Landbouweekblad 02 Dec 2021

KURKDROOG. Een van die treffende hommeltuigfoto’s in die fotojoernalis Marzahn Botha se boek Lafenis in die droogte is van ’n toegeslikte Nqwebadam buite Graaff-Reinet. Sowat 43% van die dam is toegeslik. Volgens dr. Gideon Groenewald, hoofgeoloog van Gift of the Givers, is 75 000 dooie visse teen September 2019 uit die dam opgetel en weggery. “ ’n Mens kon die droogte ruik … Saans het die wind in die riviervalleie afbeweeg. Jy kon nie meer leef op die dorp nie.” Nou, ná twee jaar, sê hy die waterprobleem op die dorp is opgelos. “Graaff-Reinet is weer aan die gang. Die grootste probleem is die omliggende plase. Die droogte is hoegenaamd nie gebreek nie.” Die sikloon Eloise het die enigste somerreën in die streek gebring, maar Graaff-Reinet het buite dié reënvalsirkel…

PERSEPSIES van die polisie se reaksie op die Julie-onluste was omtrent eenvormig ongunstig. Hoewel ’n kundige paneel wat deur pres. Cyril Ramaphosa aangestel is, die reaksie gaan ondersoek, strek die polisie se probleme veel verder as sy reaksie op die onluste. Data toon ’n algemene daling in prestasie van 2012 tot 2020, en ernstige gebreke in die polisie se dissiplinêre stelsel. Voorts dui opnames onder die publiek daarop dat die polisie een van die departemente is wat die minste vertrou en as mees korrupte beskou word. ’n Voormalige generaal-majoor wat uit die polisie ontslaan is, het op ’n ISS-seminaar oor van die polisie se tekortkominge gepraat. Nes die kommissie wat die vergrype by Marikana in 2012 ondersoek het, én internasionale kundiges wat ingeroep is om gebreke binne die polisie te ondersoek, het…

‘Hy het ons in staat gestel om te oorleef.’ MNR. ANDRIES BOTHA, veteraanboer van Viljoenskroon, oor die bydrae wat mnr. Carel Koch, legendariese kunsmisman en baanbreker-navorser, gemaak het om grondverdigting in sandgrond te verhoed en só meer grond vir landboudoeleindes te behou. Bl. 22 ‘Ons het nog altyd erken dat gemeenskappe baie gefrustreerd is ten opsigte van die afhandeling van die uitstaande eise. Daarom ervaar ons baie stres en angs.’ ME. NOMFUNDO NTLOKOGOBODO, hoofgrondeisekommissaris, oor die stres en angs wat tot hoë personeelomset by dié kommissie lei. Bl. 21 ‘Indieners van kommentaar moet reggehelp word dat die wetsontwerp nie oor grondhervorming gaan nie, maar verwant daaraan is.’ MNR. SHUAIB DENYSSEN, parlementêre amptenaar, oor die georganiseerde landbou se standpunt dat die onteieningswetsontwerp se oogmerk ’n regstelling van mislukte grondhervorming is. Bl. 20 ‘Verskepingskoste tussen ons en Argentinië…

WÉÉR NEE! Die ontwikkeling van ’n beoogde steenkoolmyn in die gevoelige Mabola-vleiland by Wakkerstroom in Mpumalanga is onlangs deur die Grondwethof verbied – die jongste in ’n rits nederlae in hofsake deur boere en omgewingsaktiviste onder leiding van die sentrum vir omgewingsreg. Mabola is deel van 70 000 ha-grasveld in Mpumalanga wat in 2014 tot bewaringsgebied verklaar is. Dit is een van Suid-Afrika se 22 strategiese waterbrongebiede. Dit beslaan 10% van Suid-Afrika se grondoppervlakte, maar voorsien 50% van Suid-Afrika se water. Lees meer by bit.ly/3qMPu3m. PERDE KWESBAAR Onklaar toerusting by Onderstepoort Biologiese Produkte (OBP) het luidens ’n verklaring van die departement van landbou, grondhervorming en landelike ontwikkeling aanleiding gegee tot tekorte in onder meer entstof vir Afrika-perdesiekte. “Rugsteunplanne word in werking gestel en gemonitor om te verseker dat produksie-uitsette in die vraag voorsien.…

Dié twee jong Brahmanbulle wat amper soos ’n spieëlbeeld van mekaar lyk, was deel van ’n groep van 60 stoetbulle wat onlangs ’n 70-dae-assessering vir residuele voerinname (RVI) voltooi het. Tien stoettelers van die KwaZulu-Natalse Brahmanklub het die assessering by die Lewendehawevereniging se vleisbeesdoeltreffendheidsentrum naby Mooirivier gedoen. Elke bul se RVI word bereken met data wat deur geoutomatiseerde tegnologie van Growsafe en Vytelle Systems ingesamel word. Landbouweekblad berig eersdaags volledig hieroor.…

R14,1 miljard 20,9% Transnet se onreëlmatige uitgawes het in die 2020-’21 boekjaar R14,1 miljard beloop, teenoor R8,4 miljard in die vorige jaar. Die ouditeur-generaal het Trans-net ’n gekwalifiseerde ouditmening gegee en kon nie die volle omvang van onderrapportering van onreëlmatige uitgawes bepaal nie. Dié bedrag is op R104 miljard geraam, teenoor R131 miljard in 2020. Die haweterminaal-inkomste het gedaal van R13,8 miljard in 2020 tot R13,1 miljard in 2021. – Moneyweb Die verbruikersprysinflasie vir olies en vette in Oktober was 20,9% op ’n jaargrondslag, en voedselprysinflasie as geheel was 6,7%, teenoor verbruikersprysinflasie van 5%. Ander voedselprodukte waarvan prysinflasie hoër as algehele voedselprysinflasie was, is vleis (9,1%) en groente (7,2%). Vrugtepryse het met 2,3% gedaal, en brood en grane se prysinflasie was 3,0%. Prysinflasie van verwerkte kos was 5,9% en dié van…