Landbouweekblad 30-Nov-18

AVOKADO VAT DIE VETKOEK In ’n poging om die gebruik van avokado in straatkos te bevorder het die bemarkingsmaatskappye Protactic en Promofresh vanjaar ’n veldtog begin waardeur hulle avokado as vulsel in die gewilde Afrikavetkoek, die magwinya, onder verbruikers beproef het. Maya Boshoff (7) van Mokopane in Limpopo het daarvan gehou, en dit het ook groot aftrek by Gautengse verbruikers gekry. Van die informele handelaars wat dié vetkoeke by taxi-en bushaltes verkoop, bedien tot 2 000 mense op ’n oggend, en 65% van die kliënte wat avokado-magwinyas beproef het, sê hulle is gaande daaroor en sal dit gereeld koop as dit beskikbaar is. Die meeste van hulle is selfs bereid om ’n bietjie meer daarvoor te betaal. Baie mense sal ook heel avokado’s koop as straatkosstalletjies dit aanhou. IN VLAMME Volgens voorlopige opnames…

13,62 t/ha ’n Amerikaanse boer het vanjaar die eerste keer die sielkundige opbrengsvlak van 200 skepels per akker oorgesteek met ’n opbrengs van 13,62 t/ha, oftewel 202,53 skepels per akker. Mnr. Phillip Gross, ’n boer van die Adams-distrik in die deelstaat Washington, het met dié opbrengs vir die derde jaar agtereenvolgens die hoogste koring-opbrengs in Amerika bereik. Die koring is onder besproeiing verbou tydens die Amerikaanse winter. – Successful Farming 10 miljoen Die presisie-landboumaatskappy Aerobotics het teen 14 November 10 miljoen bome en wingerdstokke met diagnostiese tegnologie ondersoek. Met dié tegnologie word siektes en plae in vrugtebome met lugfotografie en masjienleer geidentifiseer. Van die 10 miljoen is 1 miljoen plante tussen 9 en 14 November ondersoek. Mnr. Tim Willis, die maatskappy se finansiële hoof, sê die tegnologie raak ál beter hoe meer data…

GELUK BY DIE ONGELUK. “Kyk, dit sou maklik gewees om hierdie ding (die haelstorm) in ’n slegte lig te sien, maar ons is eerder dankbaar vir die reën wat ons gekry het,” sê mnr. Nico Pieterse van die plaas Syferfontein tussen Standerton en Leandra oor die erge haelstorm wat dié gebied op Maandag 19 November getref het. Benewens die hael het dit sowat 105 mm in minder as ’n uur op ’n deel van sy plaas gereën. Die deel van sy sojaboonlande wat onder die storm deurgeloop het, is platgevee. “Ek beskou die skade egter nie as sleg nie, want dit was uiters droog in die omgewing. Ná die aanvanklike haelstorm en erge reën het dit deur die nag sag gereën oor ’n groot streek, wat Standerton, Vrede, Meyerton, Secunda,…

GEWELD en armoede word hoofsaaklik voorgehou as redes vir die sogenaamde “migrantekaravaan” se eksodus uit lande in Sentraal-Amerika (hoofsaaklik Guatemala, El Salvador en Honduras), maar die groter prentjie is dat klimaatsverandering boere van hul plase af dwing – en dit gaan waarskynlik erger raak. Die drie lande word geteister deur geweld, georganiseerde misdaad en sistemiese korrupsie wat meestal spruit uit konflikte uit die Koue Oorlog, maar klimaatsverandering vererger dié probleme met misoeste en armoede. Dit kan in komende dekades nog miljoene mense noord laat trek. Migrante noem nie dikwels klimaatsverandering as ’n rede om hul geboorteland te verlaat nie, maar mense in dié streek wat van klein plasies afhanklik is, is alte bewus van veranderinge in weerpatrone wat oeste kan vernietig, en daarmee saam hul inkomste. Een vlugteling van Ch’orti’-Maja-afkoms, mnr. Jesús Canan,…

‘Jy kom net nie uit die moeilikheid met sulke swak pryse nie.’ MNR. ANTON BOTHA, ’n boer in die distrik Bultfontein, oor die posisie waarin baie boere in die westelike somersaaigebiede hulle tans bevind. Bl. 16. ‘ ’n Mens moet maar diep asemhaal en hoop dat dit volgende jaar goed reën en die mark regverdig verhandel.’ MNR. KEVIN ROBERTSON, direkteur by Bester Voer & Graan op Stellenbosch, oor die uiters swak marktoestande vir koring. Bl. 20 ‘Dit gaan geruime tyd vir wingerd in dié streek duur om ten volle te herstel.’ MNR. RICO BASSON, bestuurshoof van Vinpro, oor droogteskade aan die wingerd in die Klein-Karoo. Bl. 21 ‘Ons het ’n protokol onderteken vir die uitvoer van volstruisvleis, en gaan ook kameelperde na dieretuine in China uitvoer.’ MNR. MIKE MLENGANA, direkteur-generaal van landbou, bosbou en visserye, oor verskeie…

Aangesien Suid-Afrika se politici weier om hul werk te doen en die 700 000 geskrewe voorleggings deur te werk wat verduidelik hoekom gewone Suid-Afrikaners dink private eiendombesit is nie onderhandelbaar nie, kan hulle maar net oor die grens gaan kyk na wat in Lesotho gebeur. Dan sal hulle hopelik verstaan hoekom hardwerkende, belastingbetalende Suid-Afrikaners nie ’n krieseltjie beheer oor hul lewens aan ’n klomp onverskillige, oningeligte en oneerlike politici wil afstaan nie. Dié klein bergkoninkryk is belangriker as wat ’n mens dink. Suid-Afrika kan nie sonder sy water oorleef nie. Miljarde rande is belê in die twee enorme damme wat die berge se afloopwater opvang. Sonder Lesotho se skoon bergwater sal Gauteng se ekonomiese hart ophou klop. Ons moet ook let op ons klein buurland se politieke onstabiliteit. Lesotho se grens…