Landbouweekblad 09 Dec 2021

HOOP IN DIE DORHEID. SA for Hope, ’n organisasie sonder winsoogmerk, het op 20 November met voer, water en kruideniersware na die De Bad-boeregemeenskap by Calitzdorp in die Klein-Karoo uitgereik om broodnodige verligting te bring. Mnr. Pieter du Plessis, direkteur van SA for Hope, sê terwyl die voortslepende droogte ’n verwoestende effek op boeregemeenskappe het, bring dit ook Suid-Afrikaners wat wil help, bymekaar. Die organisasies Role-models Foundation en We Are South Africans het met SA for Hope saamgewerk en meer as 50 voertuie was deel van die uitreik. Terwyl sowat 100 mm reën onlangs op onder meer Oudtshoorn aangeteken is, wag De Bad nog op noemenswaardige reënval. Mnre. Jaco Mei-ring, ’n boer, en Jordan Julies, ’n plaaswerker, sê die skenkings gee hulle weer hoop dat dinge beter sal raak, al…

VOLGENS McKinsey & Co is beleggings van meer as $8 miljard (R129 miljard) nodig om in die toekomstige vraag na voedsel in Afrika suid van die Sahara te kan voorsien, skryf me. Charmaine Rambire, ontleder by die navorsings-en-adviesmaatskappy Birguid. Die streek se vraag na voedsel styg jaarliks saam met sy bevolkingsgroei van 3%. Moeilike toegang tot kapitaal is een van die grootste probleme van die landbou. Kommersiële lenings is duur en rentekoerse beloop volgens die Wêreldbank gemiddeld 15%, wat 10% hoër is as in ander streke. Die meeste landboubesighede word op ’n klein en mediumgrootte grondslag bedryf, met min of geen kollateraal. Lande in die streek behoort belegging in die sektor te bevorder deur aansporings te bied, soos belastingverliging, regulatoriese toegewings en voorkeurmarktoegang. Met finansiering kan landboubesighede voedselverwerking uitbrei, better produksiemiddele verkry…

‘Geregtigheid in Suid-Afrika is aan die misdadigers se kant.’ MNR. BASJAN HORNER, broer van die vermoorde plaasbestuurder Brendin, ná die moordsaak teen twee verdagtes platgeval het. Bl. 14 ‘In ’n land waar misdaad hand oor hand toeneem, sal dit Suid-Afrikaanse burgers uiters kwesbaar laat teen misdadigers.’ DR. PIETER GROENEWALD, VF Plus-leier, oor wetgewing wat vuurwapenbesit vir selfverdediging onwettig sou maak, en wat voorlopig op ys geplaas is. Bl. 21 ‘Ons moet as ’n land tot ’n vergelyk kom omdat daar kwessies is oor die langafstandvervoer van diere en die hoë temperature wat daarmee gepaard gaan.’ DR. BOTHLE MODISANE, hoofdirekteur van diereproduksie en -gesondheid by die departement van landbou, grondhervorming en landelike ontwikkeling, oor die nodigheid van wetgewing oor lewendehawe-vervoer. Bl. 21 ‘Jy sal kwaad wees as jy sulke siek beeste kry. Ons moet saamwerk en na…

HUPSTOOT VIR KLEINBOERE Me. Winnie Pooe is deel van die Coromandel Farmers’ Trust in Mpumalanga wat voordeel gaan trek uit R5 miljoen wat die Vumelana-adviesfonds van die Sanlam-stigting ontvang het. Vumelana is ’n organisasie sonder winsoogmerk wat gemeenskappe met grondregte help om hul grond produktief te kry. Vumelana beywer hom vir samewerking tussen grondeienaars en beleggers om Suid-Afrika se hervormingsdoelwitte van beleggingsbevordering en werkskepping na te streef. Die R5 miljoen sal oor vyf jaar projekspesifiek gebruik word. In die eerste jaar sal die Coromandel-trust gehelp word om beleggingsbelangstelling vir die landbou-ontwikkeling van sy grond te lok. SKYFIEBESKERMING Die kommissie vir internasionale handelsadministrasie (Itac) het die eerste keer in sy bestaan sy eie teenstortingsondersoek begin ná beweerde storting van bevrore aartappelskyfies uit België, Nederland en Duitsland. Moneyweb berig Itac beweer die marges waarmee skyfies…

3 Suid-Afrikaners se maandelikse inkopietogte het die afgelope twee jaar afgeneem van gemidvyf tot net meer as drie. Baie arm huishoudings moes langer as ’n maand met ’n besending kruideniersware klaarkom. Die gemiddelde waarde van ’n inkopiemandjie het van R226 tot R427 gestyg. Welgestelde huishoudings doen nou 5,3 keer per maand inkopies teenoor 7,4 keer voor covid-19. Die armste verbruikers gaan nou net 1,9 keer per maand winkels toe. – Nielsen IQ R338 500 ’n Boer van Bronkhorstspruit moet R338 500 aan die munisipaliteit betaal vir agt hoenderhuise wat hy wil oprig. Mnr. Bennie van Zyl, hoofbestuurder van TLU SA, sê die owerheid vereis R19/m2 net om bouplanne vir goedkeuring in te dien. Die hoenderhuise sal elk 2 227 m2 groot wees. “Dit is ’n voorbeeld van hoe plaaslike regering die doen van…

D it is verbasend watter verskil ’n bietjie water kan maak. Om dit te sien, moet ’n mens ver noord in Limpopo, anderkant die Soutpansberg in die nimmereindigende Bosveld, by Maasstroom gaan kuier. Hier voorsien die Limpoporivier die waterlewensaar wat boere uitkoms van die andersins klipharde werklikheid van ekstensiewe Bosveldplase bied. ’n Temperamentele rivier wat nie haar vloei dwarsdeur die jaar na die Indiese Oseaan tot by Xai-Xai in Mosambiek kan volhou nie, en die rede hoekom die ou boere destyds al geleer het om haar suinige vloei met verbasend gesofistikeerde keerwalle op te dam. Uit dié damme, soos boere daarna verwys, kan genoeg water gepomp word om waardevolle kontantgewasse in die droë, warm Bosveld te verbou. Daar is groente, onder meer aartappels, tamaties, groenmielies, ertjies en pampoene. Ryp is min,…