Landbouweekblad 26-Jul-19

’n Groep van 45 plaaswerkers van Ceres Fruit Growers het die afgelope ses weke vrugte, groente en vrugtesap aan die droogtegeteisterde gemeenskappe in en om Sutherland geskenk. Hier bid die gemeenskap op Sutherland voor die eerste besending op 25 Mei uitgedeel is. Altesame 25 000 appels, 300 pakke beet, 300 bakkies sampioene, 5 000 blikkies Ceres-vrugtesap, 4 kratte pampoene en 300 sakke aartappels is uitgedeel. Ná dié eerste besending van 20 ton is nóg drie besendings kos aangery. Die plaaswerkers was teen druktyd besig met die insameling vir ’n volgende besending. Lees meer by bit.ly/32m3emH SKONER NEUTE Die plaaslike makadamiaverwerker Mayo Macs het ’n vennootskap gevorm met ’n Amerikaanse neutpasteuriseerder as deel van sy pogings om te voldoen aan streng internasionale kosveiligheidsregulasies. Die bedryfswebwerf The Macadamia berig die vennootskap stel Mayo Macs in…

R75 miljard Die inkomste van die brandstofheffing het sedert die belastingjaar 2008-’09 opgeskiet van R24,48 miljard tot R75,37 miljard die afgelope boekjaar. Dit het meer as verdriedubbel, terwyl die algehele bedrag belasting wat ingevorder is, van R616,99 miljard tot R1,28 biljoen toegeneem het. Tien jaar gelede het R1,77 van elke liter petrol aan die belastinggaarder gegaan, terwyl dit in die huidige belastingjaar sowat R5,73 per liter is. Belasting op diesel as persentasie van die volle koopprys het gestyg van 22,1% tot 41,8%. — Moneyweb 65 miljoen Die skaapkudde van Australië sal vanjaar na verwagting val tot 65,8 miljoen, een van die laagste vlakke ooit. Sedert die afskaffing van die reserwe-wolprysskema, wat wolpryse aan boere gewaarborg het, het skaapgetalle met amper 100 miljoen gedaal. Dít het wolpryse tot rekordhoogtes gedwing, maar nou moet boere…

DAWID EN DIE GOLIATTE. Bravo, ‘n Australiese Beeshond, durf ’n kraal vol jong Brahmane aan, maar dit lyk of hulle eerder nuuskierig as strydlustig is. Die hond behoort aan mnr. Danie Haasbroek, Brahmanstoetteler van Vryburg. Hy sê sy hond en beste maat doen bykans dieselfde hoeveelheid werk as ’n plaaswerker. “As hy net kon tel, wás dit so,” skerts hy. Haasbroek het Bravo op vyf weke gekry en op vier maande het hy reeds begin om die beeste aan te keer. Haasbroek sê hy verkies dié honderas omdat hulle baie intelligent is en ‘n bees korrek van agter benader en nie voor die beeste staan en kef en hulle senuweeagtig maak nie.…

ALTESAME 64% van Suid-Afrikaners meen korrupsie neem toe en 70% dink die regering skiet tekort in hoe hy dit aanpak, volgens die 2019 Global Corruption Barometer (GCB) for Africa, die deeglikste en gedetailleerdste opname van gewone burgers se opvattings oor korrupsie en omkopery in Afrika. Die opname is vanaf Julie tot September verlede jaar gedoen. Die nuutste bevindings is egter ’n verbetering op die 2015-opna-me, toe 83% van Suid-Afrikaners gemeen het korrupsie het in die vorige 12 maande toegeneem en 79% gedink het die regering pak dit nie ordentlik aan nie. Onder die sleutelbevindings vir Suid-Afrika is dat 18% omkoopgeld vir openbare dienste betaal het teenoor 7% in 2015. Die persentasie mense wat glo die president is korrup, het gedaal tot 38% verlede jaar – van 46% in 2015. Die verslag het getoon…

‘Ons moet dit vir oorgrenssmouse en kleinboere wat op 1 ha tot 5 ha boer, maklik maak om oor ons grense te verkoop.’ DR. MMATLOU KALABA, navorser by die buro vir voedselen landboubeleid (BFAP) en dosent by Universiteit van Pretoria, oor hoe die landbou welvaart op die platteland kan skep. Bl. 23 ‘As die situasie nie na normaal terugkeer nie, gaan dit ’n ramp vir die Oos-Kaap wees.’ MNR. FREDRI KOK, uitvoerende direkteur van die sitrusuitvoermaatskappy Patensie Sitrus, oor die sloerstaking in die Coega-hawe. Bl. 14 ‘ Dit is onmoontlik om die betrokke politici te kry om ons in die markte te help.’ MNR. JUSTIN CHADWICK, uitvoerende hoof van die Sitruskwekersvereniging, oor die versuim van ministers en die president om bedrywe by te staan in die internasionale onderhandelinge vir nuwe markte. Bl. 14 ‘Sonder…

KRY NOU END! ’n Vriend se hoogs suksesvolle boere-pa sê graag ’n Maandagoggend behoort eintlik om 18:00 op ’n Sondagaand te begin, want só kry jy die nodige voorsprong op die nuwe week. Nou ja, dit gaan nooit gebeur wanneer daar lekker krieket op ’n Sondagmiddag gespeel word nie! Teen dié tyd is Engeland se oorwinning in die Wêreldbekerkriekettoernooi — seker die mees dramatiese wedstryd in die 300 jaar oue geskiedenis van krieket — al ou nuus. Sy sege laat ’n mens dink aan Suid-Afrika se eie geskiedkundige Wêreldbekerrugbytoernooi in 1995. Soos Suid-Afrika destyds gaan dit nie te waffers met die Pommies nie. Die manier waarop hul politici die Brexit-gemors bestuur, sal enigiemand moedeloos laat. Die sege oor die Kiwi’s sal mense egter laat beter voel en ’n klomp optimisme losmaak. Vir die…