Landbouweekblad 23 Sep 2021
Suid-Afrika se grootste en gewildste landboutydskrif is meer as 100 jaar in diens van boere. Dit is invloedryk, nuuswaardig en bied rigtinggewende inligting. Die tydskrif en al sy platforms is ’n advertensiemedium sonder gelyke in die Suid-Afrikaanse landboubedryf.
in this issue
in ’n blik
NUWE LEWE VIR OU STAATMAKER. Met die nuwe generasie katoenstropers kry boere ’n plukker-en-baler, maar teen ’n stewige prys. Baie katoenboere het vasgebyt met hul ou stropers en katoen in tradisionele modules bekend as brode aan pluismeulens gelewer. Dit is egter moeilik om te hanteer en duur om te vervoer. Daarom word dit nou uitgefaseer.Net toe dit lyk of ’n klomp goeie, betroubare katoenstropers waardeloos gaan word, het mnr. Petrus Nel van Drawid Agri nuwe lewe aan die ou stropers gegee met sy Drawid Agri-katoenbaler. Dit maak ronde katoenbale van 1,5 m x 1,2 m wat 550 kg weeg, soos hierdie een wat Nel (voor) saam met een van die eerste eienaars van ’n nuwe baalmasjien, mnr. Jan Young van Roedtan, aanrol na die oplaaipunt. Lees binnekort die volle storie…
die ander sê
LOK ALISERING kry baie aandag. Sommige mense skiet dit af as te duur en dat dit die verkryging van ingevoerde produkte of van uitvoermarkte bemoeilik. Vir sulke mense is inmenging in enige mark ’n gruwel, skryf mnr. Ayabonga Cawe, ontwikkelingsekonoom. Die ontwrigting van globale voorsieningskettings en die stygende kostebasis van vervaardiging in China toon egter die “konsentrasierisiko’s” wanneer produksie en waardetoevoeging in een pool van die wêreld gebeur. Soos die lokaliseringsbeleid aanvoer, stimuleer vervaardiging groei in verwante bedrywe soos verpakking, logistiek en vervoer. Lokalisering gaan dus nie oor die verplasing van die mark en globale waarde nie, maar oor die verandering van gespreksvoorwaardes, sodat Suid-Afrika nie meer ’n koloniale ekonomie is wat hoofsaaklik grondstowwe uitvoer nie. Ekonomiese geskiedenis herinner ons daaraan dat ontwikkeling nou verwant is aan sulke skuiwe na waardetoegevoegde bedrywighede. In…
het jy gehoor?
‘Hierdie wet word eenvoudig nie nagekom nie.’ MNR. ERIC STOCH, voorsitter van die Noordwes-sambreelbrandbeskermingsvereniging (NWUFPA), oor staats- en semistaatsinstellings wat nie brandwetgewing nakom nie, terwyl boere beboet word. Bl. 16 ‘Hul kontantvloei is deur die beperkings verlam.’ MNR. ANGUS WILLIAMSON van die Rooivleisprodusente-organisasie oor boere se verligting oor die kleiner bek-en-klouseersiektebestuursgebied. Bl. 14 ‘Dit is ’n stomp stuk gereedskap wat die minister van indiensneming en arbeid onverskillig gebruik om die arbeidsmag te vervorm om die rasbehepte regerende party tevrede te hou.’ DR. MICHAEL CARDO van die DA oor die wysigingswetsontwerp op gelyke indiensneming. Bl. 18 ‘Ons het nege jaar om omgewingsvriendeliker landbouchemikalieë te ontwikkel.’ DR. SCHALK SCHOEMAN, navorser van die Suid-Afrikaanse Makadamiakwekersvereniging, oor die EU se groen plan. Bl. 29 ‘Die korruptes in die ANC het gesien hoe die vangnet stywer om hulle span. Hulle het toe in…
dié week in die landbou
DUURSTE HOENDER ’n Buff Orpingtonhaan het ’n Suid-Afrikaanse rekordprys van R18 200 op ’n aanlyn veiling behaal. Mnr. Albert Lingenfelder, voorsitter van die Suid-Afrikaanse Skoupluimvee-organisasie (Saspo), sê dit is die duurste hoender nog in Suid-Afrika. Hy het die keuring van die veilinghoenders vir die teler, mev. Nelmarie Neethling van Struisbaai, behartig en beskou haar Orpington-teelmateriaal as van die beste in Suid-Afrika. Die koper van die peperduur haan is mnr. Dewald van der Merwe, ’n stoetteler van die distrik Lichtenburg, wat dié haan tot elke prys vir sy telery wou bekom. Volgens Lingenfelder is die gewildste skouhoenders die Orpington, Brahma en Wyandotte, wat maklik teen R4 000 tot R5 000 per hoender verhandel. FOTO: DESIRE DE WET LEIER VERLOOR Die dood van mnr. Werner Büchner (55) gaan ’n leemte laat in Suid-Afrika, die landbou…
syfers
56% Die trekkerverkope van 724 eenhede in Augustus is byna 56% meer as wat verlede Augustus verkoop is. Die Suid-Afrikaanse Landboumasjinerie-assosiasie sê vir die jaar tot dusver is verkope nou byna 30% meer as verlede jaar. Daar is 14 stropers in Augustus verkoop, een eenheid meer as die 13 eenhede wat verlede Augustus verkoop is. Vir die jaar tot dusver is stroperverkope byna 25% meer as verlede jaar. – Salma 120 Die Suid-Afrikaanse Pluimveevereniging het gehelp om 120 inspekteurs van die Suid-Afrikaanse Inkomstediens op te lei om hoenderbesendings te kan identifiseer waar invoertariewe deur wan- of onderverklaring ontduik word. In 2018 het Brasilië uitvoer van 5 000 ton meganies ontbeende hoendervleis na Suid-Afrika aangeteken, terwyl laasgenoemde 22 keer so veel aangeteken het. Dié snit kom die land tariefvry binne. – The FairPlay Bulletin 45…
’n bietjie goeie nuus
Daar is oorgenoeg slegte nuus. Op die radio, in koerante, op webwerwe en WhatsApp. Elke dag is daar iets nuuts om oor neerslagtig te raak. (Dit help ook natuurlik nie wanneer Pollie ’n afdag het en die Bokke die knie teen die Wallabies moet buig nie!). In werklikheid is ons omring deur optimisme. Dis absoluut oral. Elke besigheid wat nog sake doen, van die kleinste spazawinkeltjie tot die grootste uitvoerplaas, is ’n voorbeeld van Suid-Afrikaners wat elke dag ons land ’n beter plek maak. Hulle skep welvaart, betaal belasting en neem mense in diens. Meestal onder bykans onmoontlike omstandighede, gereeld ondanks onoorkombare terugslae. Hulle bly staande, soos ’n wafferse Bruce Willis wat ongeërg uit ’n brandende gebou stap, ondanks elke denkbare poging om hom van kant te maak. Só gebeur dit dat John…
