Landbouweekblad 30 Sep 2021

PANNEKOEK VIR JOU? Mnr. Stephan Coetzee, eienaar van die Coetzrand Brahman-stoetery by Carletonville, voer ’n rooi Brahman-bul ’n stukkie pannekoek tydens die BKB-Afrika-lewendehawe-ekspo wat op Parys gehou is. Die bul het nie hierdie kans laat verbyglip nie en het die pannekoek gretig verorber. Die skou is een van die min landbouskoue in die noorde van Suid-Afrika wat sedert sy ontstaan drie jaar gelede nie deur die covid-19-pandemie ontspoor is nie en elke jaar sterker anderkant uitgekom het. Altesaam 618 beeste — 422 Brahmane, 170 Simbras, 14 Santa Gertrudis en 12 Limousines — is vir die skou ingeskryf wat vanjaar die derde keer gehou is. Die Brahman-genootskap het ook sy nasionale veiling daar gehou, terwyl die SA Vleismerino-genootskap ’n jongramveiling aangebied het.…

OM Omnia uit sy finansiële probleme te kry, moes die maatskappy, wat in Maart vanjaar geen skuld gehad het nie, vroeër ’n paar moeilike besluite geneem het, sê mnr. Seelan Gobalsamy, uitvoerende direkteur van Omnia Holdings. “Direksies, bestuur en leiers sukkel gewoonlik om moeilike besluite te neem.” Vir hom was een van die moeilike besluite toe die direksie die verskillende moontlikhede bespreek het om óf meer geld te leen, óf om voort te gaan om sy hoë skuld af te werk deur bates te verkoop of ’n regte-uitgifte te doen. “Die direksie het ’n baie moeilike besluit geneem om te sê: Laat ons ’n regte-uitgifte doen om die probleem op te los en die maatskappy op veilige grond te plaas om voort te gaan. “As ons nie die besluite geneem het wat ons…

‘Openbare deelname is ’n demokratiese proses en nie uitsluitlik gereserveer vir geskoolde lede van die samelewing wat Engels kan lees nie, of vir die bevoorregte minderheid wat toegang het tot die internet nie.’ REGTER A.J. VORSTER in ’n saak oor die verklaring van forel tot indringerspesie. Bl. 28 ‘Die kanola lyk belowend. Dit hou mos van so ’n koue einde.’ MNR. FRANCOIS BADENHORST, boer van Swellendam, oor die kanola-oes. Bl. 16 ‘Ons kan nie voortgaan op die pad waarop ons nou is nie. Ja, ons groei in die landbou, maar dit raak ál meer eksklusief en gekonsentreerd.’ DR. JOHN PURCHASE oor die belangrikheid van die landboumeesterplan. Bl. 20 ‘Ek weet glad nie hoe dit met my beeste gaan en of die kalf leef nie, want ek word nie toegelaat om hulle te sien nie.’ MNR. THABANG NKATLO,…

REKORDPREMIES VIR RWS-WOL Volhoubaar gesertifiseerde (RWS) wol het rekordpremies van tot 18% op afgelope veilings verdien, sê mnr. Isak Staats, hoofbestuurder van wol en bokhaar by BKB. Klerevervaardigers begin standpunt inneem teen onaanvaarbare praktyke in die wolbedryf. Daar is tans ’n hoë aanvraag na gesertifiseerde wol en Suid-Afrika is die hoofvoorsiener van RWS-wol in die wêreld, tans die mees gesogte standaard. Ongeveer 30 groot name in die klerebedryf, soos Adidas, Patagonia en H&M, het vandeesmaand ’n ope brief van die diereregteorganisasie Four Paws onderteken, waar hulle onderneem om teen 2030 nie meer wol te gebruik van skape wat die Mules-operasie ondergaan nie. LOONSAAK IN VSA Ses swart seisoenale werkers van Pitss Farms, Mississippi, het volgens die nuusagentskap Reuters ’n saak by die federale hof aanhangig gemaak omdat wit Suid-Afrikaanse plaaswerkers met seisoenale landbouvisums…

5% Suid-Afrika se produksie van hoendervleis sal na verwagting in 2022 met 5% styg danksy beleggings deur die bedryf en laer insetkoste. Verbruik van hoendervleis kan met 3% styg danksy ekonomiese herstel en hoër pryse vir ander proteïenprodukte. Invoer kan met 3% daal, hoofsaaklik weens hoër tariewe, gedemp deur ’n herstel in voorsieningskettings en die groeiende vraag, waarin plaaslike produksie nie kan voorsien nie. – VSA dept. van landbou 84 Suid-Afrika beklee nou die 84ste plek uit 165 lande en gebiede wat ekonomiese vryheid betref. Hoewel dit effens beter is as verlede jaar se 101ste plek, vergelyk dit sleg met die 58ste plek wat Suid-Afrika nog in 2000 beklee het. Volgens die verslag van die Fraser-instituut oor ekonomiese vryheid het 15 gewese kommunistiese lande en 7 Afrika-lande Suid-Afrika nou verbygesteek. Hongkong en Singapoer…

Dit is ’n onoplosbare vraagstuk. Wie hoort waar? Ons worstel daarmee sedert die eerste Homo sapiens uit die soel vlaktes van Afrika na die koel woude van Europa gemigreer het en die minder aanpasbare Neandertalmense daar verplaas het. Die vraagstuk word ook graag ingespan met die gronddebat. Wie ook al eerste hier was, is blykbaar die regmatige eienaars van die grond. Dit sou dan sekerlik die San en Khoi wees. Lank voor die eerste swart stamme vanaf die Groot Mere-gebied suid gemigreer het, was hulle reeds hier. En teen die tyd dat die eerste Europeërs hier voet aan wal gesit het, het seevaart reeds vreemde mense, diere en plante oor die hele wêreld heen versprei. Vandag sukkel minister Barbara Creecy se departement van omgewingsake, bosbou en visserye met die land se vlieghengelaars oor…