Landbouweekblad 09 Sep 2021
Suid-Afrika se grootste en gewildste landboutydskrif is meer as 100 jaar in diens van boere. Dit is invloedryk, nuuswaardig en bied rigtinggewende inligting. Die tydskrif en al sy platforms is ’n advertensiemedium sonder gelyke in die Suid-Afrikaanse landboubedryf.
in this issue
in ’n blik
PRESISIEVLUG. Koringlande in die Swartland word bespuit met swamdoder, wat ook boor in die mengsel het. Mnr. Jaco Smit, sakeman en deeltydse boer van die Swartland, het die foto geneem terwyl mnr. Michael Orsmond, vlieënier van WP Oesbespuiting, koring op die plaas Witkei tussen Malmesbury en Moorresburg bespuit het. Dit is koring van mnr. JP Truter, wat die plaas huur. Smit sê die Swartland ervaar tot dusver ’n baie goeie seisoen. “Die gesaaides lyk vanjaar ekstra mooi.” Hy is ’n ywerige fotograaf en neem graag foto’s wanneer hy nie boerdery verpligtinge het nie. Hy en sy seun, Theo, is Angus-stoetboere en boer ook met Hampshire Down-stoetskape. Hulle saai net vir voer vir die beeste en skape. Smit sr. is ook die direkteur van Taurus-Evolution wat genetiese materiaal reg oor Suid-Afrika…
die ander sê
DIE alkoholverbod-hofsaak in die hooggeregshof in Kaapstad lê die spanning bloot tussen die nasionale en die Wes-Kaapse regering, met die twee partye wat verskil oor die magte wat die Grondwet tydens ’n pandemie aan hulle gee. Vinpro voer aan dat provinsies, spesifiek die Wes-Kaap, self behoort te besluit oor ’n alkoholverbod tydens die pandemie omdat die Grondwet en die Drankwet (Wet 27 van 2003) aan hom die gesag gee oor dranklisensies, wat bepaal wie alkohol mag verkoop. Die saak belig grondwetlike kwessies. Die regering voer aan die nasionale toewysing van rolle en verantwoordelikhede is geregverdig omdat ’n nasionale ramp die mobilisering van nasionale hulpbronne vir doeltreffende bestuur vereis. Adv. Mitchell de Beer, vir mnr. Alan Winde, Wes-Kaapse premier, het gewaarsku wanneer ’n nasionale regering inbreuk maak op die magte van provinsies, ondermyn dit…
het jy gehoor?
‘Ons sal moet organiseer, betrokke raak en hard skree op die kerkplein – nou meer as ooit tevore. Daar is baie dinge op die spel.’ ME. ANN BERNSTEIN van die sentrum vir ontwikkeling en ondernemings oor hoe probleme nie ontken moet word nie. Bl. 18 ‘Daar is nie so ’n ding soos ’n vryehandelsomgewing nie. Alle handel dien die belange van daardie land. En ons moet wakkerder wees om ons eie belange te beskerm.’ DR. JOHN PURCHASE van Agbiz oor lokalisering. Bl. 20. ‘Boere in droogtegeteisterde gebiede het bewys hoe hulle steeds soggens opstaan, veld toe loop, skaap kos gee en alles môre herhaal. Deursettingsvermoë sal ’n toekoms verseker.’ MNR. NICOL JANSEN van Agri Noord-Kaap oor die waarde van die regte ingesteldheid. Bl. 18 ‘As ons sulke kultivars kan kry, kan ons 100 000 ha in…
dié week in die landbou
WYNLANDGOED VERKOOP Die 329 jaar oue Stellenbosse wynlandgoed Morgenhof is op 25 Augustus op ’n virtuele veiling teen R52,25 miljoen aan ’n Europese belegger verkoop. Volgens High Street Auctions is dit die oudste eiendom wat nóg in Suid-Afrika opgeveil is. Morgenhof is voor die veiling besit deur me. Anne Cointreau, wie se familie sedert 1272 wyn, sjampanje en spiritus in Frankryk produseer. Haar oupagrootjie Adolphe het die bekende lemoenlikeur wat die familie se naam dra, ontwikkel. Anne tree nou af en keer na Frankryk terug om tyd saam met haar familie deur te bring. — MICHELLE VAN DER SPUY FOTO: VERSKAF LEWENSLANK TRONK TOE Die Vryheidsfront Plus het die vonnisse in twee sake verwelkom. Mpho Mbuyane is in Polokwane twee lewenslange vonnisse opgelê vir die dubbele moord in 2017 op mnr. Piet van…
syfers
R673 milj Bayer AG en ander beleggers gaan $45 miljoen (R673 miljoen) belê in ’n landbou-onderneming wat daarop aanspraak maak dat sy produkte die wêreld se stikstofbemesting met 30% kan verminder. Sound Agriculture in Kalifornië, Amerika, het ’n alternatief ontwikkel vir sintetiese misstof vir mielies en sojabone, wat plante meer toegang gee tot grondstikstof en -fosfor, asook ’n teeltegniek wat plantontwikkeling versnel. — Bloomberg 15,1% Koring het op 26 Augustus teen R5 720/t verhandel, 15,1% hoër as ’n jaar gelede. Dit is die hoogste vlak sedert November 2020 toe die prys tot byna R6 100/t gestyg het. Omdat Suid-Afrika ’n netto invoerder van koring is, met meer as 1 miljoen t/jaar wat ingevoer word, speel die rand ’n groot rol in prysbewegings, tesame met die onderliggende koringtarief. Die verwagte oes vir die seisoen is…
’n nuwe hoofstuk
O or die iewat langer as ’n eeu dat Landbouweekblad boere bedien, het dinge voorwaar baie verander. Destyds, in 1919, toe die tydskrif die eerste keer verskyn het, was dit ’n verbete poging om Afrikanerbestaansboere, verarm deur die verwoesting van die Anglo-Boereoorlog, met praktiese landbou-inligting te probeer kommersialiseer. Vandag is Suid-Afrika se wêreldklas-landbou ’n getuigskrif vir hoe suksesvol daardie poging uiteindelik was. Die land se boere word deesdae wyd as van die bestes ter wêreld beskou. Vandag het die osse en per-de van weleer plek gemaak vir reusewerktuie met ’n magdom slim digitale oë wat alles dophou. Hommeltuie, genomika en slim klimaatbeheer raak deesdae so deel van ’n boer se lewe soos droogtes en donderstorms. En soos wat die landbou oor die jare verander het, het Landbouweekblad ook aangepas. Waar daar voorheen…
