Landbouweekblad 3-May-19

‘HISTORIESE’ APPELBOOM VIND NUWE TUISTE ’n Witte-wijnappelboom van Nederland is in die Kompanjiestuin in Kaapstad geplant as deel van die viering van wat beskou kan word as die geboorte van die Suid-Afrikaanse appelbedryf. Jan van Riebeeck het dieselfde soort appelboom met sy koms in die Kaap geplant. Die eerste twee appels is op 17 April 1662, 357 jaar gelede, in die Kaap geoes. Mnr. Buks Nel, kultivarkenner van Tru-Cape, (wat die boom plant) het saam met ’n kollega, mnr. Henk Griesel, ’n boek oor die appelbedryf se geskiedenis geskryf. Ná ’n lang soektog is ’n wijnappelboom in ’n private tuin in Nederland opgespoor. Hulle kon nie saad van die boom hierheen bring nie en moes ’n steggie gebruik wat lank in kwarantyn was. SWAAR TYE Die genoteerde dierevoer-, pluimvee-en-eieronderneming Quantum Foods verwag dat…

4,5% Die verbruikersprysindeks in Maart was op ’n jaargrondslag 4,5% teenoor Februarie se 4,1% – ’n styging van 0,8%. Alkoholiese drankies se bydrae het tot 0,4 van ’n persentasiepunt gestyg teenoor Februarie se 0,3. Vervoer se bydrae het gestyg van 0,5 van ’n persentasiepunt tot 0,9. Behuising en munisipale dienste het van 1,3 persentasiepunt in Februarie tot 1,1 in Maart gedaal. Die verbruikersprysinflasie in 2018 was 4,7% en die jaar voor dit 5,3%. —StatistiekeSA 13 Danksy die ondersteuning van die transformasie-eenheid van die Suid-Afrikaanse wynbedryf kon 13 wynlandgoedere in swart besit vanjaar ProWein (een van die wêreld se grootste handelskoue vir wyn en spiritualieë in Düsseldorf, Duitsland) bywoon. Die skou is vanjaar die 25ste keer aangebied. Meer as 60 000 besoekers van 142 lande het die skou bygewoon. — Michelle van der Spuy…

LOS UIT ONS GROND! Die Instituut vir Rasseverhoudinge het die name van bykans 160 000 Suid-Afrikaners wat gekant is teen onteiening sonder vergoeding by die Uniegebou in Pretoria afgelewer. Die name van die mense wat aan die petisie deelgeneem het, was bestem vir die kantoor van pres. Cyril Ramaphosa om die kommer van die publiek daaroor oor te dra. Die afvaardiging van die instituut is gelei deur mnre. Sihle Ngobese (vierde van links), hoof van strategiese operasies en ook bekend as Big Daddy Liberty, en Marius Roodt (derde van regs), hoof van veldtogte. Die ondertekenaars het sedert Mei verlede jaar hul steun toegesê aan die instituut se standpunt.…

PIONEER FOODS is een maatskappy wat kan getuig van hoe die chaos in Eskom in die voorsieningsketting kan deursyfer, winsmarges uitvee en ’n dolk deur die hart van talle maatskappye kan steek. Pioneer is ongelukkig om ’n paar koring- en mieliemeulens in van Suid-Afrika se meer vervalle munisipaliteite te besit. Soos Walter Sisulu in die Oos-Kaap (wat Aliwal-Noord insluit) en Dihlabeng in die Vrystaat (wat Bethlehem insluit). Daardie munisipaliteite betaal reeds jare lank nie hul Eskom-kragrekening nie. Hoewel Pioneer wel sý kragrekening betaal het, het Eskom eenvoudig almal se krag in 2017 afgesny – die Pioneer-meul inkluis. Toe gaan Pioneer in Desember 2017 hof toe en kry vroeg in 2018 ’n hofbevel wat Eskom keer om krag na daardie meul af te sny sonder behoorlike kennisgewing. Eskom het dié hofbevel ignoreer. Regter Ingrid…

‘Ons het ’n afsonderlike verslag saamgestel waarin ons ons eie siening oor grondhervorming weergee. Dit is gegrond op bewese landboupraktyke en volhoubare ekonomiese groei.’ MNR. DAN KRIEK, voorsitter Agri SA, oor verskille binne die adviespaneel oor grondhervorming. Bl. 14 ‘Daar bestaan ’n leemte in owerheidsgeledere omdat nie begryp word wat die verskil tussen intensiewe en ekstensiewe boerdery is nie.’ PROF. FERDI MEYER, direkteur van die buro vir voedsel en landboubeleid, oor neigings wat die landboulandskap in die toekoms drasties kan verander. Bl. 18 ‘Dit was belaglik om ontslae te raak van subsidies vir grondbewaring, omheining en besproeiingsinfrastruktuur. Hoe meer ons daarvan kan kry, hoe beter.’ PROF. NICK VINK, hoof van die department landbouekonomie aan die Universiteit Stellenbosch, oor die afskaffing van subsidies in die landbou ná 1994. Bl. 19 ‘Die boodskap wat ons moet oordra, is…

Dit is ’n buitengewone luukse om net botweg te weier om probleme op te los. Ek verwys na eenvoudige dinge, soos om kragsentrales te bou wat krag opwek, of om treine te koop wat op Suid-Afrika se treinspore pas. Waar is die Hendrik van der Biljs van ouds, wat Yskor en Eskom byna eiehandig tot stand gebring het? Ja, Vanderbijlpark is na hom genoem om sy rol in Suid-Afrika se industrialisasie te erken, maar miskien sou dit ’n beter erkenning van sy nalatenskap gewees het om Eskom nie te verwoes nie! Die onnodige herrie oor die verslag van pres. Cyril Ramaphosa se adviespaneel oor grond wat aan die media uitgelek het, is weer ’n tydige herinnering aan die onvermoë om probleme op te los. Wat die paneellid gedink het hy of sy…