Landbouweekblad 9-Aug-19

LANDBOUWEEKLIKS KRY NUWE AANBIEDERS Die TV-program Landbouweekliks spog vanaf reeks 7 met twee nuwe aanbieders. Die gewilde kletsrymer, hiphop-kunstenaar, digter, skrywer, aktivis, opvoeder en motiveringspreker Simon Witbooi (HemelBesem) sluit by die span aan. Hy het in Blackheath en Kraaifontein in die Wes-Kaap grootgeword. Ná matriek het hy as pastoor op Worcester gewerk, waarna hy hom sedert 2011 op sy musiek toespits. Die ander aanbieder is die aktrise en sangeres Nadia Beukes. Sy het ’n honneursgraad in bemarkingskommunikasie verwerf en is ook bekend as radio- en TVaanbieder. Die eerste episode van reeks 7 word op Dinsdag 6 Augustus uitgesaai. Landbouweekliks word elke Dinsdag om 19:30 op VIA (DStv-kanaal 147) uitgesaai. Sien ook bl. 57. BEMAGTIG Die landelike veiligheidstrategie begin stadigaan vrugte afwerp, met 48 voertuie wat onlangs as deel van die eerste fase aan…

3,7% Die prys van kos en nie-alkoholiese drankies het in Junie op ’n jaargrondslag met 3,7% gestyg, en het 0,6 van ’n persentasiepunt bygedra tot die jaarlikse verbruikersprysinflasiekoers van 4,5%. Dit was die vierde grootste enkele bydraer tot die VPI. Die grootste styging was 5,5% vir vervoer, wat 0,8 van ’n persentasiepunt bygedra het, goedere en dienste (5,4% en 0,9 persentasiepunt) en behuising en nutsdienste 4,9% (1,2 persentasiepunte). Die verbruikersprysindeks was in Junie 0,4% hoër as in Mei. – StatsSA 25% Groei van 25% het van 2017 tot 2018 wêreldwyd plaasgevind in die bekendstelling van bevrore, klaargemaakte maaltye. Dié styging kan toegeskryf word aan besige verbruikers en ’n vraag na gesonder opsies sonder preserveermiddels, luidens data van die konsultantegroep Innova Market Insights. Namate vinnige happies maaltye vervang, is daar ook ’n groter vraag…

SNEEUKOMBERS. Die plato rondom die Sutherland-sterrewag was op 24 Julie onder ’n dik laag sneeu bedek ná uiterste koue die vorige nag. Volgens mnr. André Jordaan, bestuurder van die Rogge Cloof-landgoed net buite Sutherland, het enkele stuks wild weens die koue, nat en winderige toestande gevrek. Mnr. Jan van Wyk, ’n opkomende boer van dié distrik, het 22 varkies weens die koue verloor. Op die plaas Wolwedans, ook in die Sutherland-distrik, het 11 lammers verkluim, maar me. Carin van der Merwe sê hulle is dankbaar vir die 27 mm reën wat op die plaas geval het. In die distrik Sutherland is reënval van 8 mm tot 48 mm gemeet.…

DIT is ’n teken van die tye as boere meer geld begin maak uit voorspraak vir die bedryf op sosiale media as uit boerdery. Mnr. Zach Johnson, wat mielies en sojabone in Minnesota verbou, is op YouTube bekend as MN Millennial Farmer. Hy sê dié rol verdien vir hom en sy vrou, Becky, sowat vyf keer meer as wat hy die afgelope jaar op die familieplaas kon maak. Die 34-jarige Johnson het sowat drie jaar gelede ’n videoblogger geword om voorspraak te maak vir boere en die tegnologie wat hulle gebruik. Die Johnsons het sowat 300 000 intekenare en hul video’s is al 50 miljoen keer gekyk. Hul ervaring weerspieël die bedrukte stand van die landelike ekonomie, asook groeiende verbruikersbelangstelling in kosproduksie. “Ja, ons gebruik GMO’s, ons gebruik plaagdoders, dreineringsteëls en besproeiing, en…

‘Die projek het ’n bewese rekord van sukses en dit is verbasend dat die staat nie verder in dié suksesverhaal wil belê nie.’ MNR. LEON DE BEER, hoofbestuurder van die Nasionale Wolkwekersvereniging, oor die staat se versuim om geld vir die NWKV se genetiese verbeteringsprojek vir kommunale wolboere beskikbaar te stel. Bl. 19 ‘Vir Suid-Afrika om te groei en ontwikkel, moet eiendomsreg beskerm en verbreed word, nie ondergrawe en waardeloos gemaak word nie.’ DR. JOHN PURCHASE, uitvoerende hoof van Agbiz, oor aanbevelings vir onteiening sonder vergoeding deur die presidensiële adviespaneel oor grondhervorming. Bl. 20 ‘Dis hartseer om te sien die maatskappy word uit die plaaslike mark geneem teen minder as die helfte van die waarde wat hy op sy hoogtepunt behaal het.’ MNR. ANTHONY CLARK, markontleder, oor PepsiCo se verkryging van Pioneer Foods. Bl. 18 ‘Laat…

Hoe verander ’n verslag die werklikheid? Dís die vraag nadat pres. Cyril Ramaphosa se adviespaneel oor grondhervorming onlangs sy bevindings met groot fanfare bekend gestel het. Daar is eintlik twee verslae. Dan Kriek, Oos-Vrystaatse beesboer en voorsitter van Agri SA, en nog ’n beesboer, Nick Serfontein van die Sernick-groep, kon hulle as paneellede nie vereenselwig met die voorstelle soos dat boere wat grond besit, bo ’n sekere perk belas moet word nie. Of dat die staat die eienaarskap van aangekoopte grond moet behou en buitelandse grondbesit moet beheer nie. Of dat vergoeding nie langer deur die howe bepaal word nie, maar eerder deur administratiewe prosesse. Die las van ’n nasionale kwessie soos grondhervorming kan tog nie toenemend op boere afgeskuif word nie. Dat die enigste twee bona fide-boere op die paneel se insette…