Landbouweekblad 28-Jun-19

LANDBOUWEEKBLAD SE SUKSES BELOON Landbouweekblad is met etlike eerbewyse op die jaarlikse Media24-prysaand bekroon. Chris Burgess, hoofredakteur van Landbouweekblad, het die Piet Cillié-eerbewys gekry vir sy leiding om Landbouweekblad se oorgang na ’n multiplatform-handelsmerk te bewerkstellig, asook sy vreeslose, eerlike en gebalanseerde beriggewing oor aktuele onderwerpe. Landbouweekliks, die televisiereeks van Landbouweekblad en die televisiekanaal VIA, is bekroon met die Media24-innovasieprys. Landbouweekblad het ook die Neil Hammann-eerbewys gekry vir die sake-eenheid binne Media24 met die beste finansiële resultate oor die afgelope drie jaar. Hier is, van links, Minki van der Westhuizen, seremoniemeester, Chris Burgess, Izelle Venter, kanaalhoof van VIA, en Ishmet Davidson, uitvoerende hoof van Media24. KABINET TOE Die verslag van pres. Cyril Ramaphosa se raadgewende paneel oor grondhervorming en die landbou sal eers aan die kabinet voorgelê word voor dit bekend gemaak word.…

4 miljoen ton Ethiopië, Afrika se grootste koffieprodusent, sal na verwagting dié seisoen 4 miljoen ton koffie (in sakke van 60 kg) uitvoer, volgens die Amerikaanse departement van landbou in Addis Abeba. Dit is danksy groter aanplantings en beter opbrengste. Die verwagte oes van 7,35 miljoen ton is 1,4% hoër as die vorige seisoen. Daarvan sal net meer as die helfte na verwagting uitgevoer word. Die uitvoer sal 0,5% meer beloop. Die verwagte opbrengs van 0,82 t/ha is wel beduidend laer as die regering se teiken van 1,1 t/ha. — Reuters -24% China se sojaboon-aankope van 7,36 miljoen ton verlede maand was die laagste in vier jaar, sedert Mei 2015. Sojaboon-invoer het in Mei vanjaar op ’n jaargrondslag ook met 24% gedaal, volgens plaaslike doeane-inligting. Dit is veroorsaak deur die uitbreking van Afrika-varkpes…

G’N SILODENKE. Een van die grootste graansilo’s in private besit is onlangs op die plaas van mnr. BP Greyling, megaboer van Wakkerstroom in Mpumalanga, in gebruik geneem. Die inwyding is deur meer as 200 boere en ander belanghebbendes bygewoon. Die silo kan 11 000 ton mielies opberg en is deel van ’n kompleks wat ook ’n graandroër en skoonmaker insluit. Die nuwe silo verhoog die opbergingsvermoë tot 21 000 ton graan. Die nuwe graandroër kan 600 ton mielies per dag droogmaak. Die mielies word ook teen 120 ton per uur skoongemaak. Greyling sê die kompleks het meer gekos as die vyf bykomende plase wat hy die afgelope vyf jaar gekoop het. Met die nuwe silo kan sy mielies vroeër gestroop word, die duisende beeste en skape gouer op die oesreste wei,…

Namate Brittanje afstuur op ’n morsige egskeiding van sy grootste handelsvennoot op 31 Oktober, sal hy desperaat wees om nuwe betrekkinge te vestig. Dit sluit in vervangingsooreenkomste vir nagenoeg 40 ooreenkomste met sowat 70 lande, Suid-Afrika inkluis, waarvan Brittanje lid is vanweë sy lidmaatskap van die Europese Unie (EU). Voor die einde van sy termyn het dr. Rob Davies, minister van handel en nywerheid, Suid-Afrikaners probeer gerusstel dat die regering dinge “baie fyn dophou” en aan reëlings werk om te verseker handel met ons grootste vennoot word nie ontwrig nie. Die waarskynlikste scenario is dat indien Brittanje die EU verlaat, daar nie ’n plaasvervanger sal wees om ons motorvervaardigers te beskerm nie. Dít behoort waarskynlik heel bo-aan Davies se opvolger, mnr. Ebrahim Patel, se agenda te wees. Hoewel dit maklik is om…

‘Dit is net weer ’n bewys van hoe belangrik ’n goeie inligtingsnetwerk vir die polisie en veiligheidstrukture is.’ DR. JANE BUYS, veiligheidsrisiko-ontleder van Vrystaat Landbou, oor die vastrek van vyf voornemende plaasaanvallers. Bl. 14 ‘Sonder hulp kon dit katastrofiese gevolge vir die bedryf ingehou het.’ MNR. COBUS DE KLERK, voorsitter van die SA Sybokhaarkwekersvereniging, oor die waarde van skenkings droogtehulp aan boere tydens die droogte. Bl. 17 ‘Die huidige El Niño-neigings kan die kans op lentereën verbeter as dit gaan voortduur en nie na neutraal beweeg nie.’ MNR. JOHAN VAN DEN BERG, klimatoloog by Santam Landbou, oor die onseker weervooruitsigte vir die lente. Bl. 18 ‘Dit sou ’n ramp wees as beken-klouseer van kudde tot kudde versprei.’ DR. DANIE ODENDAAL, veeartsenykundige konsultant, oor hoekom die kartering van buffelkuddes deurslaggewend is vir die voorkoming van bek-en-klouseer. Bl. 19 ‘Al…

KLAARMAAK Aanhouer wen. Winston Churchill, die gevierde Britse eerste minister, se weergawe van hierdie uitdrukking oor sukses was, soos hy altyd opgemerk het, “die vermoë om van een mislukking tot die volgende te strompel, sonder ’n verlies aan geesdrif”! En hy sou weet . . . As politieke hoof van die Britse vloot tydens die Eerste Wêreldoorlog het hy een van die grootste mislukkings van sy lewe beleef toe hy die inval van die Gallipoli-skiereiland in Turkye goedgekeur het. Toe die Geallieerde troepe, baie van hulle Nieu-Seelanders en Australiërs, op die strande land, het die Turke op hulle gesit en wag. Dit was ’n bloedbad, en Churchill moes in skande bedank. Dit moes die einde van sy loopbaan gewees het, maar toe die volgende wêreldoorlog 25 jaar later aanbreek, was hy die eerste…