Landbouweekblad 16 Sep 2021
Suid-Afrika se grootste en gewildste landboutydskrif is meer as 100 jaar in diens van boere. Dit is invloedryk, nuuswaardig en bied rigtinggewende inligting. Die tydskrif en al sy platforms is ’n advertensiemedium sonder gelyke in die Suid-Afrikaanse landboubedryf.
in this issue
in ’n blik
GEMEENSKAPSDIENS: Die afslaermaatskappye BKBVanWyk en BKBLouwid, asook OVK en Vleissentraal het onlangs oorgeskuif na die unieke Hoëveld-veilingsentrum naby Standerton. Hier sal voortaan elke Vrydag veiling gehou word. Mnr. Frik Verster, hoof van BKBVanWyk, is die baasbrein agter die ontwerp van die planmatig geboude sentrum wat saam met BKB en Frik Verster-trust opgerig is. “Ons kon nie meer staatmaak op basiese dienste soos krag, water en kommunikasie by die munisipale geriewe nie,” vertel Verster. “Om ons gemeenskap reg te dien, wou ons ook al ons afslaers saamvat. Ons boere verdien ’n beter markplek.” Die nuwe veilingskrale is oorgehaal om voldoende naspeurbaarheid te kan uitoefen om veilings te kan hou al is daar ’n uitbreking van bek-en-klouseer. “Ons het behoorlike dakke en modern laaibanke, en voldoen aan al die vereistes van dieresorgorganisasies,”…
die ander sê
SUID -AFRIK A gaan ’n tydperk van pynlike chaos binne waar onrusvoorvalle soos in Julie alledaags kan word, skryf die rubriekskrywer Sam Mkokeli. Die feit dat die ANC misluk het om betyds kandidate in minstens 94 munisipaliteite aan te wys, is ’n belangrike kwessie. Met die munisipale verkiesing wat in Oktober voortgaan, kan die ANC sleg verloor in talle stede en dorpe waar dit baie jare lank aan die bewind was, tensy daar opnuut geleentheid is om kandidate aan te wys. Die ANC se administratiewe probleme sluit nie net sy verkiesingsbeplanning in nie, maar is simptomaties van die wyer verval in die party. Die jongste voorbeeld is die onvermoë om salarisse te betaal. Mkokeli sê die rede vir die chaos is omdat die ANC se prominente leiers nie tyd in Luthuli-huis wil deurbring…
het jy gehoor?
‘Ons benodig lenings teen prima minus 5% en nie plus 5% nie, anders kan ons nie oorleef met die huidige hoër insetkoste nie.’ MNR. HUGO DE WAAL, ’n saaiboer van Eendekuil in die Wes-Kaap. Bl. 14 ‘Dit sal nou ’n stadige dood sterf, maar op die volgende beleidskonferensie sal dit beslis weer opgehaal word.’ DR. PIET CROUCAMP, politieke ontleder, oor onteiening. Bl. 15 ‘Suid-Afrika moes reeds meer as 2,7 miljoen stuks pluimvee van kant maak.’ MNR. IZAAK BREITENBACH, hoofbestuurder van die Suid-Afrikaanse Pluimveevereniging se braaihoenderorganisasie, oor die jongste voëlgriepuitbreking. Bl. 18 ‘In die twee jaar sedert die heffing vir sojabone in werking getree het, is sowat 36 nuwe kultivars ingebring.’ MNR. DEREK MATTHEWS, voorsitter van Graan SA oor die voordele wat ’n tegnologieheffing vir boere inhou. Bl. 20 ‘Die werklikheid bly egter dat 5 760 mense volgens die…
dié week in die landbou
SNEEU EN SITRUS Die sneeu wat onlangs weens twee intense koue fronte oor Citrusdal en ander gedeeltes van die Wes-Kaap uitgesak het, sal nie die sitrusbedryf benadeel nie, sê mnr. Piet Smit, sitrusboer van Citrusdal en bemarkingsdirekteur by Favourite Fresh Export. Hy sê aangesien die lemoene nie vir lang tydperke aan temperature onder vriespunt blootgestel is nie en dié lemoene eers in November geoes word, sal daar geen skade aan die gehalte van die lemoene wees nie. Hier staan sy vrou, Essie, in ’n boord op die naburige plaas Kleinplaas. VERSAMELING TREKKERS TE KOOP ’n Boer van Brittanje spog met ’n versameling van meer as 80 Ford-trekkers. Mnr. Phillip Warren (77) wil binnekort bykans sy hele versameling verkoop. Volgens Autoevolution.com het Warren, wie se plaas Middlecott in Beaworthy, Devon, geleë is, sy eerste…
syfers
15c Daar was die begin van die maand ’n klein bietjie goeie nuus vir dieselverbruikers in die landbou toe die prys met tussen 14c en 15c per liter gedaal het. Die petrolprys (vir alle grade) het met 4c per liter gestyg. Die prys vir ’n liter 95 oktaan-petrol in Gauteng is nou R18,34 en aan die kus R17,62. Diesel se groothandelprys is R15,49/liter in Gauteng en R14,88/liter aan die kus. — Departement van energie 6,7% Luidens ’n verslag van die buro vir voedsel- en landboubeleid (BFAP) het inflasie op voedsel en nie-alkoholiese drank in Julie op 6,7% gestaan wat soortgelyk is aan Junie se syfer. Die grootste styging op ’n jaargrondslag was vir olies (22,4%) en vleis (9,4%). Die koste van ’n gesonde mandjie voedsel vir ’n gesin van vier staan op R2 932.…
lesse in anargie
Die onrus en plundery wat KwaZulu-Natal onlangs getref het, het ’n paar ongemaklike werklikhede oor Suid-Afrika blootgelê. Dit het duidelik deurgeskemer op ’n webinaar wat Landbouweekblad onlangs saam met Pannar en Kwanalu aangebied het om agter die kap van die byl te kom oor wat nou gereed gekry moet word om ’n herhaling van chaos in die toekoms te vermy. Op die paneel was verskeie boere wat nou betrokke was by pogings om dinge onder beheer te kry, asook private veiligheidsmaatskappye, Kwanalu, versekeraars en Landbouweekblad se eie senior joernalis Lloyd Phillips, wat self ’n hele week aan verbete pogings deelgeneem het om sy dorpie, Mooirivier, te beveilig. Eerstens was daar die harde werklikheid dat gewone mense op hulself aangewese is wanneer dinge skeefloop — die staat gaan waarskynlik afwesig wees. Tydens die…
