Landbouweekblad 21-Dec-18

SLANGWAG Mnr. Marnu Gouws, die omgewingsake-beampte van die Kangnas-windplaas by Springbok, is nie net vir die bestuur van die projek se waterverbruik verantwoordelik nie, maar ook een van Kangnas se amptelike slanghanteerders. Gouws en sy kollega, mnr. Hennie Taljaardt, het reeds verskeie horingadders op die plaas gevang en in ’n soortgelyke habitat hervestig. Gouws sorg saam met die Springbok-hospitaal ook dat genoeg serum teen slangbyt beskikbaar is. Van die vernaamste giftige slangsoorte wat in dié deel van die Namakwaland voorkom, is die geelslang, swart spoegkobra en pofadder. Die Kangnas-projek sal 140 MW elektrisiteit deur die 61 windlaaiers opwek. ONWETTIG! Die Grondwethof het op 11 Desember in die guns van ’n groep Zimbabwiese boere beslis dat oudpresident Jacob Zuma onregmatig en ongrondwetlik opgetree het toe hy saam met ander leiers van die Suider-Afrikaanse Ontwikkelingsgemeenskap…

45% Die Safex-prys vir geel mielies was op 11 Desember amper 45% hoër as die laagtepunt van middel 2017, wat gepaardgegaan het met verlede seisoen se rekord-mielieoes. Mnr. Anthony Clark, markontleder by Vunani Securities, sê op Twitter dié prys, saam met swak reënvooruitsigte in die meeste van die somersaaigebiede, spel swarigheid vir die groot genoteerde verbruikers van geel mielies, soos Astral Foods, RCL en Pioneer Foods, se verdienste in 2019. — Twitter 27% In November is daar op ’n jaargrondslag 27% minder trekkers verkoop – 428 teenoor 589 verlede November. In die eerste elf maande van die jaar is trekkerverkope net 4% meer as verkope in die ooreenstemmende vorige tydperk. Nege stropers teenoor verlede November se 11 is verkoop. Die trae verkope word toegeskryf aan moeilike finansiering, hoë produksiekoste en politieke onsekerheid, volgens…

SKAAPWAGTER. Dié foto van ’n jong Anatoliese herdershond, Wit Leeu, is vanjaar aangewys as Landbouskrywers SA se foto van die jaar. In ’n artikel vertel Wit Leeu se eienaar, mnr. Danie le Roux van Montagu, van die reusesuksesse wat sy herdershonde teen roofdiere behaal het. Die honde woon van kleins af by skape sodat die diere ’n hegte band met mekaar kan vorm. Een van Le Roux se ander honde het per geleentheid ’n jakkals meer as drie kilometer ver, en oor drie kampheinings, ingehardloop en doodgebyt. Ongelukkig is daardie hond later per abuis vergiftig. Le Roux meen dié honde kan selfs werk vir Dorpers, wat nie tropgebonde is nie en in ’n kamp van 800 ha loop.…

DIE politieke kommentator mnr. Max du Preez meen die ANC het ’n hele jaar van destabilisasie van die landbousektor en die ondermyning van Suid-Afrika se internasionale beeld toegelaat omdat hy nie wou lyk of hy terugstaan vir die EFF nie. In sy rubriek op News24 sê Du Preez as die nuwe onteieningswetsontwerp volgende jaar deur die Parlement gepromulgeer word, sal dit nie nodig wees om die eiendomsklousule in die Grondwet te verander nie. Dit sal dan aan almal duidelik wees dat die emosionele gronddebat, wat soveel verdeeldheid, onsekerheid en ’n afname in beleggersvertroue veroorsaak het, oor politieke wedywering en goedkoop populisme gegaan het pleks van die werklike herverdeling van grond. “Die ANC het in sy eerste 23 jaar aan bewind nie veel omgegee vir grondherverdeling nie. Grondhervorming en restitusie het teen ’n…

‘Die banke is nie welsynsorganisasies nie.’ MNR. WILLEM SYMINGTON, ondervoorsitter van Agri Noord-Kaap, oor die finansieringsituasie van talle boere in sy provinsie weens die droogte. Bl. 14 ‘Mpumalanga kon in die verlede voerbale aan ander droogtegeteisterde dele van Suid-Afrika skenk. Dié seisoen gaan dit nie moontlik wees nie. MNR. ROBERT DAVEL, voorsitter van Mpumalanga Landbou, oor die dilemma waarin die droogte sy provinsie én die res van die land plaas. Bl. 15 ‘Die natuur stel die pas vas en ons probeer boer soos die natuur ons lei.’ MNR. CLAUDE CLOETE, boer van Dordrecht, oor sy besluit om seleksie in sy skaapkudde aan die natuur oor te laat. Bl. 55 ‘Dit gaan so min ryp dat jy op die Hoëveld met tamaties sal kan boer.’ PROF. FRANCOIS ENGELBRECHT, hoof van die navorsingsgroep oor onder meer klimaatstudies by die…

Nog ’n week, en steeds bly die wydverspreide reën weg. Dit is hartseer om te sien hoe die warm, droë winde die lande in die weste verwaai. Selfs vir iemand soos ek wat nie in Suid-Afrika se saaigebiede grootgeword het nie, is die situasie ondraaglik. Verlede naweek het ons hoop gehad toe ’n weerstelsel hoër op in Afrika mooi begin opbou het en daar sprake was van ’n bietjie swaar reën. “Hy moet teen Namibië se kus afkom,” maan my pêl op Hoopstad. Dit stelsel beweeg toe té vinnig in oor Namibië en Botswana, en breek op. Die dik wolkbank wat veronderstel was om oor Suid-Afrika te beweeg, was toe net blertse wit oor die somersaaigebiede, met stukkies wat hier en daar verder suid weggebreek het oor die land se ekstensiewe veegebiede. Onder…