Landbouweekblad 25-Jan-19

VERSKROEI ’n Brand wat op 9 Januarie in die Karwyderskraalvallei in die Overberg ontstaan het en deur sterk westewinde aangedryf is, het twee dae later 10 ha wingerd, 1 ha olyfbome en ’n plaashuis op die wynplaas Hamilton Russell Wingerde verwoes. Werkers het gebrande trosse afgesny om te keer dat dié trosse siektes aan die gesonde druiwe oordra. Die brand het ’n PVCpyp van 160 mm laat smelt en veroorsaak dat besproeiingswater uit een van die damme gelek het. Volgens mnr. Johan Montgomery, plaasbestuurder, het die hele gemeenskap saamgespan om die vlamme te blus. ’n Koue reënbui het laatmiddag gehelp om die brand in bedwang te bring, ofskoon dit vroeg verlede week steeds in van die bloekombosse gesmeul het. Teen druktyd kon die volle omvang van die skade nog nie bepaal…

40% Die wêreld se oseane verwarm gemiddeld 40% vinniger as wat die Verenigde Nasies se gesaghebbende interregeringspaneel oor klimaatsverandering (IPCC) net vyf jaar gelede bereken het, luidens navorsing wat pas in die joernaal Science gepubliseer is. Een van die outeurs, Zeke Hausfather, wat verbonde is aan die klimaatnavorsingsgroep Berkeley Earth, sê 2018 gaan die warmste jaar op rekord wees vir die planeet se oseane – soos 2017 en 2016 ook was. — New York Times $3,11 per liter Zimbabwiërs moet sedert verlede naweek meer as dubbel betaal vir brandstof. Die petrolprys is opgestoot van $1,34 tot $3,11 per liter (van sowat R18,61 tot R43,18) en diesel van $1,49 tot $3,21 (van R20,69 tot R44,57). Die styging is weens ’n nypende tekort aan buitelandse geld, wat volgens ekonome teweeggebring is weens weghol-staatsbesteding. In Bulawayoweg,…

DAG VAN SAAMSTAAN. Die Balfour-hooidag, een van die grootste boeredae in die land,is verlede Woensdag vir die agtste keer aangebied en het nagenoeg 1 000 besoekers gelok. Volgens mnr. Derick Kuun, voorsitter van die Balfour-boerevereniging, wat die geleentheid aanbied, is die belangrikste aspek van dié dag die geleentheid wat dit skep vir onderlinge steun aan boere. “Vir ons as boerevereniging is dit ook ’n manier om iets vir ons gemeenskap te doen. Dit help ook dat boere, wat vanjaar deur ’n baie moeilike seisoen gaan, saamstaan en mekaar moed in praat. Boere maak mekaar sterk wanneer hulle kan gesels oor hul probleme,” sê hy. Daar was tien werktuigmaatskappye wat demonstrasies van onder meer balers, misstrooiers, snymasjiene en harke gehou het, en 14 ander uitstallers wat verskillende beesrasse ingesluit het.…

DIE ANC se verkiesingsmanifes bevat ’n paar veelseggende stellings oor grondhervorming. Dit suggereer dat die party ’n gematigde pad wil stap met die kwessie van onteiening sonder vergoeding. In teenstelling met ekstreme stellings in die openbare domein, is die Nasionale Uitvoerende Komitee se verklaring daaroor taamlik gematig. Dit sê bloot die Regering onder die ANC het ’n proses rondom ’n verreikende program van versnelde grondhervorming gelei deur ’n interministeriële komitee onder die adjunkpresident en ’n presidensiële advieskomitee. ’n Glanspamflet van die party aan kiesers gaan ’n bietjie verder en sê die party “sal die wysiging aan artikel 25 van die Grondwet steun om duidelik te omskryf in watter toestande onteiening van grond sonder vergoeding kan plaasvind. Dit sal gedoen word op ’n manier wat ekonomiese ontwikkeling, landbouproduksie en voedselsekerheid bevorder”. Die hersiene…

‘As toegelaat word dat bek-en-klouseer buite die kwarantyngebied versprei, kan die land maar sy deure vir internasionale handel in vleis en diereprodukte sluit.’ DR. PIETER VERVOORT, voorsitter van die nasionale dieregesondheidsforum, oor die noodsaaklikheid van samewerking in die stryd teen bek-en-klouseer. Bl. 14 ‘Daar was plekke waar die getal hittegolfdae tot tien dae meer was as die gemiddelde in die vorige tien jaar.’ DR. CHRISTIEN ENGELBRECHT, senior navorser by die LNR se Instituut vir Grond, Klimaat en Water, oor dié somer se temperature. Bl. 20 ‘Boere moet seker maak dit is nie hoorsê-getuienis nie, maar dat iemand wel gesien het ’n sekere polisiebeampte was betrokke by die pleeg van ’n misdaad.’ MNR. TOMMIE ESTERHUYSE, voorsitter van Agri SA se veiligheidskomitee, oor hoe om vermoedelike polisiemisdaad te benader. Bl. 18 ‘Daar is nie ’n kans dat ons…

“As jy die wêreld wil verander, moet jy begin deur eerste ding soggens jou bed op te maak.” Dít was admiraal William H. McRaven se raad aan studente by die Universiteit van Texas in Amerika. Dié nederige klein takie sal jou ’n gevoel van trots gee, het McRaven die studente verseker. Jy sal genoeg trots kry om jou aan te moedig om nog ’n taak aan te pak, en dan nog een en nog een . . . “Teen die einde van die dag het daardie een taak wat jy aan die begin van die dag afgehandel het, opgebou tot ’n reeks voltooide take. Om jou bed op te maak, versterk ook die idee dat die klein dinge in die lewe saakmaak. Want hoe suksesvol gaan jy met die groot dinge wees…