groep werkers kan die mooiste groente verbou. Hier spog mnr. Thomas Mojela van die plaas Junction by Letsitele met vanjaar se kool-oes. Mahela verskaf alles – die tonnels, toerusting, besproeiing, kunsmis, water en plantjies – en die werkers span hul kundigheid in om voedsel vir hul eie gebruik te verbou. “Dit is iets ‘kleins’ wat baie beteken,” sê mnr. Pieter Vorster van die Mahela Groep.…

DIE wêreld se voorste klimaatwetenskaplikes het gewaarsku slegs sowat 12 jaar is oor om die gemiddelde aardverwarming tot 1,5 °C te beperk. Die risiko van droogte, vloede, uiterste hitte en armoede vir honderde miljoene mense sal daarna aansienlik styg. Dié bevinding is vervat in die verslag van die Verenigde Nasies se interregeringspaneel oor klimaatsverandering (IPCC) wat op 8 Oktober bekend gestel is ná goedkeuring by ’n finale sitting van ál 195 lidlande in Suid-Korea. Sedert opdrag vir die verslag in 2016 by die Parys-klimaatonderhandelinge gegee is, het die gaping tussen die wetenskap en die politiek vergroot. Pres. Donald Trump van Amerika het onderneem om sy land – die grootste bron van historiese kweekhuisgasvrystellings – aan die Parys-akkoord te onttrek, en dit raak al hoe waarskynliker dat Brasilië dieselfde kan doen. Die wetenskaplikes het…

‘Jy kan nooit genoeg vir goeie grond betaal nie en nooit te min vir slegte grond nie.’ MNR. COBUS WELLS, hoof van Agribesigheid by Absa, oor die vraag of die gronddebat plaaspryse beïnvloed. Bl. 14 ‘In ’n omgewing waar ’n leuen so vinnig versprei, moet ons optrede onkreukbaar wees wanneer daar na diere omgesien word.’ PROF. GARETH BATH, hoof van die adviesliggaam vir kleinveegesondheid, oor die belangrikheid van dieresorg in die era van sosiale media. Bl. 20 ‘Daar is ongelooflike druk op die president oor wanbalanse in die land. Ons grootste prioriteit lê by wat ons kan doen om hom te ondersteun.’ MNR. RYNO VAN DER MERWE, voorsitter van die Namibiese Landbou-unie, oor die uitkomste van die land se grondkonferensie. Bl. 21 ‘ ’n Vennootskap is altemit nie veel anders as ’n huwelik nie.’ MNR. PIERRE VENTER,…

Hulle was die onwaarskynlikste twee mense om vriende te wees. My oupa, die ou jintelman wat altyd ’n das gedra het, hetsy jy beeste op die plaas gaan kyk het of Queenstown toe is vir ’n besoek aan die tandarts. Sy onberispelike maniere was gegrond in sy geloof dat as jy nie iets goeds oor iemand kan sê nie, moet jy liewer stilbly. Toe die Chinese smous Danny en sy vrou in die vroeë 2000’s op ons Oos-Kaapse dorpie beland het, kon hulle skaars Engels praat. Deur dag en nag te werk en buitengewone klantediens kon hulle mettertyd hul klein onderneming opbou totdat Danny later ’n drankwinkel kon aanskaf. Dit was ’n goeie, maar gevaarlike sakebesluit daar in ons wêreld op die grens van die voormalige Transkei waar drankmisbruik dikwels gewelddadig aan…