Table of contents for Mar/April 2019 in Idees

Kontak my by • terena@ideasfactory.co.za • instagram.com/terenaleroux Daar is min dinge wat die tyd so kan laat omvlieg soos ’n projek met ’n spertyd. Toe ek besluit het Januarie en Februarie is die tyd om my huis en my liggaam (in daardie volgorde) in orde te kry, het ek gedink daar’s hope tyd, maar helaas nie. Die huis het meer vertrekke as wat daar naweke in ’n maand is en net om alles wat moes uit by hul nuwe bestemmings te besorg, was op sigself ’n uitdaging. Opgee was nie ’n opsie nie. Noudat my kind sy eie nes het (bladsy 36), kon ek nie dat my leë nes afsteek nie. My huis moes eenvoudig leër! Om geliefde ou besittings af te staan aan die liefdadig-heidswinkel, hawelose mense, ’n ouetehuis…

Jou lewe Art matters – Neil Gaiman (Headline, R256) Neil Gaiman se besonderse woorde en Chris Riddell se treffende illustrasies vat hande in dié puik en tydige ‘kreatiewe wapenkreet’ wat lesers sal inspireer om elke dag aan te gryp – in die naam van kuns! Wees dapper. Gee jou innerlike rebel vrye teuels. Kies kuns. Dis belangrik. Gaiman het op ’n keer gesê ‘die wêreld lyk altyd mooier as jy iets gemaak het wat nie vantevore bestaan het nie’, en dié klein boekie verpersoonlik hierdie visie. Art matters is saamgestel uit praatjies, gedigte en kreatiewe manifeste en ondersoek hoe lees, verbeeldingsvlugte en die kreatiewe proses die wêreld én jou lewe kan verander. Dis ’n lofsang aan hoe idees ons inspireer om selfs in tye van teëspoed kuns te skep en…

Daar is twee goed wat ’n mens kan doen as jou kind die huis verlaat. Jy kan jou totaal oorgee aan jou emosies en sonder einde ween, of jy kan besluit om deel te wees van die proses. Ek het myself nog altyd deur hartseertye gewérk en my keuse was dus duidelik. Omdat my enigste kind, Anton, nog altyd by my gebly het, was dit aanvanklik moeilik om sy smaak te bepaal, maar ’n stuk of 160 Pinterest-foto’s later, met onderskeidelik Skandinawiese dekor, boho-invloede en kontemporêre style, waarop hy net ja of nee moes antwoord, het ons op ’n hoofsaaklik Skandi-voorkoms besluit. Swart, wit en hout, met hier en daar moderne lyne. Sy begroting was nou nie juis indrukwekkend nie en ons moes soveel as moontlik self doen en van…

Oorvouromp MOEILIKHEIDSGRAAD: maklik TYD: 3-4 uur GROOTTE 8-10, maar dit kan maklik vergroot of verklein word. JY BENODIG ♥ linne van jou keuse, geknip in die mates hieronder♥ bypassende masjiengare♥ knope (of drukknope)♥ materiaalpotlood of bordkryt SO MAAK JY 1 Knip jou patroondele uit volgens dié mates: twee panele van 124 x 72 cm, twee stroke van 6 x 120 cm. 2 Vir die bande, vou een lang strook in die lengte in die helfte en stryk dit plat. Vou dit oop en vou een rafelrand om tot by die middellyn. Stryk dit stuk-stuk plat tot die hele rand omgevou en gestryk is, en herhaal dit dan met die teenoorstaande rafelrand. Vou die strook in die helfte op die oorspronklike halflyn en stryk dit weer plat. Stik dit met ’n…

Maak: omtrent 36 Bereidingstyd: 1 uur, plus stoltyd  Gaarmaaktyd: 5 minute ♥ 300 g melk-of donkersjokolade van goeie gehalte, fyngekapVULSEL ♥ 250 ml gladde grondboontjiebotter♥ 130 g (250 ml) gesifte versiersuiker♥ 80 g Skotse brosbroodkoekies, fyngemaak in ’n voedselverwerker 1 VULSEL Skep die grondboontjiebotter in ’n kastrol en verhit dit oor lae hitte. Sodra dit gesmelt het, kan jy die versiersuiker, fyngemaakte koekies en 1 ml sout byroer. Meng dit goed deur en sit dit eenkant. 2 Plaas twee derdes van die sjokolade in ’n glasbak oor ’n kastrol met water wat liggies prut. As die sjokolade halfpad gesmelt is, kan jy dit afhaal en deurroer tot glad. 3 Roer die orige derde sjokolade by. Roer dit goed deur tot alles gesmelt en glad is. 4 Skep ’n teelepel van…

MOEILIKHEIDSGRAAD: maklik TYD: 2-3 uur per vaas, plus droogtyd JY BENODIG ♥ hasie-illustrasies op die oorkantste bladsy♥ karton en riffelkarton♥ stroke koerantpapier♥ wit verf♥ houtlym♥ handwerkkwaste♥ maskeerband Wanneer jou papiervaas droog en stewig is, kan jy dit wit verf en met een van ons hasie-illustrasies versier. Plaas die vaas bo-oor ’n potjie met water en sit ’n langsteelblom daarin. 1 Knip ’n reghoek en ’n vet C-vorm uit die karton om die hoofdele van die vaas te vorm. Knip ook ’n klein vierkant uit riffelkarton om die bek te vorm. Die bodem word oopgelaat. 2 Vou die reghoek in ’n silindervorm en plak dit met maskeerband vas. Vou die C-vorm in ’n tuit wat bo-op die silinder pas en plak dit ook vas. Rol die vierkant op en druk dit…

Vir nog skoonheidswenke deur Elsa Krüger, besoek haar blog, mooipraatjies.com. REVOLUSIONÊRE VELVERNUWING Herdermalisering (redermalisation in Engels) is ’n nuwe woord vir ’n prosedure wat deur drs. Reza Mia en Elfrieda Fourie van die Anti-Aging Art Medical Aestheticskliniek in Houghton, Johannesburg, na Suid-Afrika gebring is. Die werklik revolusionêre behandeling is die eerste keer in 2011 gebruik en was onlangs die onderwerp van ’n lesing by ’n internasionale konferensie oor teenveroudering. WAT IS DIT? Herdermalisering is ’n konsep in teenverouderingsmedisyne wat ’n spesiale inspuittegniek behels. ’n Kombinasie van hialuronsuur (HA) en natriumsuksinaat – die gepatenteerde formule Hyalual – word met naalde diep in die dermis neergelê om drie verouderingsmeganismes van die vel teë te werk: 1 Dehidrasie en die verlies aan volume weens die afnemende vlakke van HA in die vel, wat…

GEBRUIK DIÉ HANDWERKTEGNIEKE WAT DEUR DIE KULTUUR VAN JAPAN GEÏNSPIREER IS OM JOU GEMOED TE KALMEER EN JOU IKIGAI TE VOED – DIT IS DIE JAPANNESE WOORD VIR DIE STOKPERDJIE OF PASSIE WAT BETEKENIS AAN JOU LEWE GEE. SHIORI NINGYO-POP Shiori ningyo beteken letterlik ‘boekmerkpop’. Verras ’n boekwurm met ’n hele stel as ’n pragtige, handgemaakte geskenk. MOEILIKHEIDSGRAAD: maklik TYD: 30 minute per poppie SO MAAK JY Gebruik die patrone op bladsy 105 om al die stukke uit te sny wat jy nodig het om jou eie kimonogeklede shiori ningyo te vou. Vir die kimono benodig jy stewige origamipapier met Japannese patrone weerskante wat ’n mens in pakke koop by die meeste handwerkwinkels. Volg dan die voumetode wat ons op die foto links wys. ’n Beenstokkie (bone folding tool) sal…

Natuurlik en neutraal word baiekeer verkeerdelik as sinonieme gesien. Om natuurlik(er) te leef bete ken allermins alles moet neutraal en aards wees, net soos dit ook nie beteken jy moet jou aan wilde kleure en ontwerpe oorgee nie. Ons is mal oor die tendens om ’n meer verantwoordelike ontwerpstyl te probeer en natuurlike elemente op ’n baie persoonlike manier in jou huis te inkorporeer. Pleks daarvan om bloot die jongste modegiere na te jaag vergewis jy jou ook van waar dinge vandaan kom, watter impak dit op die omgewing het en hoe dit vervaardig is. Nóg beter nuus is dat dié nuwe tendens meestal goed is vir jou beursie. Nie net sien ons ál meer volhoubare dekoritems en produkte in die winkels nie, maar ook meer planne om die ou…

SKRYF VIR ONS & WEN! Die skrywer van ons wenbrief, Bianca Rabie, ontvang twee strooikussings wat met roosgoue motiewe bedruk is, van Petrol Clothing Co. Die prys is R1 400 werd. Die nuutste tegnieke in die bedryf is vir die drukwerk gebruik. Besoek petrolclothingco.com of skakel 082 787 4352 vir nog inligting oor Petrol Clothing Co. en om jou eie ontwerpe op materiaal te laat druk. WENBRIEF Vir ons klein matroos Van alles in jul tydskrif hou ek die meeste van hoe die blaaie voel en ruik. Die lettertipes. Die aanhalings. Die foto’s. Hoe dit my aanspoor om te doen en te droom. Vir my seun se eerste verjaardagpartytjie het ek die blaaie van vorige uitgawes gebruik om klein papierbootjies te vou. Ons het dit oraloor die huis en tuin…

creativecalendarideas@gmail.com Maart 15 Maart Skole sluit20 Maart Herfs-sonkeerpunt 21 Maart Menseregtedag 30 Maart Aarde-uur WES-KAAP 27 Februarie-1 Maart Ontwerpkenners van reg oor die wêreld gesels oor dié onderwerp by Design Indaba by die Kunstekaap-teaterkompleks. Meer inligting: designindaba.com. 3 en 10 Maart Moenie die reeks piekniekkonserte op die Backsberg-wynlandgoed naby die Paarl misloop nie. Kaartjies is te koop by webtickets.co.za. 8-9 Maart Die Reusepampoenfees vind plaas op Heidelberg. Meer inligting: pumpkinfestival.co.za. 8-10 Maart Moenie die Knysna Literary Festival by verskeie plekke op Theseneiland misloop nie. Meer inligting: knysnaliteraryfestival.co.za. 8-10 Maart Die Kaapstad Internasionale Animasiefees vind plaas by die River Club in Observatory. Kaartjies is te koop by webtickets.co.za. 15-17 Maart en 22-24 Maart Greenpop bied ’n inspirerende Reforest Festival aan in die Platboswoud. Gaan help hulle om bome te plant, laat…

Sê nou net ’n goeie opvoeding, sukses, jou huwelik, kinders of gesondheid lei nié tot ware geluk nie? Prof. Paul Dolan, topverkoperskrywer en kenner van geluk, wys jou hoe jy kan ontsnap van die mite van die ‘perfekte lewe’ om eerder jou eie pad na geluk te plavei. Ons word gedurig vertel watter dinge outomaties sal lei tot geluk, maar wat as hierdie stories meer skade as goed doen? Die skrywer haal ’n groot verskeidenheid studies aan om te wys hoeveel onverwagse paadjies tot vervulling kan lei. Party behels inderdaad nié opvoeding, ’n huwelik of ’n klomp goeie dade nie… dalk moet jy eenvoudig minder omgee oor die gedagte om vir ewig te lewe. Dolan draai nie doekies om nie en nooi lesers om hulle gedagtes te bevry van die…

‘Synergy Tree House’ is die perfekte naam vir hierdie huis op die vreedsame kusdorpie Scarborough naby die Kaappuntnatuurreservaat. Die naam vang die atmosfeer van die omgewing vas wat aan die tuiste ’n kalm, ontspanne gevoel gee. Die ontwerp self is bedrieglik eenvoudig: Die modulêre ruimtes word verbind deur balauhoutpaadjies wat deur die bome kronkel teen ’n helling met nimmereindigende uitsigte oor die Atlantiese Oseaan. ‘’n Boomhuis mag nooit die boom waarin dit gebou word oordonder nie. Dit moet eerder liggies in die takke rus,’ sê die Amerikaanse boomhuisontwerper Jeanie Stiles. Craig Price se huis voer dit ’n stappie verder: Dit klouter en kronkel met grasie deur die bome wat die berghang versier. Die staalraam-houtpanele, glasmure en deure wat heeltemal weggly, gooi die ruimte oop en sodat binne en buite naatloos…

Kossak MOEILIKHEIDSGRAAD: gemiddeld TYD: ’n dag VOLTOOIDE GROOTTE 35 x 38 cm. JY BENODIG ♥ patroon op bladsy 46♥ materiaal van jou keuse vir die buitesak en die voering♥ bypassende masjiengare♥ knoop♥ aftrekpapier♥ stywe papier of karton♥ kleremakerspen SO KNIP JY Trek die patroon af, teken dit oor op ’n stuk stywe papier of karton en knip een uit jou materiaal en een uit jou voering. Knip ook ’n strook van 10 x 12 cm uit jou buitemateriaal. SO MAAK JY 1 Vir die handvatsel, vou die kort sye van die strook in en stryk dit plat. Vou die strook in die lengte in die helfte en stryk dit plat. Vou dan die strook oop, vou ’n naattoelating van 1 cm in na die middel toe aan albei sye en…

Matras Die geborduurde materiaal maak van dié matrasoortreksel iets besonders. MOEILIKHEIDSGRAAD: gemiddeld TYD: 4 uur VOLTOOIDE GROOTTE: Pas op ’n dubbelbed. JY BENODIG ♥ 2 x stukke linne van 201 x 15 cm♥ 1 x stuk geborduurde materiaal van 201 x 126 cm♥ 1 x stuk linne van 191 x 140 cm♥ bypassende stoffeergare♥ swaardiens-ritssluiter van 137 cm♥ 188 x 137 x 5 cm hoëdigtheidspons LET WEL Alle naattoelatings is 1,5 cm. SO MAAK JY 1 Om die bokantpaneel van die matrasoortreksel te maak, speld en stik die twee 15 cm-breë stroke linne aan weerskante van die geborduurde materiaal vas. Pars en kap die twee nate om. 2 Knip ’n vierkant materiaal van 5 x 5 cm uit by elk van die vier hoeke van die bokantpaneel. Kap die rande…

Skep die prentjie Dek ’n tafel wat ’n Paasprentjie skep. Ons het porseleingoed en linne in wit en roomkleur gebruik en net tikkies pienk en groen bygevoeg om die voorkoms sag te hou. Pluk rose, krismisrose of enige ander mooi blom in jou tuin en sit dit een-een in ’n verskeidenheid van vase. Laat die hasies dan tot bo-op die tafel hop met ons prettige maakgoed.…

KOEKIEDEEG: Klits 200 g sagte botter en 200 g witsuiker saam. Klits 15 ml vanieljegeursel en ’n groot eier by tot alles deeglik gemeng is. Meng 420 g koekmeel en 5 ml bakpoeier in ’n aparte bak en voeg dit by die bottermengsel. Meng en knie dit liggies om ’n ferm deeg te vorm. Knyp stukke van die deeg af en rol dit tussen twee stukke kleefplastiek uit tot dit omtrent 5 mm dik is. Sit dit vir minstens 2 uur in die yskas. Die resep is genoeg vir omtrent 15-20 koekies (na gelang van die grootte). Jy kan die afvalstukkies saamdruk en weer uitrol om nog koekies te maak. HARDE VERSIERSEL: Klits 2 groot eierwitte en 1 ml kremetart liggies saam. Voeg 500-600 g gesifte versiersuiker by en klits…

Vir hierdie ongewone en oorspronklike bindmetode moet jy kan papier vou en aan mekaar sit. Dit lyk dalk ingewikkeld, maar is lekker maklik om te doen. Jy gebruik ’n konsertinastrook om die blaaie inmekaar te laat pas en skuif dan boekmerke in om alles in posisie te hou. Jy kan die volgorde van die bladsye laat uitstaan deur verskillende kleure en teksture in ’n visuele vertelling saam te voeg. Bound deur Rachel Hazell word uitgegee deur Kyle Books (R420). Foto’s deur Susan Bell. JY BENODIG ♥ 1 x vel kortgrein-waterverfpapier (190 gsm), vir die bladsye♥ 1 x A2-vel langgrein-tekenpapier (cartridge paper) (160 gsm), vir die konsertinastrook (jy sal net ’n klein deeltjie hiervan nodig hê)♥ papier vir die boekmerke – daar sal oor wees van die groot vel waterverfpapier♥ afvalpapier,…

MOEILIKHEIDSGRAAD: uitdagend TYD: 2 uur JY BENODIG ♥ lapservet (of enige ander item waarop jy wil druk)♥ ’n vel papier (80 gsm) met die ontwerp van jou keuse♥ drukkersink of temperaverf in die kleur van jou keuse♥ rubberroller♥ glasblad (ons het sommer glas uit ’n ou prentraam gebruik)♥ potlood wat nie skerpgemaak is nie 1 Gebruik die rubberroller om ’n dun, eweredige laag verf oor die glasblad aan te wend. Oppas om dit te dik te maak, anders gaan jy sukkel om die prent op die glasblad na te trek. 2 Plaas die vel papier (met die ontwerp na bo) op die geverfde glasblad en gebruik die stomp potlood om al die lyne van die ontwerp na te trek. Só word die verf op die papier oorgedra en die ‘ets’-ontwerp…

KOEKIETAFEL Pak ’n buffettafel met tuisgebakte en gekoopte koekies. Dink aan al die gunstelinge uit jou kinderdae van Strawberry Whirls en Jolly Jammers tot Eat-Sum-Mor-Skotse brosbrood. SLIM IDEE Vra elke gas om ’n baksel koekies saam te bring sodat almal daarvan kan proe. Dalk sien die meeste ook kans om hul geheime resep met almal te deel! DRUK, KNIP EN RINKINK! Gebruik hierdie partytjie-uitnodiging wat deur naaldwerk geïnspireer is om jou gaste na ’n plesierige ‘crafternoon’ te nooi. Druk eenvoudig die ontwerp uit, vul die nodige detail in en sit dit in ’n koevert. SLIM IDEE As jy ’n kranige naaldwerker is, kan jy die naaldwerktema ’n stappie verder voer deur met jou naaimasjien ’n mooi sigsagpatroon om die rande van die kaartjie en die koevert te stik. VOORWAARTS, VINTAGE!…

Groente: Aartappels, beet, blaarslaai, blomkool, broccoli, eiervrug, groenboontjies, jerusalemartisjokke, knoffel, komkommer, kool, mielies, murgpampoentjies, pampoen, patats, preie, radyse, rape, sampioene, seldery, skorsies, soetrissies, spinasie, tamaties, uie, witwortels, wortels. Vrugte: Appelliefies, appels, avokado’s, druiwe, granate, kwepers, mango’s, pere, perskes, piesangs, pruime, pynappel, spanspek, suurlemoene, vye, waatlemoen, winterspanspek. Kruie: Basilie, dille, grasuie, lourierblaar, ment, origanum, pietersielie, roosmaryn, salie, tiemie. Blomme: Angeliere, anthuriums, asters, Barbertonse madeliefies, bottelborsels, dahlias, flaminklelies, floksies, geelbos (leucadendron), gipskruid, goudroede, hanekamme, inkalelies, jakobregops, kangaroepote, kreefkloue, krisante, krismisrose, laventel, lisianthus, nerinas, papierblomme, rose, sintjosefslelies, soetemalings, somerasters, sonneblomme, strelitzias, swaardlelies, veronicas, vuurpyle.…

(@hanneskoegelenberg) @KNAPMACRAME Kaapstad, Suid-Afrika Soos hul naam sê, het Knap Macramé in Woodstock ’n passie vir macramé. Kyk op hulle Instagram-blad hoe hulle dié ou handwerkvorm ’n moderne boho-kinkel gee. Buiten die mooi produkte wat jy kan koop, bied hulle ook werksessies aan. @ZOEDELASCASES Parys, Frankryk Die Parysenaar Zoé de Las Cases is ’n kreatiewe siel in murg en been. Haar Instagram-blad getuig van haar talent vir dekor, stilering en grafiese ontwerp, en sy is ook die skepper van die mooiste grootmens-inkleurboeke. @TERRYANGELOSART Durban, Suid-Afrika Die Durbaniet Terry Angelos, nog altyd ’n groot inspirasie hier by Idees, deel haar liefde vir kuns en veral waterverf op haar Instagram-blad. Haar kunswerke beeld ’n kombinasie van fabelagtige karaktertjies, diere en inheemse towerbos uit.…

In die huidige ekonomie maak almal planne om ’n ekstra inkomste te verdien en in hierdie geval het die huurder van die huis, Wendy, eienaar van die buurhuis, besluit om haar eie, groter en moderne huis vir korttermynverhurings in te span terwyl sy die huis langsaan as blyplek huur wanneer sy huurders het. Omdat die eienaar van die huis in die buiteland woon en geen planne het om self weer in die huis te woon nie, het sy nie omgegee wat met die interieur en die meubels wat sy agtergelaat het, gebeur nie. En so het die poeierpienk-en-geel slaapkamer en die blou-geel-enpienk badkamer ’n metamorfose ondergaan – alles bloot met ’n paar blikke verf. Wendy het reeds ’n versameling skilderye van die bekende plaaslike kunstenaar Deborah Bell gehad en die…

DEKADENTE SJOKOLADE-EN-FRAMBOOSKOEK Hierdie koek is ryk, klam, lipleklekker en perfek vir ’n spesiale okkasie. Die vars frambose verleen ’n wonderlike soetsuur geur wat die donkersjokolade komplementeer. Maak: 1 koek (15 cm in deursnee) Bereidingstyd: 45 minute  Baktyd: 50 minute Oondtemperatuur: 160 ºC ♥ 270 g (290 ml) sagte botter♥ 270 g donkersjokolade, gekap♥ 270 g (500 ml) koekmeel♥ 4 ml bakpoeier♥ 4 ml koeksoda♥ 350 g (405 ml) bruinsuiker♥ 4 groot eiers♥ 250 ml karringmelk♥ sjokoladestukkies en mini-meringues gedoop in sjokolade, vir versiering (opsioneel) BOTTERVERSIERSEL ♥ 170 g (185 ml) sagte botter♥ 345 g (665 ml) versiersuiker, gesif♥ 5 ml vanieljegeursel♥ 35-40 ml melk♥ 1 bakkie (160 g) vars frambose SJOKOLADEGLASEERSEL ♥ 50 ml room♥ 100 g donkersjokolade, gekap♥ 20 ml gouestroop 1 Smeer vier ronde koekpanne (15 cm in…

MOEILIKHEIDSGRAAD: redelik maklik TYD: 10 minute per servet JY BENODIG ♥ linne-of katoenservette – ons s’n is 40 x 40 cm groot♥ strykyster WENK: Pars die voue stap vir stap om ’n netjiese hasievorm te verseker. 1 Plaas die servet oop voor jou neer. 2 Vou die servet van onder na bo horisontaal in die helfte. 3 Vou die servet weer van onder na bo horisontaal in die helfte om ’n langwerpige strook te vorm. 4 Vou die regterkantste deel vanaf die middelpunt aan die borand om na onder. Doen dieselfde met die linkerkant. Die servet het nou ’n huisievorm. 5 Vou die hoek regs onder na die middelpunt toe. Doen dieselfde met die hoek links onder. Die servet het nou ’n ruitvorm. 6 Vou die hoek regs in sodat…

KERSBLOK Ons het ’n soortgelyke kershouer op Instagram gesien en besluit om ons eie weergawe te maak. Saag ’n houtblok van sowat 50 x 50 x 100 mm of langer, na gelang van hoe groot jy jou kershouer wil hê. Gebruik dan ’n figuursaag om aan die een kort sy van die houtblok ’n groef van omtrent 35 mm diep en 15 mm hoog te saag sodat ’n vuurhoutjieboksie daarin kan pas. Sorg dat die groef min of meer in die middel van die kort sy gespasieer is. Gebruik ’n beitel om enige oortollige hout uit die groef te verwyder. Gebruik ’n plat boorpunt om die gate vir die kerse aan die bokant van die houtblok te boor: sowat 10 mm diep en met ’n deursnee van 20 mm vir…

MOEILIKHEIDSGRAAD: gemiddeld TYD: 3-4 dae JY BENODIG ♥ tegniese tekeninge op hierdie blaaie MATERIAAL ♥ hout (in dié geval SA dennehout) – 4 x 1 800 mm x 69 mm x 22 mm (deel 1: deur) – 1 x 2 400 mm x 44 mm x 22 mm (dele 1, 12, 13 en 14)♥ laaghout – 1 x 15 mm-vel: dennehoutafwerking (dele 2-11)♥ 50 x M3,5 x 30 mm-spaanderbordskroewe♥ skarniere (ons het T-skarniere gebruik)♥ 1 x deurknop♥ 1 x magnetiese knip♥ 1 liter wit waterbasis-emaljeverf♥ 1 kannetjie spuitverf (ons het Coastal Blue in bordkrytafwerking gebruik)♥ houtvuller♥ houtlym (ultra) GEREEDSKAP ♥ handboor♥ 2,5 mm-en 4 mm-boorpunte♥ versinkboorpunt♥ growwe vyl of handskaaf♥ versteksnyer of houtsaag♥ gleuf-en sterskroewedraaiers♥ skuurpapier: 100-, 150-en 220-grint♥ raamklampe MAAK VAN DIE KASDEUR 1 Maak die deur (deel 1)…

MOEILIKHEIDSGRAAD: gemiddeld TYD: halfdag JY BENODIG ♥ materiaal van jou keuse (ons het Hertex Yale Linen in Natural gebruik)♥ boorselkoord♥ fraiingstrook (opsioneel)♥ bypassende masjiengare♥ bypassende ritssluiter♥ naaimasjien met ’n ritssluitervoetjie en universele voetjie♥ naaldwerkskêr♥ materiaalmaatband 1 Gebruik die bestaande stoffering as riglyn, meet die wydte en hoogte van elke gedeelte van die stoel en knip die panele daarvolgens uit. Knip genoeg aan vir ruim naattoelatings. Jy kan eers net ’n reghoek knip. Jy het panele nodig vir die linker-en regterarmleuningvoorkante, voorkant, linker-en regterkante, sitplek, binnekant van die rugleuning, agterkant van die rugleuning, en onderstuk, indien nodig. Vir die sitplek, binnekant van die armleunings en binnekant van die rugleuning moet ’n ruim hoeveelheid materiaal toegelaat word om by die openinge van die stoel in te druk. 2 Meet die lengte van…

Toe ons paaie die eerste keer met Etmáál s’n gekruis het, het hy as butler gewerk – ’n beroep wat ons in daardie stadium nog net op ons TV-skerms gesien het. Sy hande het vir niks verkeerd gestaan nie. Omdat hy meesterlik was met onder meer servette, het ons hom gevra om ons én Idees se lesers touwys te maak oor hoe ’n mens jou gaste kan beïndruk. Etmáál het in daardie stadium in Kaapstad gewoon, al is hy ’n boorling van Johannesburg. En toe ons weer ons oë uitvee, sien ons hy stal sy lieflike skilderye in Pretoria uit. Ons moes eenvoudig meer uitvind oor sy immer veranderende kreatiewe wêreld. ‘As ek terugdink aan my kinderdae, is my vroegste herinnering waarskynlik hoe ek my ongelooflike ma dopgehou het terwyl…

Ek kyk op. Dit lyk nie maklik nie. Inteendeel. Ek voel oorweldig. My gesin klim rots en ek het besluit om dit saam met hulle aan te durf, anders bly ek alleen by die huis. Maar dit vat my ’n ruk om verby my bangheid te kom en op te hou wens vir balletskoene eerder as klimskoene. Dans was nog altyd vir my maklik. Jy luister na die ritmes en gee jou lyf oor aan die musiek, dan kom die beweging vanself. So toe my man sê ek moet die klimmery as ’n dans teen die rotse sien, het dit my aangemoedig om dit tog te probeer. Dit beteken egter nie ek was – en is steeds – minder bang nie. Klimroetes is gewoonlik in kranse en kranse hoog in…