Landbouweekblad 11 Nov 2021

TWEE BEOORDELAARS. Die nege maande oue Fran-Maré Rossouw het alte lekker saam met haar pa, Francois, geskou tydens die Oos-Kaapse Vleismerinokampioenskap wat op die Cradockskou aangebied is. Saam met hulle is, van links, mnre. Lawrence Kalipa en Pietman Lande (hanteerders) en Cor Uys, een van die beoordelaars. Francois, wat opgetree het as junior beoordelaar, sê Fran-Maré is nog ’n bietjie jonk om alleen saam met hom op die plaas, naby Tarkastad in die Oos-Kaap, rond te ry wanneer hy boer, maar sy is gereeld saam met hom as hy by die huis met die skape in die kraal of in die skuur werk tydens skeer, die weeg van die skape of kunsmatige inseminasie. Die skou was die eerste geleentheid waarby Francois as beoordelaar betrokke was. Hy skou self en het…

DIT is tekenend hoe gebrekkig die ANC se belangstelling in klimaatsverandering is dat me. Barbara Creecy, die minister van omgewing, bosbou en visserye, die minister is wat aan die stuur van sake daaroor staan, eerder as mnr. Gwede Mantashe, minister van minerale en energiesake. Creecy is gelukkig een van die weinig bekwame ministers. Die enkele beste ding wat Suid-Afrika kan doen om sy skuldgevoelens oor klimaatsverandering te verminder, is om Australië se voorbeeld te volg en te belê in batterybanke wat met hernubare energie herlaai word. Toe klimaatsgesante van die wêreld se rykste nasies in September die land besoek het, kon Mantashe nie die tyd vind om dié mense, wat só baie vir die omgewing omgee dat hulle bereid is om aan Suid-Afrika goedkoop finansiering te gee om die planeet te red,…

‘Hulle sal meer moet stroop om ’n gelykspeelpunt te bereik en dit kan hul winsgewendheid beïnvloed.’ MNR. LUAN VAN DER WALT, landbou-ekonoom by Graan SA, oor die invloed wat hoër produksiekoste op graanboere gaan hê in die nuwe seisoen. Bl. 14 ‘As die wetenskap toon ons kan beter doen, dan móét ons beter doen.’ DR. THEO DE JAGER, voorsitter van die wêreldboere-organisasie, oor hoekom hulle ’n paneel wetenskaplikes na die COP26-beraad geneem het. Bl. 16 'Dit voel asof daar iemand in die familie dood is.' Me. Sunita Theron, oor die 300 lammers wat op hul plaas in die Edenville-omgewing in ’n haelstorm gevrek het. Bl. 17 ‘Die honeymoon is verby en stuur vinnig op ’n egskeiding af.’ MNR. PIETER NORTJÉ van die Sitrusrandboerdery in die Sondagsriviervallei, oor logistieke probleme wat die bedryf in die gesig staar ná…

SPOOR WEN VELD Transnet se spoorafdeling het die afgelope seisoen 66 treinvragte en 3 662 vraghouers sitrus per spoor vanaf Tzaneen, Bela Bela en City Deep na Durban vervoer. Mnr. Mitchell Brooke, die Sitruskwekersvereniging (SKV) se logistiekbestuurder, het aan Freight News gesê dit is ’n 20%-toename van 2020, ondanks probleme op die vraghouer-spoorkorridor tussen Johannesburg en die Kingsrestvraghouerpark in Durban. In die lig daarvan dat die vraag na vragmotors teen 2025 met 20% kan styg, wil die SKV eindelik meer as 15 000 vraghouers per spoor van die Rand na hawens vervoer. (Lees meer oor sitrusuitvoer en logistieke struikelblokke op bl. 18.) ROOIBOSPLAN ’n Nuwe sakeplan vir Nieuwoudtville Rooibos kan eersdaags private beleggers betrek om te verseker dat sy skuld gedelg en die sakereddingsproses beëindig kan word. Mnr. Herman Bester, sakereddingspraktisyn, sê vier…

Die telefoonlyne op die telefoonpale op die roete tussen Prieska en Copper-ton in die Noord-Kaap hang op plekke op die grond, maar die versamelvoëlneste wat soos suiglekkers aan die telefoonpale sit, staan sterk. Volgens dr. Rita Covas, Portugese voëlkundige, is versamelvoëls enig in hul soort vir die manier waarop hulle die kolonies bou, mekaar teen gevaar beskerm, kuikens grootmaak en kos versamel. Dit is soos families in een woonstelgebou. Tot sowat 200 voëltjies kan in ’n kolonie bly, wat hulle graag in kameeldoringbome bou. Die voëls kan ook saam met maats nuwe kolonies op “skoon” telefoonpale of in bome bou. Soms bly rooikopvinke ook saam in ’n kolonie. Van die voëltjies se natuurlike vyande is slange en dwergvalke.…

338 dae Op 31 Oktober was die Indiese boere-opstand teen die deregulering van die landboumark reeds 338 dae aan die gang, en was daar reeds meer as 600 sterftes wat met die opstand gepaardgegaan het. Die opstand was op 26 Oktober 11 maande oud, en het ook gestalte gegee aan ’n politieke beweging teen die BJP-party, wat die wette van stapel gestuur het, en ’n propagandaoorlog tussen die aktiviste en regeringslui. — Times of India R700 miljoen Operasionele ontwrigtings en ’n reuse-produkonttrekking het die genoteerde voedselmaatskappy Tiger Brands in die ses maande tot September meer as R700 miljoen gekos. Die maatskappy sê in ’n verklaring die herroeping van by die 20 miljoen blikkies ingemaakte vrugte sal hom sowat R647 miljoen kos, en skade en verliese weens Julie se onluste in KwaZulu-Natal en Gauteng…