Landbouweekblad 07 Oct 2021
Suid-Afrika se grootste en gewildste landboutydskrif is meer as 100 jaar in diens van boere. Dit is invloedryk, nuuswaardig en bied rigtinggewende inligting. Die tydskrif en al sy platforms is ’n advertensiemedium sonder gelyke in die Suid-Afrikaanse landboubedryf.
in this issue
in ’n blik
OU STAATMAKER. Die ikoniese windpomp op ’n vlakte, soos dié een naby Tarkastad in die Oos-Kaap, is só deel van die Suid-Afrikaanse psige soos braaivleis en biltong. Windpompe stel Suid-Afrikaanse boere sedert die 1800’s in staat om ondergrondse water aan te wend vir veesuipings of ander landboudoeleindes. Die eerste windpompe wat in Suid-Afrika gebruik is, is aanvanklik ingevoer, hoofsaaklik vanuit Amerika, asook Duitsland, Engeland, Kanada en Australië. Weens die probleme met invoer tydens die Tweede Wêreldoorlog is Suid-Afrika gedwing om sy eie windpompe te ontwikkel en vervaardig. Teen 1957 is daar glo tot nagenoeg 12 000 windpompe per jaar verkoop, waarvan die meeste plaaslik vervaardig is. Die gewildste windpomphandelsmerke in daardie stadium was Climax, Gearing, M&S Rotor, Malcomess-Bufallo Double Geared Oil, Southern Cross en Springbok.…
die ander sê
DIE buro vir ekonomiese navorsing reken die ekonomie kan teen middel aanstaande jaar herstel tot vlakke vóór die covid-19-pandemie en dat die landbou een van die belangrike sektore in die herstel is. Mnr. Hugo Pienaar, hoofekonoom by die buro, sê ekonomiese hervormings begin vorm aanneem, al is dit stadig. Hy het op die jaarlikse belastingindaba van die Suid-Afrikaanse instituut van belasting gesê die land kan meer optimisties wees oor vooruitsigte op mediumtermyn as ’n jaar of selfs ses maande gelede. Teen einde Augustus het belastinginvordering net minder as R590 miljard beloop, 9,7% meer as die raming in die Februarie-begroting. Mnr. Edward Kieswetter, kommissaris van die Suid-Afrikaanse Inkomstediens, het gesê die sektore wat die groei ondersteun het, sluit mynwese, vervaardiging, die landbou, bosbou en visserye en tot ’n mindere mate elektrisiteit, gas en…
het jy gehoor?
‘Die amptenare sal dalk wakker skrik as die hele provinsie om hulle afbrand.’ MNR. NAUDÉ PIENAAR, adjunkhoofbestuurder van Agri Noordwes, oor hoe die staat boere in die steek laat. Bl. 24 ‘Hoër temperature alleen sal mielie-opbrengste in Suid-Afrika met omtrent 20% kan laat krimp.’ DR. COREY LESK van die Lamont-Doherty Aardobservatorium in Amerika oor die verwagte uitwerking van klimaatsverandering. Bl. 14 ‘Die volgehoue mite oor kommersiële plaasgroottes en getalle wat afneem, trek die aandag af van die werklike beleidsoplossings wat groei en werkskepping in die sektor kan bevorder.’ MNR. WANDILE SIHLOBO, landbou-ekonoom van Agbiz, oor ’n Mededingingskommissie-verslag oor die landbou. Bl. 19 ‘Dit het ons twee belangrike lesse geleer – dat mense wat saamwerk vir ’n gemeenskaplike doel, kragtige skeppers van verandering is, en dat die grond ’n stem het en dat ons moet aandag gee…
dié week in die landbou
HART VAN DIE KLEIN-KAROO Geen geld kan sy weergalose Bruintjie koop nie, sê mnr. Wenzel Botha, eienaar van die Wenzim Simmentaler-stoetery naby De Rust, van dié Simmentaler-bulkalfie wat met die wit, hartvormige vlek op die voorkop “sigbaar gekroon (is) met liefde”. Botha het in die laat 1980’s die eerste keer met Simmentalers in aanraking gekom en was dadelik verlief. Hy het sy eerste drie kommersiële Simmentaler-versies in 2008 gekoop, met die opbrengs wat hy en sy gesin verdien het deur die Klein Karoo Nasionale Kunstefees te help om ’n DVD van Theuns Jordaan en Juanita du Plessis te verkoop. — JOHAN COETSEE FOTO: VERSKAF EGIPTIESE LEMOENE Egipte het Suid-Afrika onttroon as die vernaamste lemoenuitvoerder na die Europese Unie (EU) onder nie-EU-lidlande. News24 berig luidens ’n Spaanse verslag het Egipte byna 310 000 ton…
syfers
1 Nedbank glo rentekoerse sal vanjaar onveranderd bly en dat die Reserwebank nie die koers in 2022 met meer as 100 basispunte (1 persentasiepunt) sal verhoog nie. Me. Nicky Weimar, hoofekonoom, het op die Agbiz Grain-simposium gesê Suid-Afrika se ekonomie is sedert laat 2013 in sy langste afwaartse kurwe. Dit plaas ’n demper op pryse en maak dit moeilik vir maatskappye om kostestygings aan verbruikers oor te dra sonder om volumes te benadeel. — Nico van Burick 45% Slegs 45% van die 257 munisipaliteite het planne vir die instandhouding van infrastruktuur van hul munisipale dienste, luidens inligting voor die parlement. Slegs 10% van dié 45% het die planne ten volle toegepas. Volgens die ouditeur-generaal se 2018-’19-verslag het 41% van munisipaliteite geen goedgekeurde beleid oor roetineinstandhouding van water- en sanitasie-infrastruktuur nie, en 27% het…
regte boeretroue
Met al covid-19 se ontwrigting en isolasie sedert laas jaar was dit lekker om weer onlangs tussen ons boeremense te kan kuier. En waar beter om dit te doen as op ’n vreugdevolle byeenkoms van ’n naweek lange boeretroue. Om saam met ou vriende, kennisse en nuwe vriende die gasvryheid van die platteland te ervaar. Die Vrydagaand kom almal in die werktuigskuur op die plaas bymekaar vir ’n geselligheid langs die stropers, planters en hoogloopspuite. Mense is uitgehonger vir ’n bietjie samesyn, en een van ons top-bees-en-skaaptelers staan op ’n kol en gesels met ’n klomp jong manne wat aan sy lippe hang. Vir jare nou reeds verkoop hy nie meer aanteeldiere nie, want, soos hy later verduidelik, hy voel hulle is nog nie heeltemal op peil nie. Dit is ’n verstommende erkenning,…
