Landbouweekblad 21 Oct 2021
Suid-Afrika se grootste en gewildste landboutydskrif is meer as 100 jaar in diens van boere. Dit is invloedryk, nuuswaardig en bied rigtinggewende inligting. Die tydskrif en al sy platforms is ’n advertensiemedium sonder gelyke in die Suid-Afrikaanse landboubedryf.
in this issue
in ’n blik
SWAARGEWIGTE. Dié twee reuse-osse wat saam 2,5 ton geweeg het, is saam vir bykans R100 000 opgeveil tydens die Windhoek-skou om geld vir die skou se beestekomitee in te samel. Gentle Giant (links), ’n kruising tussen ’n Chianina-bul en ’n Simbra-tipe koei, het lewend 1 290 kg (droë gewig) geweeg en 816 kg (warm gewig) uitgeslag. Big Blue (regs), ’n Belgiese Blou-Simbra-kruising, het lewend 1 180 kg en 760 kg aan die haak geweeg. Tussen dié twee staan ’n Beefmaster-tipe koei van 602 kg. Mnr. John Pearson van die Brakwater-abattoir by Windhoek het albei karkasse gekoop. Mnr. Sigi von Lüttwitz, voorsitter van die skou se beestekomitee, sê hulle het sowat R10 700 verdien uit lootjieverkope om die osse se gewig te raai, en die 7%-veilingskommissie wat die Wagnouboerdery, wat die…
die ander sê
DIE kombinasie van ’n swak ekonomie weens inperkings, die skade wat Julie se onluste meegebring het en ’n tweede vlaag voëlgriep, het ’n reuse-tol geëis in die pluimveebedryf. Maar mnr. Izaak Breitenbach, hoofbestuurder van die Suid-Afrikaanse Pluimveebedryf se braaihoenderorganisasie, waarsku dat hierdie probleme ’n bedreiging vir meer as net dié belangrike bedryf inhou. “Voedselsekerheid self is in gevaar . . . tensy ons almal in die voedselwaardeketting, regering én regulatoriese organisasies saamwerk. “Tweedens het ons gesien dat behoorlike sekuriteit vir produksiegeriewe, verspreidingsentrums en winkels noodsaaklik is – sonder doeltreffende polisiebeskerming is ons voedselvoorsieningsketting binne ’n dag tot stilstand gebring, met ’n onmiddellike impak op voedselsekerheid en die ekonomie.” Hy waarsku voorts dat voëlgriep net met samewerking tussen die regering en die bedryf doeltreffend bekamp sal kan word. Hoewel die vankantmaak van besmette én…
het jy gehoor?
‘Alle boere by Glencoe loop deur onder vee wat hul weiding en gewasse verniel.’ ME. SANDY LA MARQUE, uitvoerende hoof van Kwanalu, oor omstandighede waaronder ’n jeugdige by Glencoe doodgeskiet is. Bl. 20 ‘Dit is ’n skande dat ons ons tot die howe moet wend om die regering te dwing om sy grondwetlike pligte na te kom.’ MNR. ILAN LAX, voorsitter van die Suider-Afrikaanse vlieghengelaars (Fosaf), oor die regering appèl aanteken teen ’n hofuitspraak wat erge prosedurele gebreke uitwys in die manier waarop forel tot indringerspesie verklaar is. Bl. 19 ‘Die vraag is beslis groter as die aanbod en die saadmaatskappye is spyt hulle het nie vir groter voorrade voorberei nie.’ MNR. CORNÉ LOUW, senior ekonoom by Graan SA, oor sojasaadtekorte wat in dele van die somersaaigebiede ervaar word. Bl. 16 ‘Hier is ’n nuwe geslag…
dié week in die landbou
HIER KOM DIE SOMER Die kwik het al vroeg vandeesmaand die 30 °C-kerf verbygesteek op ’n plaas by Roedtan in Limpopo. Mnre. Willem Kleyn (links) en sy seun Ludwig van Pretoria kon nie die versoeking weerstaan om af te koel in die plaasdammetjie nie. Die afgelope twee weke het hittegolftoestande met temperature van meer as 35 °C in dele van die Noord-Kaap en die noordweste van Limpopo voorgekom. FOTO: CHARL VAN ROOYEN VARKPES-SUKSES ’n Suksesvolle proef-entstof teen die Asiatiese stam van Afrika-varkpes is deur die Amerikaanse departement van landbou se dierenavorsingsdiens ontwikkel. Die entstof beskerm Europese en Asiatiese varke teen dié siekte. Volgens navorsing wat in die joernaal Transboundary and Emerging Diseases gepubliseer is, het ’n varkkudde wat met die entstof ingeënt is, in die vierde week ná inenting volle immuniteit bereik. Navorsers…
syfers
R445,6 m Kaap Agri het op 5 Oktober sy aandeel van 70,5% in The Fuel Company (TFC) vir R445,6 miljoen verkoop. TFC is die houermaatskappy vir Kaap Agri se 21 vulstasies en geriefswinkels. Mnr. Chris Logan, ’n aandeelhouer, het vroeër vanjaar op Kaap Agri se virtuele jaarvergadering daarop gewys dat Kaap Agri sedert 2016 sowat R820 miljoen in TFC belê het, en tog het dit verlede jaar slegs 10% voorbelaste wins getoon. — Michelle van der Spuy 87% In die week tot 1 Oktober was die prys van tamaties teen R9 797 per ton ’n allemintige 87% hoër as ’n maand vantevore, en 46,7% hoër as ’n week vantevore. Die prysstyging het gepaardgegaan met ’n daling in volume van 24,1% teenoor die vorige maand. Die tamatieprys het die vorige week met 71,1% gestyg…
veldbrande almal se probleem
Daar’s ’n paar dinge wat ’n boer laat ys. Hael- en rypskade, ’n trop skape wat wreed deur honde verskeur is, of die soveelste hopie wol tussen die lang gras waar ’n rooikat of jakkals homself gehelp het. En dan is daar die onheilspellende, blougrys wolk van ’n groot veldbrand. Veral wanneer die wind waai hier laat in die winter, nog net ’n ent te ver voor die eerste reën, of nog erger, te midde van ’n groot droogte, soos dit amper in 1992 by ons op die plaas in die Noordoos-Kaap gebeur het. Dan lê die vrees vir die groot, lelike moeilikheid maar vlak. Deur die jare was ’n groot brand altyd die vinnigste manier om ons distrik se boere bymekaar te kry. ’n Dosyn of wat bakkies wat na die…
