Landbouweekblad 02 Sep 2021

SILO WORD KLINIEK Vierhonderd plaaswerkers is verlede maand teen covid-19 ingeënt by Senwes se Geneva-silo by Kroonstad. Die inentings het geskied danksy die aanvoorwerk van mnr. Jaco Els, ’n boer van die distrik, wat met die Fezile Dabe-distriksgesondheidsdiens gereël het om plaaswerkers van verskeie plase hier te laat inent. Covid-19-gevalle het teen druktyd ’n opwaartse neiging getoon in die Vrystaat, KwaZulu-Natal en die Oos-, Noord- en Wes-Kaap. FOTO: JACO ELS LA NIÑA KOM Daar is tans ’n 70%-kans dat ’n swak tot matige La Niña-weerverskynsel van September of Oktober gaan begin voorkom. Dit sal voortduur tot ongeveer die herfs van 2022, sê mnr. Johan van den Berg, onafhanklike landbouweerkundige. Volgens hom is die veranderlikes in die Indiese Oseaan tans baie gunstig vir somerreën en vir ’n vroeë aanvang van die somerreënseisoen. “Voorspellings dui…

R100 mjd. Daar word beoog om beleggings van tot R100 miljard in nuwe infrastruktuur in Suid-Afrikaanse hawens oor die volgende 5-10 jaar te bekom, het mnr. Pravin Gordhan, minister van openbare ondernemings, en me. Portia Derby, Transnet se groepuitvoerende hoof, aangekondig. Versoeke om inligting en kwotasies is gerig om die belangstelling van die private sektor te toets. Die eerste ronde van dié versoeke is vir die Durbanhawe en Ngqura, noord van Gqeberha. – Moneyweb 107 639 Meer as 107 600 Suid-Afrikaners het hul steun toegesê aan Vrystaat Landbou (VL) se veld-tog ten gunste van eiendomsreg en teen die wysiging van artikel 25 van die Grondwet, wat onteiening met nulvergoeding moontlik sal maak. VL sê die verandering sal beleggingsonsekerheid vererger. “Om hoogs produktiewe landelike landbougrond in gevaar te stel deur voort te gaan met die…

BLOEISELS. Kersiebome staan vol in die blom op ZZ2 se plaas Muriti naby Buffelspoort in Noordwes. Kersies is gesog by verbruikers en sjefs vanweë hul natuurlike soet smaak, tesame met hul hoë voedingswaarde. Danksy die vrug se gesondheidseienskappe word dit as een van die sogenoemde supervoedselsoorte gereken. Vol-gens ’n opname wat die kersiebedryfsorganisasie Hortgro-Cherries onder produsente gedoen het en wat in Julie 2020 verskyn het, was daar toe 23 kersieprodusente in Suid-Afrika. Die aantal hektaar onder kersieboorde het van 2015 tot 2019 met 98% gegroei. In dié jaar was 45% van die kersiebome in die land jonger as twee jaar. Produsente se grootste uitvoermark was toe Brittanje (54%), gevolg deur die Europese Unie en Rusland (20%). Suid-Afrika was toe verantwoordelik vir 0,1% van die wêreld se kersieproduksie. Chili, met ’n…

SUID -AFRIK A ANSE uitvoer sloer reeds dekades lank vergeleke met sy mededingers, wat groei beperk. Buiten ’n tanende sakeklimaat en mededingendheid, meen sommige ekonome ook die regering se handels- en nywerheidsbeleid skep ’n inherente vooroordeel teen uitvoer. Ander meen die eintlike probleem is dat Suid-Afrika nie oor die kennis en vaardighede beskik om weg te breek van sy afhanklikheid van die mynwese en ’n nuwe rigting in te slaan wat op die uitvoer van vervaardigde goedere gegrond is nie. Oor die afgelope 10 jaar het Suid-Afrika se uitvoer-groeikoers meer as gehalveer, en die land se aandeel in wêreldhandel het beduidend gedaal – van 0,6% van uitvoer tot 0,4%. Mnr. Matthew Stern, besturende direkteur van die konsultant DNA Economics, raam indien Suid-Afrika net kon hou by sy aandeel in wêrelduitvoer, sou…

‘Sou ’n mens wel goedkeuring vir ’n dringende spesiale invoerpermit kry, is die seisoen gewoonlik verby wanneer die goedkeuring uiteindelik verkry word.’ DR. ALF LATEGAN, voorsitter van Ruvasa, oor die moontlikhede om entstowwe wat tans nie plaaslik beskikbaar is nie, in te voer. Bl. 14 ‘Ons het elke rede tot kommer wanneer hulle praat van voogdyskap van grond onder die staat. Kom na Gwatyu en kyk hier.’ ME. THEMBAKAZI GWATYU van die Gwatyu-gemeenskapsvereniging oor die gevare van staatsvoogdyskap van grond. Bl. 22 ‘Ons het die regering tevergeefs probeer oortuig dat hy ’n finansiële brug vir boere moet bou tussen heersende droogtetoestande en die volgende reën, nou doen agt private organisasies dit self.’ DR. THEO DE JAGER, voorsitter van Saai, oor hoe gewone lands-burgers inspring waar die staat sy plig versuim. Bl. 21 ‘Solank daar nie invoerheffings…

ANDERKANT DIE REËNBOOG UIT DIE PAD, ASSEBLIEF Dit is regtig jammer dat niemand meer veel van die staat verwag nie. Oor die jare is Suid-Afrika se boere al lelik deur die amptenary in die steek gelaat, veral waneer hulle die hulp die nodigste gehad het. Van droogtehulp tot brandbestryding, en van veesiektes tot grondhervorming — die meeste van ons het nou al gedweë aanvaar die staat gaan eenvoudig nie opdaag wanneer ’n ernstige probleem opduik nie. Ons het mettertyd geleer om die kastaiings self uit die vuur te krap. Deesdae is daar tot nege hulporganisasies wat deurgaans bystand bied aan plattelandse gemeenskappe wat steeds onder die meedoënlose droogte gebuk gaan. Aan hulle is bitter groot dank verskuldig. Om verder sout in die wonde te vryf, gebeur dit ongelukkig ook dikwels dat die staat se…