Landbouweekblad 08-Mar-19

MAAK SKOON! Woodlands Dairy en sy First Choice-handelsmerk het in vennootskap met die Kouga-munisipaliteit en mnr. Paul Ferreira, ’n plaaslike sakeman, verantwoordelikheid aanvaar om die pad van die N2 na Humansdorp skoon te hou. Luidens ’n verklaring sluit dit aan by sy veldtog Clean up your Hood for Good, waarmee Woodlands gemeenskappe se gewoontes rakende rommelstrooiing en respek vir die omgewing wil verander. As deel van die veldtog is dié advertensiebord onlangs by die N2-afdraai na Humansdorp onthul. ’n Deel van die bord is van herwinbare rommel gemaak, onder meer rommel wat langs die einste pad opgetel is. FOTO: VERSKAF WIE SE GELD? ’n Hofgeding kom oor dividende-inkomste uit die land se duurste grondeis, die Mala Mala-eis van R1,1 miljard, wat veronderstel is om aan begunstigdes uit twee gemeenskappe van meer as 900…

3 200 Eskom se kragsentrales het in die 21 maande tot Desember 2017 3 200 keer die perke wat sy uitlaatgas-lisensies stel oorskry, het die Amerikaanse konsultant dr. Ron Sahu onlangs in ’n studie bevind. Talle Eskom-kragsentrales geniet reeds vrystelling van Suid-Afrika se betreklik gunstige uitlaatgaswetgewing. Die ontleding van die data het ernstige gebreke in Eskom se aanmelding van dié uitlaatgasse uitgelig, asook in hoe die owerhede dié gebreke aanpak. – Daily Maverick 250% Die suikerprodusent Tongaat Hulett waarsku dat sy wesensverdienste vir die jaar tot 31 Maart minstens 250% minder sal wees as die vorige ooreenstemmende tydperk se R617 miljoen. Sy suikerbedrywighede in Suid-Afrika is onder druk weens goedkoop invoer en die suikerbelasting wat verlede jaar ingestel is. Die suikerbedryf in Mosambiek sukkel ook weens goedkoop invoer. ’n Nuwe uitvoerende hoof, mnr.…

MOOISTE MODDERBAD. Mnr. Gerdehann Pienaar van die plaas Haardekraal net buite Roedtan in die suide van Limpopo, was verlede week besig om plantvoorbereidings te tref vir koring wat middel Maart geplant moet word, toe ’n ligte reënbui uitsak. “Ons het nie gedink dit gaan veel reën nie, en het op ete gegaan. Ná so 15 minute het dit al hoe harder begin reën, en ons het besef dat daar nie verder gewerk kan word nie.” Dié trekker het ’n pap wiel gehad en moes noodgedwonge in die land agterbly. “Ons het sover in Februarie net 38 mm reën gehad, en in Januarie 104 mm. Dit is maar droog op die oomblik, maar alles hóú darem vir nou. Jy kan sien die graangewasse begin swaarkry,” vertel hy. Die Pienaars boer hoofsaaklik…

DIEGENE wat hul bates in buitelandse maatskappye, trusts of ander entiteite stort, sal dalk dié buitelandse strukture moet heroorweeg in die lig van die Europese Unie se sogenoemde ekonomiese substansie-vereistes, wat vanaf 1 Januarie 2019 in wetgewing omgeskakel word. Dit volg op ’n assessering deur die EU in 2016 van 92 lande buite die EU ten opsigte van hul belastingdeursigtigheid, regverdige belastingheffings en voldoening aan maatreëls teen die wegkalwing van belastingbasisse en winsverskuiwingsmaatreëls. Die doel hiervan was om kwellinge aan te pak dat dié jurisdiksies se belastingstelsels kunsmatige buitelandse belastingstrukture aanmoedig; meer spesifiek maatskappywinste wat nie gekoppel is aan realistiese ekonomiese aktiwiteite of teenwoordigheid binne die relevante jurisdiksie nie. Ekonomiese substansie-wetgewing vereis dat ’n buitelandse maatskappy bewys sy direksie en bestuur is in dieselfde jurisdiksie, dat sy kern-inkomstegenererende bedrywighede in daardie jurisdiksie…

‘ ’n Goeie oes op ’n derde van jou plaas is beter as ’n misoes op jou hele plaas.’ DR. GUY WITNEY, landboukundige van Tzaneen, oor die voordele van toegespitste besproeiing in sitrus- en avokadoboorde, en die afsny en wit verf van stompe in tye van erge droogte. Bl. 27 ‘ ’n Droë dam skep die geleentheid vir instandhouding en verbeteringswerk.” MNR. SCHALK JACOBSZ, landbou-ingenieur, oor hoe om jou gronddamme deur die droogte te kry. Bl. 26 ‘In ’n netwerk van organisasies kan mense hulpbronne saamgooi.’ DR. THEO DE JAGER, voorsitter van die nuwe landbounetwerk Saai, oor dié organisasie se plan om kundigheid van verskillende organisasies te gebruik om boere by te staan. Bl. 16 ‘Uit ’n opbrengsoogpunt is die syfers ’n bietjie teleurstellend.’ MNR. WANDILE SIHLOBO, ekonoom by Agbiz, oor verlede week se oesskatting wat die…

Iets so diep ontstellends soos ’n jare lange droogte laat mense se ware kleur te voorskyn kom, ook dié van die politici. Dit is asof ’n droogte alle mooi bedoelings wegstroop totdat net dade oorbly. Dade soos om vroegoggend ’n vrag voer by ’n koöperasie se depot af te laai vir die distrik se moedelose boere. Vir ons by Landbouweekblad was dit nog altyd vanselfsprekend — Suid-Afrika kan nie bekostig om sy kundige boere, wat oor geslagte se kennis beskik, te verloor nie. Boere is baie waardevoller as byvoorbeeld ’n lugredery soos die SAA, wat ondanks uiters swak bestuur, loutere korrupsie en blote diefstal (en klaarblyklik geen duidelike bestaansreg!), steeds onder staatshulp toegegooi word. Vergeleke daarmee staan die landbou op sy eie — deesdae te midde van buitengewone omstandighede wat buite boere…