Landbouweekblad 04-Jan-19

KRAG EN ROSYNTJIES Dieselfde helder son wat die lug naby Keimoes oor die rosyntjiewingerde by Kanoneiland laat bewe, is die rede vir die 205 meter hoë Khi Solar Onesonkragtoring se oprigting in 2016. Die toring gebruik 4 000 heliostat-spieëls en konsentreer sonlig op die spesiaal ontwerpte watertoring om elektrisiteit deur termiese hitte op te wek. Dié sonplaas beslaan 140 hektaar en lewer sowat 50 megawatt. Dit is die eerste toring in sy soort in Afrika, en is een van drie sulke sonplase wat in vennootskap met die Spaanse maatskappy Abengoa in die Noord-Kaap opgerig is. Die ander is Kaxu Solar One (100 MW) en Xina Solar One (100 MW) naby Pofadder. FOTO: LIZA BOHLMANN HULP VIR BULTFONTEIN Etlike landbou-ondernemings het in Desember skenkings gemaak aan Bultfontein-boere wat nie vanjaar produksielenings kry nie. Pioneer…

9 In die 2018-sitrusseisoen was daar slegs nege onderskeppings vir valskodlingmot in die Europese Unie (EU), teenoor die vorige seisoen se 61, volgens mnr. Deon Joubert, die Sitruskwekersvereniging se spesiale gesant vir marktoegang tot die EU. Hiervan was sewe in Nederland en twee in Brittanje. In Suid-Afrika was daar vier op Limpopo-Valencias, een op ’n Oos-Kaapse Valencia, twee op Limpopo-sagtesitrus en een elk op Wes- en Oos-Kaapse nawels. — Fresh Fruit Portal R1 miljoen ’n Australiese maatskappy is met AU$100 000, of sowat R1 miljoen, beboet weens ’n vervaardigingsfout by ’n fabriek wat onkruiddoders namens die multinasionale chemiese maatskappye Syngenta en Nufarm vervaardig. Dit het gelei tot die herroeping van tienduisende liter besmette onkruiddoder laat in 2016 en vroeg in 2017. Die produkte word op onder meer grasuie, preie, wortels, seldery en mielies gebruik.…

HULP VIR SUTHERLAND. Boere van Klipdale en Bredasdorp in die Overberg het op 15 Desember altesaam 33 vragte voer aan die gemeenskap van Sutherland gaan aflaai, waar boere reeds sedert 2013 ondergemiddelde reënval meet. Volgens mnr. Gideon Albertyn van Bredasdorp is die projek, wat deur mnr. Jean-Louis Fourie gereël is, uniek omdat die boere self hul eie voertuie bestuur het en hulle persoonlik die voer gaan aflaai het. Dit is reeds die tweede skenking uit dié streek, nadat 12 vragmotors begin Desember na boere in die Mosselbaai/Gouritsmondgebied gestuur is. Mnr. Abra van Wyk, voorsitter van die Sutherlandse landbou-unie, sê dit is wonderlik dat die boere uit die Overberg, wat self nie weet hoe hulle jaar vorentoe gaan lyk nie, hul harte so vir die boere van Sutherland oopmaak.…

DIE ANC-historikus Pallo Jordan sê die grondkwessie het sedert die ANC se 2017-konferensie heelwat omstredenheid veroorsaak, sonder om veel lig te werp op wat werklik nodig is om dit te hanteer. Hy erken in ’n artikel in New Agenda die grondkwessie was die grootste tameletjie vir revolusionêre regerings in die 20ste eeu. Hy sê Suid-Afrika is op soek na oplossings in die konteks van ’n moderne nywerheidsamelewing waarin agribesighede en groodskaalse boerderye die meeste van die land se kos produseer, en waar klein familieplase marginaal tot die ekonomie staan. Jordan noem ’n paar oorwegings in die soeke na ’n billike oplossing. Eerstens is daar Suid-Afrika se ekonomiese ontwikkeling vanaf ’n Britse landboukolonie tot Afrika se nywerheidskern. Is daar miljoene Suid-Afrikaanse stedelinge en dorpenaars wat eerder in landelike gebiede sal wil woon? En hoeveel…

‘Die enigste sprankie hoop is dat dit ’n swak El Niño is.’ PROF. WILLEM LANDMAN, meteoroloog aan die Universiteit van Pretoria, oor weervooruitsigte vir die res van die somer. Bl. 32 ‘Dit was aan die begin ’n baie moeilike konsep om binne ’n eeue-oue bedryf te vernuwe.‘ MNR. JAN VAN DER WALT, wol- en skaap-adviseur by BKB, oor ‘n nuwe veilingsformaat, waar skape per kilogram opgeveil word en kopers dan by etlike latere geleenthede die diere kan laai. Bl. 16 ‘Ons moet tot elke prys beskerm wat ons het, en baie van die tradisionele markte kan beter vaar.’ MNR. JACQUES DU PREEZ, hoofbestuurder van handel en markte by Hortgro, oor die gevaar van nuwe markte najaag ten koste van bestaande markte. Bl. 45 ‘As jy seker maak mense is trots op wat hulle doen en hulle…

Terwyl ek dié rubriek skuins voor Kersfees skryf, het dit steeds nie wydverspreid gereën nie. Die wêreld bly dor. Met die jaar wat op sy rug lê, is tyd nie meer ’n mens se vriend nie en kruip die laaste moontlike planttyd al hoe nader. By Landbouweekblad is ons al voluit besig met die nuwe jaar se tydskrifte. Dit is die joernalistieke ekwivalent van “41 Desember se mielies”, soos half spottenderwys in die Vrystaat verwys word na wanneer die reën nie voor die nuwe jaar wil kom nie en verskonings vir die versekeringsmanne gesoek moet word oor hoekom daar laat geplant is. ’n Vriend van Ficksburg het vir my ’n foto gestuur van Queen of the Night-kaktusse wat op sy plaas blom. “Groot reën is op pad,” het hy hoopvol laat weet. Ons…