Landbouweekblad 26-Oct-18

’N INSPIRASIE Landbouweekblad het Graan SA se Inspirasie-eerbewys vir vanjaar ontvang vir die grondberaad wat hy in Augustus met die samewerking van Agri SA in Bela-Bela aangebied het. Meer as 500 mense van reg oor die land het dié historiese tweedaagse beraad bygewoon, waar 65 sprekers voorleggings gemaak wat in sewe tale getolk is. Chris Burgess (links), hoofredakteur van Landbouweekblad, het die eerbewys opgedra aan die sprekers op die grondberaad, wat volgens hom ’n toonbeeld is van die Suid-Afrika wat ons kan wees. “Hulle is mense met ’n diep geloof wat hulself nie deur probleme laat afskrik nie.” Hy het ook die rol van gewone Suid-Afrikaners in die gronddebat uitgelig en gesê die beraad het ’n unieke platform geskep waarop verskillende belanghebbendes in die landbou met mekaar kon skakel. Hier is…

3,1% Die Internasionale Monetêre Fonds verwag die ekonomiese groei in Afrika suid van die Sahara sal van 2,7% verlede jaar tot 3,1% vanjaar toeneem. Die groeiverwagting vir Suid-Afrika is 0,8%. Die verandering weerspieël binnelandse beleidsveranderinge en ondersteunende eksterne faktore, soos die volgehoue, eweredige groei in die wêreldekonomie, hoër produkpryse en buigbare eksterne finansieringstoestande. Op mediumtermyn word verwag die groei kan tot 4% versnel. – IMF $1 miljoen Twee bottels rooiwyn wat die Boergondiese produsent Domaine de la Romanée-Conti (DRC) aan die einde van 1945 gemaak het voor die wingerd uitgekap en vervang is, is op 12 Oktober vir net meer as $1 miljoen (meer as R14 miljoen) op ’n veiling van Sotheby’s in New York verkoop.Net 600 bottels is in daardie jaar gemaak. Drie ander bottels van DRC uit 1937 is op dieselfde…

OU HAND. Scot, ’n ses jaar oue skaaphond, was een van talle werkende honde wat op vanjaar se Agri Expo Livestock by Sandringham buite Stellenbosch deelgeneem het aan skaaphonddemonstrasies wat die skaaphondveiling op 12 Oktober voorafgegaan het. Scot behoort aan me. Pippa Philip, die ondervoorsitter van die Suid-Afrikaanse Skaaphondvereniging (Sasda). Haar man, Andrew, se hond Zac het die hoogste prys van R30 000 op die veiling behaal. Mnr. W.A. Hugo, ’n afrigter van Lambertsbaai, sê die grootste probleem by die koop en verkoop van ’n werkende hond is om die regte hond by die regte baas en spesifieke werksituasie te bring. Om hierdie rede het Sasda tydens Livestock ‘n stalletjie beman waar voornemende kopers met verkopers kon gesels oor hul spesifieke behoeftes. Die skaaphondvertoning was een van die besoekpunte tydens…

DIE Suid-Afrikaanse Inkomstediens is besig om werk te maak van die Belastingombud se bevinding oor die terugbetalings van dieselrabatte en BTW, het mnr. Mark Kingon, waarnemende kommissaris van die Inkomstediens, verlede week gesê tydens die parlementêre bespreking van die organisasie se jaarverslag. Tot dusver is tien sake afgehandel, en ’n nuwe stelsel wat die probleme met die opskorting van terugbetalings sal beëindig, word tans in werking gestel. Verder sal die rekeninge vir die terugbetaling van BTW en diesel geskei word. “Ons kan nie flaters by die SAID bekostig nie,” het hy gesê. “Ons beweeg in die regte rigting, maar ons gaan onstuimige tye binne.” Daar was verskeie kwelpunte in die organisasie se finansiële verslae – merietebonusse is sonder die Minister van Finansies se goedkeuring betaal. Onreëlmatige uitgawes, wat met bonusse verband hou,…

‘Wil jy jou eie slagoffer wees of gaan jy die werklikhede erken?’ MNR. RYNO VAN DER MER-WE, voorsitter van die Namibiese Landbou-Unie (NLU), se aanmaning aan boere om deel te neem aan grondhervorming. Bl. 19 ‘ . . . anders gaan daar groot vervoerprobleme in die noorde wees.’ MNR. MITCHELL BROOKE, die SASKV se logistieke ontwikkelingsbestuurder, oor wat vir die bedryf wag indien Transnet nie dadelik in nuwe tegnologie vir sitrusvervoer belê nie. Bl. 14 ‘Ons moet vergeet waar dit vandaan gekom het, en eerder op die uitkyk daarvoor wees en seker maak daar is stelsels om dit op te spoor.’ DR. MPHANE MOLEFE, direkteur van openbare gesondheid by die Departement van Landbou, Bosbou en Visserye, oor die Wêreldgesondheidsorganisasie se raad in die nadraai van die listeriose-uitbreking. Bl. 15 ‘Dit reën net kol-kol vanjaar, daar is…

1 000 000 000 000. Oftewel R1 biljoen. Dít is hoeveel oudpres. Jacob Zuma se wanbestuur Suid-Afrika se ekonomie gekos het, volgens die Universiteit Stellenbosch. Dit is natuurlik buiten die miljarde rande wat binne die staatsdiens en staatsbeheerde maatskappye verdwyn het. Die enigste troos in hierdie patetiese petalje is dat R1 biljoen se belasting ook van Zuma se plunderbende weerhou is. Nou, ná die jare lange partytjie waartydens na hartelus gesteel is, moet die belastingbetaler egter die rekening betaal. Die land hang oor die afgrond. Staatskuld, soos by Eskom, is nou meer as die helfte van die nasionale inkomste. Graderingsagentskappe dreig met nog afgraderings indien dié skuld nie stabiliseer nie. Maar omdat die ekonomie nie aan die gang kom nie, sukkel ons om die skuld te betaal. Om sout in die wonde…