Landbouweekblad 16 Dec 2021

ÓP VIR VRUGTEDIEWE. Ongeveer 65 boere en plaaswerkers van die Paarl in die Wes-Kaap het op 6 Desember te midde van ’n sterk polisieteenwoordigheid vreedsaam betoog by die borgtogaansoek van mnre. John Woest en Jan (JT) Basson, die twee boere wat aangekla is in verband met die skietdood van mnr. Chatwell Rogers op 30 November. Rogers het na bewering vrugte op hul plase gesteel. Volgens boere in die omgewing voer gewapende diewe ’n skrikbewind in die omgewing. Mnr. Uys van der Westhuizen, voorsitter van Agri Wes-Kaap se landelike veiligheidsbeleidskomitee, sê hulle het al talle kere met die owerhede hieroor vergader, “maar ooglopend is dit nie ernstig opgeneem nie”. Hy meen die plaaslike owerheid moet verantwoordelikheid aanvaar. Teen druktyd (6 Desember om 14:00) was die uitslag van die borgtogaansoek nog nie…

OMTRENT 60% van die wêreld se armste lande is in skuldnood of loop die gevaar om daarin te beland ‒ dubbeld soveel as in 2015, volgens me. Kristalina Georgieva, besturende direkteur van die Internasionale Monetêre Fonds. Haar waarskuwing kom teen die agtergrond dat die G20-lande se toegewing om die armste lande se skuldterugbetalings tydelik op te hef, einde vanjaar verstryk, terwyl rentekoerse begin styg. Dit sal dit vir lae-inkomstelande ál moeiliker maak om hul skuld terug te betaal. “Ons kan ekonomiese ineenstortings in sommige lande sien, tensy die G20-krediteure toestem om die lande se skuldherstrukturering te versnel en om skuldterugbetalings op te hef terwyl daar oor herstrukturering onderhandel word,” sê sy. Die covid-19-pandemie het die wêreld se armste lande ’n groot slag toegedien en ’n resessie veroorsaak wat meer as 100 miljoen…

‘Hulle leef in vrees en weet ook nooit wanneer die diewe hulle gaan takel of by hul huise gaan inbreek nie.’ MNR. FRANCOIS DE MANIELIE, Paarlse vrugteboer, oor hoe plaaswerkers deurloop onder gewapende vrugtediewe. Bl. 14 ‘Ons meen dit is daarom noodsaaklik dat dié distrikte tot hoëmisdaadgebiede verklaar moet word.’ ME. ISABEL KRUGER van die Vrystaatse veediefstalvoorkomingsforum oor die grensgebied met Lesotho, waar amper 30% van die Vrystaat se veediefstalsake aangemeld word. Bl. 21 en die regstelling sal mettertyd gebeur.’ MNR. STEPHAN SERFONTEIN, finansiële direkteur van Omnia Holdings, oor hoë kommoditeitspryse, wat mettertyd waarskynlik sal daal. Bl. 22 ‘Ons benodig daardie politieke wil en wilskrag dat ons vir Foskor omdraai, dat ons meer met ons eie ammoniak-aanlegte kan doen om stikstofkunsmis te vervaardig, en ander bronne ondersoek.’ MNR. CORNÉ LOUW, senior ekonoom van Graan SA, oor…

JUIGEND GEEL Granaatbos, ook bekend as Karoo gold (Rhigozum obovatum), staan tans geil in die omgewing van Graaff-Reinet in die Oos-Kaap. Dié bos, wat inheems aan die Karoo is, blom normaalweg in skouspelagtige geel ná die eerste reën van die seisoen geval het, gewoonlik in die lente of vroegsomer. Groot dele van die Karoo in die Oos-Kaap was einde November oortrek van geel granaatbosse, veral in die weste van die provinsie wat reeds etlike jare onder ’n verlammende droogte deurloop. Distrikte soos Graaff-Reinet, Jansenville, Steytlerville, Aberdeen en Willowmore het tot dusver belowende reën ontvang met die aanvang van die reënseisoen. GROOT GESKARREL Die skielike grenssluitings ná nuus van die nuwe aansteekliker omikron-stam van die koronavirus het groot onsekerheid veroorsaak in die vrugte-uitvoerbedryf wat op lugvrag aangewese is. Waardevolle vragruimte is opgeneem deur buitelanders…

60 jaar Geenbewerkingslandbou is volgende jaar 60 jaar oud in Amerika. Dié land se geenbewerkingskonferensie vind dan plaas in Kentucky, die deelstaat waar die praktyk die eerste keer toegepas is. ’n Boer van die Christiandistrik het daardie jaar sowat 0,29 ha mielies met dié tegniek geoes ná etlike seisoene se probeerslae. Vandag word meer as 42 miljoen ha volgens dié beginsels verbou. – Kentucky Today 21 maande Die Brandvleidam buite Worcester kon 21 maande gelede al ’n groter voederkanaal gehad het wat die dam tot sy volle kapasiteit, pleks van die huidige 73%, kon laat vol loop het. Dit was indien die departement van water en sanitasie in 2017 die nodige toestemming verleen het dat die Wes-Kaapse regering die projek se koste van R20 miljoen sou dra. Dan sou die dam ’n bykomende 33…

AANLOOP TOT ’N TRAGEDIE Waar begin die storie wat eindig met twee boere wat ’n onwettige vrugteverkoper op ’n brug in die Paarl doodgeskiet het? Drie lewens wat in ’n oogwink onherroeplik verander is. Nog ’n landelike tragedie. Dit vind nou met meedoënlose reëlmaat oor die land heen plaas. Brendin Horner wat vermoedelik deur veediewe by Paul Roux vermoor is. By Glencoe in KwaZulu-Natal is Qiniso Dlamini noodlottig deur Glen Simpson gewond in ’n struweling oor onwettige weiding. Simpson is steeds agter tralies. Dan is daar dié wat nie die nuus haal nie. Boere wat aangerand word deur onwettige jagters met honde wanneer hulle gekonfronteer word. Of die veediefstal wat al jare lank buite beheer op die Lesothogrens voortsleep. Wie anders as die polisie moet hiervoor verantwoordelikheid aanvaar? En die wetteloosheid kring uit. Vragmotorbestuurders…