Landbouweekblad 14-Jun-19

IETS OM TE VIER Midde-in een van die strafste droogtes nóg in die Noord-Kaap is ’n vierling onlangs van ’n vierjarige Dorperooi op die plaas Langklip in die distrik Garies gebore. Mnr. Henk Coetzee, die ooi se eienaar, sê dit is baie skaars dat ’n skaap ’n vierling kry, en dit boonop in die droogte. Hy is dankbaar dat sy genoeg melk het. Die ooi en lammers is na ’n kleiner kraal geskuif en word fyn dopgehou om te sien of al die lammers goed drink. “Almal vorder goed.” Coetzee, ’n vierdegeslagboer op 3 700 ha, sê daar is niks van die veld oor nie. “Alles staan op kraal. Die veld is pikswart. Ek gee die skape tans lusern en mielies.” Hy boer ook met Damaras en saai hawer, korog en…

R1 500/kg Die hoogste bod op die wenskaapkarkas op die Royalskou is vir R1 500/kg aan die Oyster-box-hotel in Durban toegeslaan. Die wenskaap is ’n Wit Dorper-Ile de France-kruising van mnr. Gert Lotter van Aberdeen wat ’n punt van 97,5 behaal het. ’n Beefmaster-beeskarkas wat deur die Weston-landboukollege vir die 2019-Landbouweekblad-karkas-kompetisie ingeskryf is, is teen R200/kg opgeveil, ook aan die Oysterbox. Dié landboukollege het R54 220 uit die veiling verdien. Sy teelprogram is nou drie jaar oud. — Johan van der Merwe 235 Die Pinotage-jeugontwikkelingsakademie (Pyda) het die afgelope ses jaar al 235 jong mense in die Wes-Kaap opgelei deur bedryfspesifieke tegniese vaardighede met praktiese werkervaring te kombineer. Altesaam 24 studente het onlangs hul opleiding in die vrugtebedryf voltooi. ’n Nuwe groep van 25 begin binnekort met die toerisme-sektorprogram. Me. Chiren Jelbert van…

RAMP. Vloedwater wat groot dele van die Amerikaanse Midde-Weste, soos dié plaas in Thurman, Iowa, einde Maart oorstroom het, is besig om ’n rampspoedige uitwerking op dié land se plantseisoen te hê. Volgens die Amerikaanse landboudepartement het mielie-aanplantings in die 18 belangrikste graanproduserende deelstate einde Mei op 58% gestaan, teenoor die gemiddelde 90% vir dié tyd van die seisoen. Soja-aanplantings het op 29% gestaan, teenoor die gemiddelde 66%. Volgens die US Farm Bureau sal talle boere binnekort in aanmerking kom vir oesversekeringsuitbetalings omdat aanplantings nie meer moontlik is nie. “Dit is die grootste gebeurtenis vir graan- en oliesaadmarkte sedert die droogte van 2012. Uiterste weerstoestande wat rekordafmetings aanneem, saam met volgehoue beleidsonsekerheid, laat landbou-ekonome kopkrap oor hoe alles gaan gebeur,” luidens ’n berig op die organisasie se webwerf. Lees meer…

DIE Wet op Koolstofbelasting (Wet 15 van 2019) het op 1 Junie amptelik in werking getree, en is ’n deurslaggewende deel van Suid-Afrika se planne om kweekhuisgasvrystelling hok te slaan. Die toepassing hiervan is nie eenvoudig nie, skryf mnr. Theo Boshoff, Agbiz se hoof van regsintelligensie. Sien ook bit.ly/2JQ4uJ7. Die koolstofbelasting sal primêr gehef word op direkte vrystellings wat hul oorsprong in nywerheidsprosesse het, sowel as indirekte vrystellings, mits daardie vrystellings die drempel oorskry. Ten einde te bepaal of ’n agribesigheid vir koolstofbelasting in aanmerking kom, moet die syfers vir direkte en indirekte vyrstellings in skedules 1 en 2 van die wet bestudeer word, en gebruik word in die formule wat in seksie 6 van die wet vervat word. Indien koolstofbelasting op ’n agribesigheid van toepassing is, is die koers aanvanklik R120/ton…

‘Ons het dié seisoen skaars vyf dae gehad en die planters het dag en nag geloop.’ MNR. RICK KIMBERLEY, ’n graanboer van Maxwell in Iowa, oor die benarde posisie waarin boere in die Amerikaanse Midde-Weste hulle tans bevind weens die nat seisoen. Bl. 14 ‘Banke moet versigtig wees om persoonlike kommunikasie met hul kliënte af te skeep en te dink hulle sal nie kliënte verloor nie.’ MNR. NICOL JANSEN, voorsitter van Agri Noord-Kaap, oor Standard Bank se besluit om 91 takke, baie van hulle op die platteland, te sluit. Bl. 19 ‘Ek hoop ons het nou ’n minister met meer gesag, ervaring en beweegruimte.’ MNR. THEO VORSTER, uitvoerende hoof van Galileo Capital, oor die aanstelling van dr. Thoko Didiza as die nuwe minister van landbou, grondhervorming en landelike ontwikkeling. Bl. 22 ‘Swak infrastruktuur is soos sand…

WERK TOE! Pres. Cyril Ramaphosa beloof om sy kabinet se doeltreffendheid te monitor deur aan elke minister KPA- (sleutelprestasie-areas) doelwitte te stel. Met Suid-Afrika wat tans met byna negatiewe ekonomiese groei en rekordhoë werkloosheidvlakke sukkel, behoort daar net twee doelwitte op elke minister se KPA te wees — stimuleer die ekonomie en skep werk. Neem enige besluit wat daardie twee doelwitte teenwerk, en jy word summier in die pad gesteek. In dié opsig is die landbou gelukkig om Thoko Didiza as minister te kry. In haar vorige ampstermyn van 1999 tot 2006 het sy ’n opbouende en sinvolle verhouding met die landbou gehandhaaf. Trouens, daar is destyds gefluister dat sy vervang moes word omdat sy miskien té na aan die boere was. Oor haar twee adjunkte kan ’n mens ongelukkig nie veel…