Landbouweekblad 12 Aug 2021

HULP NÁ BRAND Suid-Vrystaatse boere ontvang ’n skenking van 22 ton voerkorrels van die voermaatskappy Nutrifeeds nadat hul winterweiding op 12-13 Julie deur ’n brand verwoes is. Boere het ook ’n skenking van veemedisyne ontvang. Vrystaat Landbou (VL) beraam die waarde van weidingsverliese op sowat R345,5 miljoen. Die vroeë beraming van die verlies aan vee en infrastruktuur beloop sowat R33,5 miljoen. Me. Santa Ferreira, nasionale bemarkingsbestuurder by Nutrifeeds, sê dit is vir die maatskappy belangrik dat soveel diere moontlik in die gebied behou word. Mense wat wil help, kan VL se webwerf besoek by vrystaatlandbou.co.za/fire-disaster-fund/. Lees ook die berig op bl. 20. — VIDA BOOYSEN DRAF VIR SONKRAG Die Laerskool Calvinia beoog van 27-29 Augustus ’n aflosresies wat 5 km buite Calvinia begin en via die Tankwa-Karoo tot in die Paarl strek om geld…

25 000 ton Suid-Afrika sal vanjaar sowat 25 000 ton bloubessies uitvoer, ’n toename van 63% vergeleke met verlede jaar. Produsente hoop om oor die volgende vier jaar sowat 5 000 ha bloubessies te verbou en teen 2025 reeds 55 000 ton uit te voer. Die bessies word veral na Brittanje en Europa uitgevoer, maar uitvoer neem ook matig toe na die Midde- en Verre Ooste. Internasionaal is Suid-Afrika egter ’n klein produsent met net sowat 5% van die Suidelike Halfrond se uitvoerproduksie. - Eurofruit Magazine 83% Die prys van kool op die Durbanse varsproduktemark het in die week ná die onluste en plundering in KwaZulu-Natal en Gauteng met 83% gestyg. Dit was waarskynlik weens ’n gebrek aan beskikbaarheid van kool by verkoopspunte en ’n sterk vraag namate verbruikers voorrade ná…

SKAARS BESOEKER. Dié erdvark is onlangs op die plaas Nieuefontein in die distrik Richmond in die Noord-Kaap opgemerk, en is blykbaar een van talle wilde diere wat weens die voortslepende droogte in dié gebied op plase kom water soek. Mnr. Martin Reynolds, bestuurder van uitvoerbemarking by die droëvrugtemaatskappy Capedry, het dié seldsame dier tydens ’n onlangse besoek aan sy ouers opgemerk. Hy vertel sy ouers het tot dusver vanjaar net 20% van hul normale reënval gehad. Die vorige paar jaar se reënval op die plaas was ook ondergemiddeld. “Ons is bekommerd dat ’n groot persentasie bossies dood is en nie gaan herstel indien die reënval verbeter nie. Die bietjie groei wat daar ná vanjaar se reën was, is deur sprinkane opgevreet.” Hy sê koedoes en ander wild wat in die…

VLOEDE het onlangs ongekende skade in dele van Europa en China veroorsaak. Terselfdertyd het uiterste hitte, droogte en wegholbrande tot honderde mense se dood in Amerika gelei. Navorsers weet namate die aarde weens klimaatsverandering warmer word, sal uiterste weerstoestande toeneem. Hoe warmer dit word, hoe meer vog kan in die atmosfeer opgegaar word en hoe meer reën kan op ’n slag uitsak, en hoe droër word dit waar verdamping verhoog. ’n Nuwe tegniek deur die soutinhoud van die oseane op die oppervlak te meet, help wetenskaplikes nou om te bepaal hoe reënvalpatrone op land gaan verander. Die gemiddelde soutinhoud is sowat 35 gram vir elke kilogram water. Op plekke waar baie verdamping plaasvind, is die soutinhoud hoër en in die poolgebiede byvoorbeeld weer laer. In wese is die oseane in ’n…

‘Baie uitvoerders het lankal gesê Maputo is deel van hul langtermynplan wat sitrusuitvoer betref. Die onluste en die kuberaanval het ons gedwing om daardie planne vinniger in werking te stel.’ MNR. JUSTIN CHADWICK van die Sitruskwekersvereniging oor die onlangse probleme met sitrusuitvoer. Bl. 15 ‘Mense is ook ’n groot aanwins in herlewingslandbou.’ MNR. DF FYVER van die Bhetjanebeesmaatskappy in Noordwes op ’n webinaar oor die rol van mense in herlewingslandbou. Bl. 19 ‘Wat ons vorentoe gaan doen tot dit reën, weet ek nog nie, maar ons glo daar sal vir ons uitkoms wees.’ MNR. SCHALK VAN DER MERWE van die distrik Tierpoort ná die verwoestende brand in die Suid-Vrystaat. Bl. 20 ‘Die uitwerking is ernstig en sal nog vir baie maande, indien nie jare nie, gevoel word.’ ME. SANDY LA MARQUE van die KwaZulu-Natalse landbou-unie oor die impak…

ANDERKANT DIE REËNBOOG OM TE WEET JY WEET NIE Dit bly maar die eienaardige ding van leer. Ná meer as ’n dekade van geduldig verskeie bewaringsboerderypraktyke toepas — van geenbewerking tot ultrahoëdrukbeweiding — vertel ’n vriend onlangs hoe hy nou eers besef hoe min hy eintlik weet van wat biologies in sy lande, in sy veld of met sy diere aangaan. Donald Rumsfeld, ’n voormalige Amerikaanse minister van verdediging, het daarna verwys as unknown unkowns, oftewel dié dinge wat ons nie eens weet ons nie weet nie. Vir Rumsfeld was dit die chaos van die Amerikaanse inval van Irak. Met herlewingslandbou kan dinge by tye ook redelik duister wees. Gelukkig was daar vir my vriend ’n paar bemoedigende suksesverhale langs die pad. Rekordaartappeloeste met aansienlik minder kunsmis as die vooraanstaande aartappelprodusent in die omgewing.…