Landbouweekblad 14 Oct 2021

VERSKROEIDE AARDE. Een van die 20 bastergemsbokke wat mnr. Tienie Neethling en sy seun, Paul, van die plaas Langberg buite Kimberley, einde September in die verwoestende brande verloor het. Twaalf van die bastergemsbokke wat gevrek het, was kalfies van jonger as drie maande. Die Neethlings het ook agt beeste, vyf koedoes, 20 rooibokke, 10 steenbokke en 10 duikers verloor. In dieselfde week is aangekondig dat die wysigingswetsontwerp op Nasionale Veld- en Bosbrande (Wet 101 van 1998) weer voor die parlement sal dien nadat die kabinet dit goedgekeur het. Dié wetsontwerp maak onder meer voorsiening vir die skep van strukture in die openbare sektor en op gemeenskapsvlak om samewerking te bevorder om die risiko van veldbrande te verminder, asook doeltreffende voldoening aan wetgewing en wetstoepassing. Dit is nog nie duidelik hoe…

INTERNASIONALE voedselpryse was in September amper 33% hoër as ’n jaar vantevore, en het sedert Julie met 3% gestyg tot vlakke wat nog nie sedert 2011 ervaar is nie. In Augustus was kospryse volgens die voedselprysindeks van die Verenigde Nasies (VN) se voedsel-en-landbouorganisasie hoër as in 2011, toe opstande oor kos bygedra het tot regeringsveranderinge in Libië en Egipte. Gegrond op reële prysstygings is dit tans moeiliker om kos op die internasionale mark te koop as byna elke jaar sedert die VN se rekordhouding hieroor in 1961 begin het. Die enigste uitsonderings was 1974 en 1975, toe 1973 se rekordhoë olieprys tot snelle inflasie in talle ekonomieë gelei het. Tans dra brandstofpryse, ongunstige weerstoestande en covid-19 by tot voedselpryse van geskiedkundige hoogtepunte. Die reële gemiddelde voedselprys het sedert 2000 begin styg. Die…

‘Die afwesigheid van die staat om rampondersteuning te bied en skade te beperk, is absurd.’ MNR. NICOL JANSEN, voorsitter van Agri Noord-Kaap, oor die onhoudbare situasie van boere tydens die onlangse veldbrande. Bl. 16 ‘Hoewel ons nie aldag die oudits en wat daarmee saamgaan, wil hanteer nie, kry ons vir seker ’n premie.’ MNR. BILLY VAN ZYL, voorsitter van die Nasionale Wolkwekersvereniging, oor die vraag na volhoubaar gesertifiseerde wol. Bl. 19 ‘Die krisis bedreig die vordering wat reeds met die sektor se transformasie gemaak is.’ MNR. ANDREW RUSSELL, voorsitter van SA Canegrowers, oor die beperkte kapasiteit van suikermeulens. Bl. 21 ‘Wisselvallige weerpatrone, asook ernstige natuurrampe, is ooglopende risiko’s waarvoor daar beplan en voorsiening gemaak moet word regdeur die landbouwaardeketting.’ MNR. JANSE RABIE, hoof van natuurlike hulpbronne by Agri SA, oor die klimaatsrisiko’s wat die landbou in die…

NUWE SEISOEN Boere in somersaaigebiede berei nou voor vir die nuwe plantseisoen. Hier kalibreer mnr. Lafras Venter van Venter Trust ’n 10 ton-Radiumkalkstrooier, gesleep deur ’n John Deere 7200R-trekker, op mnr. Rudi Combrinck se plaas Joubertspark in die distrik Dewetsdorp, Vrystaat. Combrinck boer met tef en mielies. Venter, wat in die Wes-Kaap boer, sê: “Terwyl ons in die Wes-Kaap gereed maak vir pragtige koring-, gars- en kanola-oeste, bring ons Venter Trust se trekkers en kalkstrooiers Vrystaat toe om kalk te strooi.” Die strooier word eers gekalibreer sodat dit die korrekte hoeveelheid ton per hektaar kan strooi, volgens die boer se aanbeveling vir wat sy grond nodig het. HOOP VIR FOSKOR ’n Oorsese koper stel belang in Foskor, die staatsbeheerde fosforprodusent en verskaffervan grondstowwe aan die kunsmisbedryf — of minstens in ’n deel van…

86 000 In die tweede kwartaal het indiensneming met 86 000 poste of 0,9% gedaal teenoor die eerste kwartaal, van 9,652 miljoen tot 9,566 miljoen. Daar was 60 000 (0,6%) meer mense in diens in Junie 2021 as in Junie 2020. Heeltydse indiensneming was in Junie 27 000 of 0,3% laer as in Maart, en 17 000 (0,2%) laer as in Junie 2020. Deeltydse indiensneming het met 59 000 afgeneem van die eerste na die tweede kwartaal. - StatsSA 1 340 Brandbestryders van Werk met Vuur het sedert April op meer as 1 340 veldbrande gereageer en die totale brandoppervlakte in dié brande tot net minder as 400 000 ha beperk. Die projek het byna 5 000 brandbestryders in 200 basisse reg oor Suid-Afrika. Sowat 100 brandbestryders en nege bestuurders het onlangs teruggekeer…

Dis ’n jaarlikse pelgrimstog. ’n Paar dae langs die Oranjerivier. Ek, my laaities, hopelik ’n paar fris grootbekgeelvisse, en die stilte. Die vlakte onder die Anenouspas tussen Steinkopf en Port Nolloth is kaler as ’n jaar vantevore. Plekplek stoot dit reeds klein rooi duine. Watter planne kan nog gemaak word ná agt jaar se droogte? By Alexanderbaai draai jy regs en ry met ’n sinkplaatpad al langs die Oranjerivier na die park. Die beskeie nuwe wingerde wat aangelê word, is opvallend. Binne die park weet jy sommer Akkedispas, tussen Sendelingsdrif en ons kampeerplek by De Hoop, se hange gaan vanjaar ook ’n bietjie kaler wees. ’n Eggo van wat dit eens was, toe ons vir die eerste keer agt jaar gelede die pas aangedurf het tussen kokerbome gehul in geel blomme. By die werk…