Landbouweekblad 17-May-19

DIE MOOISTE ROOIE ZEC 17-0010 Match, ’n rooi Angus, is vanjaar die topbul in die Elite-bulgroeitoetsklas in die Elite-beeskompetisie van Vleissentraal en SA Stamboek. Die bul behoort aan dr. Enslin Coetzee en sy skoonseun mnr. Issie Liebenberg van die ZEC-Angusstoetery by Bothaville. Van links is mnre. Anton Vos (uitvoerende hoof van Vleissentraal), Freddie Wasserfall en dr. Japie van der Westhuizen (albei van Stamboek), en mnre. Issie Liebenberg en Izak Koba (albei van die ZEC-Angusstoetery). Die naaswenner is die Limousin XRL 16-103 Normandy van mnr. Derick le Roux (Xourel-Limousins, Lichtenburg). In die derde plek is die Sussex NJB 17-0034 van mnr. Nico Bouwer van die Witkwas-Sussexstoetery naby Vryburg. WAG ’N BIETJIE Die afhandeling van stappe wat nodig is vir die beoogde transaksie waardeur die internasionale konsortium Milco Clover wil koop, duur langer as wat…

R4,6 miljard Die genoteerde chemikaliemaatskappy Omnia is in gesprek met finansiers oor die herstrukturering van sy skuldlas van nagenoeg R4,6 miljard, teenoor sy markkapitalisasie van R4 miljard. Die maatskappy sê in ’n verklaring op die JSE-nuusdiens hy is optimisties dat hy ’n aanvaarbare oplossing met sy finansiers sal bereik, wat in Junie saam met sy finansiële resultate aan beleggers voorgelê sal word. Tans is daar geen vereiste vir ongeskeduleerde terugbetalings of herkapitalisasie nie. – Business Day 81,7% Die produksie van onverwerkte melk was in Maart op ’n jaargrondslag 1,7% laer. Mnr. Bertus van Heerden, hoofekonoom van die Melkprodusente-organisasie, sê die produksievlak vertoon vanjaar swak omdat produksie in Maart 2018 met 8,14% gestyg het. Teenoor Maart 2017 is die vlak vanjaar 6% hoër. Die organisasie sê produsente wat nog geen prysverhoging van hul koper…

SPOEDVRATE. Die Grootpanstudiegroep het vanjaar vir die 15de keer sy stroperresies aangebied op die plaas van mnr. André du Preez, tussen Lichtenburg en Koster in Noordwes. Die John Deere S780 het die klas 8-resies gewen en die Claas 570 Tucano het in die klas 6-resies geseëvier. Benewens vir spoed is die stropers beoordeel op gruis onder sif, vreemde materiaal, vermorsing agter die stroper en koppe wat gelos of gemis is. Die ander deelnemers was Rostselmash, New Holland, Claas en Challenger. Volgens Du Preez was vanjaar se toestande baie moeilik weens warm, droë toestande vroeër die seisoen, gevolg deur swaar reën drie weke voor die kompetisie. Die opbrengs het gewissel van 14 t/ha tot 20 t/ha op die een land. Du Preez se seun, ook André, het die foto geneem.…

DIE Kommissie vir Versoening, Bemiddeling en Arbitrasie (KVBA) het in die eerste vier maande van die jaar 6 066 loongeskille ontvang wat verband hou met die inwerkingstelling van die nasionale minimum loon, onder meer weens onderbetaling, afdankings en afleggings. Volgens die KVBA is meeste van die loongeskille in Gauteng, KwaZulu-Natal en die Wes-Kaap aanhangig gemaak. Die arbeidsprokureur mnr. Michael Bagraim sê dié aantal verwysings is heeltemal te min. Hy skryf dit daaraan toe dat werknemers te bang is om hul werkgewers aan te gee, uit vrees dat hulle hul werk sal verloor. Daarby lei vakbonde nie hul lede op oor hoe hulle geskille by die KVBA aanhangig moet maak nie. Teen 16 April het die departement van arbeid aansoeke om die vrystelling van die minimum loon van slegs 267maatskappye ontvang. Hiervan is 149…

‘Hoe meer jy vog benut, hoe meer sal daar wees om te benut.’ MNR. BRUCE SHEPHERD, herlewingsboer van Bergville in KwaZulu-Natal, oor die gunstige uitwerking van dekgewasse op grond. Bl. 54 ‘As ons kliënte die waagmoed het om uit te brei, moet ons as CFC ook daardie waagmoed hê.’ MNR. PIETER DU TOIT, voorsitter van Cape Fruit Coolers (CFC) en uitvoerende hoof van die Dutoit-groep, oor die besluit om ’n nuwe verkoelingsaanleg in Kaapstad te bou. Bl. 18 ‘Dit is ’n totale besteding van R94 miljoen. Dit sluit onder meer die bou van uitstalruimtes en vervoer van toerusting in.’ DR. DIRK STRYDOM, bestuurder van graanekonomie en bemarking by Graan SA, oor die reusebedrae wat uitstallers jaarliks op Nampo bestee. Bl. 20 ‘Hierdie mense was die afgelope vier maande weg van hul huise af en het dikwels…

Wanneer laas het dit gebeur dat Suid-Afrika nie genoeg koringsaad het vir al die hektare wat boere beoog om te beplant nie? Philip Theunissen het twee jaar gelede in Landbouweekblad geskryf hoe die Vrystaat oor drie dekades getuimel het van die provinsie wat die meeste koring aangeplant het (bykans 60% van die koringoppervlakte met 1,1 miljoen ha), tot ’n skamele 70 000 ha in 2017. Die rede? Philip bespiegel dit was heel moontlik weens konvensionele bewerkingspraktyke wat die organiese inhoud van die grond laat afneem het. Dit het ’n nadelige uitwerking gehad, nie net op grondvrugbaarheid nie, maar ook op die grond se vermoë om die laat herfsreën, wat wel geval het, te behou. Vanjaar is daar geen tekort aan vog nie. Op plekke waar die reën te laat was vir mielies,…