Landbouweekblad 5-Jul-19

’N WÊRELDBURGER Die genetiese materiaal van Landbouweekblad en Breedplan se wenbul op die Royalskou maak straks eersdaags sy verskyning in Amerika en Kanada nadat Simmentalertelers uit dié twee lande die bul op sosiale media gesien het. Mnr. Andrew Masterson van die Milagro-stoetery naby Oesterbaai in die Oos-Kaap, eienaar van Milagro Premier ACM 16-44 (hier saam met die hanteerder mnr. Johannes Mabitso) , is gekontak nadat Masterson se vrou, Colette, tydens die beoordeling op die Royalskou ’n foto van Premier op Milagro se Facebookblad geplaas het. Colette vertel Premier kom uit ’n gedugte bloedlyn. Hy was die enigste bulkalf gebore uit sy ma, Milagro Sandra ACM14-24, se embriospoeling as 15 maande oue vers. “Vanweë die belangstelling het ons dit oorweeg om ons top-Simmentalerkoeie te spoel, en daarna embrio’s met Premier se saad…

R500 Die gemiddelde besteebare inkomste van Suid-Afrikaanse middelklas-salaristrekkers het van Desember verlede jaar tot April vanjaar met R500 gedaal, volgens BankservAfrica se nuutste indeks oor hoeveel geld salaristrekkers in ’n maand uitkry. Die indeks, wat sedert Augustus 2011 saamgestel word, monitor 3 miljoen salarisbetalings. In Desember was die gemiddelde R14 205 en in April R13 741. Van April 2017 tot April vanjaar het die gemiddelde met R6 toegeneem. — Business Times 53% Volgens die Amerikaanse departement van landbou gaan Zimbabwe se mielieproduksie vir die huidige oestyd 53% laer as die vorige oestyd wees – sowat 800 000 ton. Dit is weens kleiner aanplantings vanweë droër weerstoestande aan die begin van die planttyd, asook skade wat vroeër vanjaar deur die sikloon Idai aangerig is. Zimbabwe verbruik sowat 2 miljoen ton mielies per jaar. Die…

BY DIE BRON VAN OORSPRONG. ’n Groep van sowat 100 aankopers en gehaltebestuurders van die Edcon Groep, waaronder klerewinkels soos Edgars en Jet, het onlangs katoenboere in die omgewing van Marble Hall in Limpopo besoek as deel van Katoen Suid-Afrika se inisiatief om plaaslike aankopers van katoenlint nader aan die primêre produsente te bring. “Dit klink vergesog, maar daar is mense wat aankoopbesluite moet neem wat geen idee het waar en hoe katoen verbou word nie,” sê mnr. Hennie Bruwer, uitvoerende hoof van Katoen SA. Edcon is deel van die Volhoubare Katoen-inisiatief, wat tot stand gekom het toe die hele katoenwaardeketting in 2014 besluit het om saam te werk om die plaaslike bedryf van ondergang te red. Edcon het in 2016 betrokke geraak by ’n bestelling van 600 ton lint.…

Rentekoerse aan die een kant en oliepryse aan die ander kant is immerbelangrik vir Suid-Afrikaanse verbruikers. Hoewel laer rentekoerse ’n bietjie ekstra geld in verbruikers se sakke sal bring, sal die moontlikheid van ’n verdere brandstofprysverhoging dit weer uithaal. Volgens berekenings van Thebe Securities, gegrond op data van die Reserwebank, sal ’n rentekoersdaling van 50 basispunte die jaarlikse rente op bruto skuld met R21,3 miljard verminder, oftewel R1,8 miljard per maand, wat beteken dat R1,8 miljard ekstra besteebare inkomste in die ekonomie kan gaan – geld wat verbruikers op pizza, bier, skoene en klere kan uitgee. As die Reserwebank by die volgende vergadering van die Monetêre Beleidskomitee die repokoers met 25 basispunte verminder om die primakoers tot 10% terug te bring, sal dit die ekonomie met nagenoeg R900 miljoen per maand stimuleer. Ongelukkig…

‘Hulle hardloop soos malkophoenders van deur tot deur rond, en agter elke deur is ’n korrupte amptenaar.’ MNR. NICK SERFONTEIN, stigter van die Sernick-groep, oor opkomende boere se ervaring met die regering in hul pogings om hul kundigheid en ondernemings uit te bou. Bl. 19 ‘Daar word gekyk na water as ’n bron en nie as ’n oneindigende herwinbare middel nie.’ PROF. ANTHONY TURTON, oor watertekorte in Suid-Afrika. Bl. 18 ‘Daar is te min landboukundigheid by landelike ontwikkeling en grondhervorming, en te min kundigheid oor grondhervorming in die landbou.’ PROF. NICK VINK, hoof van die departement landbouekonomie aan die Universiteit Stellenbosch, oor gebreke binne die staatsdepartemente wat landbou-aangeleenthede oorsien. Bl. 18 ‘Sake verloop soos gewoonlik in die styselafdeling, buiten dat daar heelwat druk gaan wees om kontant te genereer.’ MNR. PETER ARMITAGE, uitvoerende hoof van Anchor Capital,…

OM TE ONTHOU Daar is ’n paar dinge wat met jou gebeur waarvan jy die presiese detail van die oomblik kan onthou. Daar is die belangrike herinneringe, soos die reuk van die hospitaal die dag toe jou kinders gebore is, of die oënskynlik minder belangrike detail, soos die gevoel van die koue staal van die .22-geweer se loop die geniepsige vroegoggend toe jy as kind jou eerste dassie geskiet het. En dan is daar die middag toe die bitter nuus ontvang is van die afsterwe van ’n goeie vriend en kollega. Die vliegtuig het die Sondagmiddag pas op Kaapstad se lughawe geland ná ’n besoek aan ons plaas in die Noordoos-Kaap. Voor die terminaalgebou kom hy tot stilstand, en ek kyk gou of my vrou ’n boodskap gestuur het oor waar sy my…