Table of contents for July 2016 in SARIE

So seker en so koesterend soos die son wat elke dag opkom. Só laat Afrikaans my voel. Dit maak my net gelukkig. Hoe praat jy tog oor jou taal? Oor iets so groot en wyd; oor iets so eie. Hoe dink jy oor al daardie woorde en die emosies wat deel is van jou wese en jou dae inkleur. Vir my vra dit nie verhewe verduidelikings, eksklusiewe debatte of intellektuele gesprekke nie. Dis net iets wat jy saam met jou dra, hier teen jou. In jou taal lééf jy. Jy praat dit, skryf, lees, dans, lag en huil dit. Jy rock in jou taal, soos Amanda Strydom sing. Soms is dit net ’n fluistering, ander kere ’n luide stem en dan hóór en ervaar jy opnuut jou taal ... en…

Hoe vinniger jy jouself aanvaar, hoe vinniger gaan jou lewe beter wordCasper Bosman Met sy skoongeskeerde gesig en hare netjies in ’n kantpaadjie gekam, lyk die mode-ontwerper Casper Bosman beslis nie 33 jaar oud nie. Of dalk is dit sy modieuse uitrusting, die noupassende vlootblou langbroek, wit kortmou-knoophemp (wat hy self ontwerp het) en kenmerkende swartraambril wat hom so jeugdig laat lyk. Hy teug-teug aan ’n lemoensap terwyl ons buite ’n Johannesburgse koffiewinkel sit en gesels, praat vinnig, soos iemand wat te veel idees het en te min tyd om dit oor te dra. Want in sy vroeë dertigs het dié geniale modeman al meer vermag as sy veel ouer eweknieë; meer as wat hy eintlik self verwag het. In net nege jaar het hy al twee ateljees – in…

Soveel dae, soveel diëte. Dolly Parton weet . . . Dis genoeg om enigiemand deurmekaar te maak. ’n Vrou (en ’n hele paar mans) het riglyne nodig. Hier’s ’n dosyn: 1. Die vasbyt-dieet: Vas-“byt” is dalk nie die regte woord nie, maar dis wanneer sy ferm “nee” sê vir ’n tweede stukkie koek. In die plek daarvan eet sy een bakkie jogurt, twee neute en een rosyntjie. Dit voel goed. 2. Die sjokolade-dieet: Wanneer sy ’n hele plak sjokolade oor twee dae opeet, pleks van dadelik. Dit verg moed. 3. Die gewoonte-dieet: Dis daardie vrou wat gedurig op ’n dieet is, sy geniet nooit haar kos nie. Sy kyk lank na ander mense se kos. Dan hoor jy iemand sê: “Ja, sy’t al baie gewig verloor, ’n mens kan dit…

Wat beteken die TV-reeks Hotel vir jou loopbaan? Dit was die tweede opwindendste ding in my lewe. My hoogtepunt was verlede jaar, met die vooroptrede vir die komediant Trevor Noah by die Montecasino-teater in Johannesburg. Hy is een van my grootste inspirasies en só professioneel. Vir Hotel moes ek my snor en hare afskeer. Ons was bang die kykers dink ek is Schalk, nie die karakter Danny nie. Die teks is skreeusnaaks. Dié reeks is ’n mockumentary – toneelspel in die vorm van ’n dokkie. Ek het glad nie gestres nie, want ek het al voor TV-kameras in internasionale advertensies gewerk. Die geesdriftige skrywers van Hotel, Bennie Fourie en Stiaan Smith, het uitstekende leiding gegee. Waarvoor lag Suid-Afrikaners? Die swarigheid in die lewe: die politiek, ekonomie,…

Waar woon jy? Ek woon al 26 jaar in Hasselt, België. Ek het in 1989 iemand van Nederland ontmoet en toe met my seun, Gidsca Spencer, en dogter, Kema Spencer, vanaf Randburg daarheen verhuis om vir hulle ’n beter toekoms buite Suid-Afrika te gee. Ek was ’n opgeleide onderwyseres met ’n kunstenaarsiel, wat reeds naam begin maak het as ’n ontluikende goudsmid ná ’n paar uitstallings en ook optredes op TV-programme (as Maynie Spencer). Vir my juwelekuns was dit ook beter. Ons was drie maande in Nederland voor ons na België verhuis het. Dit was meer sentraal vir sake doen, en die taal was ook ietwat makliker. Die klein boeredorpie, Olen, was fantasties vir my kinders, maar daar was ’n afsydigheid teenoor “vreemdelinge”, veral dié wat van SA kom. Agt…

Sy was maar 15 toe ’n talentsoeker haar by ’n vlooimark in Durban raakgesien het. Nou, op 27, is model Candice Swanepoel een van SA se suksesvolste uitvoerprodukte. Glansvoorblaaie, advertensieveldtogte vir bekende handelsmerke en op die loopplanke vir luukse modehuise – dít kan dié blonde skoonheid alles op haar lysie aftik. Hoewel sy die bekendste is as ondekleremodel vir Victoria’s Secret, hoef sy nie ’n tree terug te staan vir enige ander model in die bedryf nie. Sy haal sedert 2011 elke jaar die saketydskrif Forbes se top-10-lys vir bes betaalde modelle en is ook die afgelope drie jaar die ambassadeur van die grimeerhuis Max Factor. Wat tel onder haar moet-hê-skoonheidsprodukte? ’n Getinte vogroom, maskara en rooi lipstiffie. Op die oomblik straal Candice se skoonheid met die ekstra vreugde van…

’n Toiletsakkie is altyd een van die swaarste items in ’n tas. Gooi jou produkte oor in kleiner houers of koop reisgrootte items wanneer jy op vakansie gaan. Mari Beplan vooruit wat jy op watter dae gaan dra. Sodoende het jy nie onnodige items in jou tas nie. Suné Plaas jou skoene in plastieksakke sodat jou klere nie vuil smeer nie. Marieke Pak minder, maar slimmer. Rokke wat nie kreukel nie, en ’n groter verskeidenheid tops wat jy saam met dieselfde jeans kan dra. Amelia-May Rol klere op, want dit neem minder plek en kreukel minder. Susan Items van pontimateriaal werk goed, want jy kan dit oprol en dit kreukel nie. Busi Pak ligte en baie donker kleure met helder serpe. Colleen Hang klere in die badkamer wanneer jy stort.…

’n Sjiek sonbril is ’n modebykomstigheid wat goeie styl verklap, soos dié tweekleurige een van Cartier met sy handgepoleerde goue en palladium-afwerking. Dié Trinity de Cartier-sonbril (R14 200) is geïnspireer deur die Cartier Trinity-ring en die kenmerkende ontwerp van die drie ineengevlegte ringe is op die arms te sien. www.cartier.com Die misterieuse elegansie van ’n eksotiese swartluiperd was die inspirasie agter die luukse juweliershuis Cartier se La Panthère-parfuum. In ’n nuwe, sprankelende weergawe, La Panthère Eau De Parfum Légère (R1 165 vir 75 ml EDP), is die soet kombinasie van katjiepiering en muskus sterker as in die oorspronklike geur. Wat dié parfuum veral spesiaal maak, is die gesig van ’n swartluiperd wat geometries op die glasbottel uitgekerf is. Het jy geweet? Die swartluiperd is sinoniem met Cartier. Dié huis se…

APPEL, KANEEL EN ROOIBOSTEE Begin jou dag gesond met dié maklike warm drankie. Bring 250 ml melk tot kookpunt saam met ½ fyngerasperde groenappel. Voeg 1 heel kaneelstokkie en 1 rooibos-teesakkie by en kook 2 minute. Gooi mengsel deur ’n sif en roer 30 ml heuning in. Sit warm voor met skyfies appel en ekstra fyn kaneel. MINERAALBLOU Nes jy dink Le Creuset dek nou die hele kleurspektrum met sy gesogte gietyster-kookware, is daar ’n nuwe begeerlike kleur op die rak: mineraalblou. Dié grysblou sal by byna enige kombuis se kleurskema pas. Landwyd by Le Creuset-winkels te kry, of besoek www.lecreuset.co.za STAATMAKER Elke kombuis kort ’n skerp mes, ’n pan en ’n goeie skêr. Met dié veeldoelige Victorinox-skêr van vlekvrye staal kry jy gehalte wat jou ’n leeftyd…

Lancôme La Vie est Belle Eau de Parfum straal ’n filosofie van lewensvreugde uit, ’n oortuiging dat die lewe mooi is. Vroue hou so baie van hierdie kombinasie van iris, lemoenbloeisel en jasmyn in die hart, met topnote van swartbessie en peer, en basisnote van tonkaboontjie, pralien, patsjoelie en vanielje dat dit in net drie jaar reeds ikoonstatus bereik het. In 2014 is dit wêreldwyd as die derde gewildste parfuum* aangewys, in Europa as die naasgewildste** en in Frankryk was dit vroue se gunsteling***. Die nuwe Lancôme La Vie est Belle Eau de Parfum Intense is ’n voortsetting van hierdie filosofie, met soetemaling (tuberose) en haselneut as aksente by die oorspronklike weergawe gevoeg. Dieselfde vreugdevolle geur in ’n bottel met ’n glimlag in die kurwes van die glas, net meer…

1 HOU TEKSBOODSKAPPE LIGHARTIG. Moenie dit gebruik vir emosionele ontboesemings nie, positief en negatief. Beskou dit as die elektroniese ekwivalent van ’n flankeer-oomblik by die kantoor se koffiemasjien. ’n Oulike manier om te sê “lekker om jou te ontmoet” en nie veel meer nie. 2 WEES GEHEIMSINNIG. Moenie verplig voel om elke teksboodskap te beantwoord nie. Dis beter as jy dit nie doen nie, want hy gaan waarskynlik terugkom vir meer. 3 DIS NIE FACEBOOK NIE. As jy aanmekaar teksboodskappe en foto’s stuur van al die lekker dinge wat jy doen, gaan dit jou nie besig en gewild laat lyk nie. Net maar of jy heeltyd dink aan watter boodskappe jy volgende kan stuur, selfs al is jy besig met pret-dinge. 4 WEES HUMORISTIES. Dit beteken nie jy moet klop-klop-grappies…

Dit voel asof jy deur ’n bak stywe mieliepap waad. Jy sukkel om soggens op te staan. Gaandeweg het jy minder energie, jy slaap meer en doen al hoe minder en onttrek aan familie en vriende. Jou eetlus is groter en jy hunker na koolhidrate. Jou libido neem af en daar kan selfs veranderinge in jou menstruele siklus wees. Jy is depressief en dikwels ook angstig. Dis gewoonlik net vir die duur van die koue, donkerste deel van die winter (Junie, Julie, Augustus). Kom die lente, lig jou gemoed wonderbaarlik. Seisoenale gemoedsteuring ( seasonal affective disorder of SAD) kom (soos ander vorms van depressie) meer dikwels by vroue voor en is meer algemeen in jou voortplantingsjare, volgens prof. Piet Oosthuizen, ’n psigiater van Kaapstad. SAD hou verband…

5 gelukkige SARIE-lesers kan elk Dan Sleigh se boek 1795 (Tafelberg, R320) wen. Dit is die winter van 1795. Die Kaap is nog Hollands, maar nie meer vir lank nie. Kommissaris Sluysken van die VOC het sy Politieke Raad in die Kasteel byeengebring. Hier sit kolonel Robert Gordon, bevelvoerder van die garnisoen. Ook majoor William van Reede van Oudtshoorn, vir wie dié land en dié dorp sy lewe is. Sluysken lees ’n brief voor. Die bevelvoerder van die Engelse vloot by Simonstad dreig om sy matrose op die land los te laat. William kyk strak voor hom uit. Sy hoop is op die binnelanders, eerder as op Gordon se garnisoen – die boere, so hard soos hierdie kontinent se klippe. Tussen Gordon en Van Oudtshoorn sal…

A Arthur Kaplan Juweliers 011 669 5600 www.arthurkaplan.co.za B Belgotex Floors www.belgotexfloors.co.za C Cartier 011 666 2800 www.cartier.com Converse Cross Trainers 011 883 5132, 021 551 6687, 031 5663 128 www.xtrainer.co.za Cotton On 011 268 3700 www.cottonon.co.za Country Road 0860 022 002 www.woolworths.co.za D Due South 0860 576 576 www.duesouth.co.za F Foschini 021 938 1911 www.foschini.co.za G Gonsenhausers Fine Rugs 021 462 4819 www.finerugs.co.za Green Cross 021 507 9700 www.green-cross.com H H&M 021 826 7300 www.hm.com/za I Isabelina 021 418 5018 www.isabelina.co.za L Loft Living 021 422 0088 www.loftliving.co.za M Miladys 0800 310 290, 031 313 5500 www.miladys.co.za Mimco 0860 022 002 www.woolworths.co.za Missibaba 021 424 8127, 011 880 2099 www.missibaba.com Mr Price Home 0800 212 535 www.mrphome.com P Poetry 021 464 5800 www.poetrycollection.co.za Q Queenspark 021 460…

Haar naam was Anabelle. Haar sesjarige lyfie het lig soos ’n vlinder oor die dansvloer van juffrou Tredoux se ateljee gesweef. Sy was maar nog vier jaar oud toe ballet haar een aand in die Staatsteater betower het. En ná daardie aand van verwondering kon niemand die kleine dingetjie keer nie, sy wou net dans. Ná heer eerste paar lesse het juffrou Tredoux vir Anabelle se mamma vertel dat sy nog nooit ’n studentjie soos hierdie gehad het nie. Almal kon sien dat die kleine vlinder gebore is om te wys hoe musiek lyk as dit gedans word. Sy het haarself sonder moeite in elke hart ingefladder. Sonder pretensie. Die mooi prentjie wanneer almal kan sien dat ’n kind gebore is, bestem is, eintlik ontwerp is om net een ding…

Lank gelede – ek was ’n jong, jong seuntjie met groot oë en stemme in my kop – het ek twee keer per week drie strate ver gestap na my klavierles in ’n imposante huis met ’n donker, koue stoep. Die klavieronderwyseres was ’n ouerige weduwee met baie geld en min geduld. Sy was omring van duur (en uiters vervelige) skilderye en altyd geklee in streng snyerspakkies. Haar borsspelde het hoog op haar skouer gesit soos dié van ’n koningin en haar glimlag is gebêre in ’n vertrek waar ek nooit toegelaat is nie. Vir twee jaar het sy my liefde vir musiek gesmoor met ongeduld en genadelose uitlatings. Ek het geweet dat daar beloftes en engele in my hart skuil, maar ek het klein en dom gesit voor ’n…

 Kyk mooi, want êrens tussen hierdie gesigte is ons Voorbladgesig 2016! Dís die gesig wat uiteindelik op SARIE se Oktober 2016-voorblad sal pryk, en dis daardie foto wat ons 6de wenner haar lewe lank sal #koester. Soos elke jaar is ons semi-finaliste uit duisende inskrywings landwyd gekies. Dié 40 vroue het almal ’n stukkie magic uitgestraal wat ons laat dink het: Hier’s ’n wenner. Ons sê geluk aan elkeen!…

Net soos die herhaling van ’n woord, frase of gebed, laat brei jou ontspan Harvard-navorsing Madonna, Ashton Kutcher, Sarah Jessica Parker, Julia Roberts, Kate Middleton en Kiefer Sutherland . . . Wat het hierdie celebs gemeen? Wol en breipenne. Soos Madonna al gesê het: “Een trui kan veertien reënwoude red.” Sy brei glo om aardverwarming te vermy. Want hoe warmer jy aantrek, hoe minder elektrisiteit het jy nodig om jou huis te verhit! In Hollywood is besoeke aan “breisalonne” nou soms die nuwe alternatief vir sake-etes. Daar, tussen die wol, al breiende, word dinge bepraat en ge- brainstorm. Madonna is byvoorbeeld al by een van dié salonne opgemerk waar sy seegroen sybokhaarwol gaan soek het, aldus www.gossipguy.co.za. Ook in Suid-Afrika omarm glanspersoonlikhede die brei-gier. Verhoogaktrise Tinarie van Wyk-Loots en die…

Woede is ’n tydelike gevoel – jy vergeet dit gou, veral as jy besig is met positiewe aktiwiteiteNelson Mandela Fynbosfeetjies ANTJIE KROG & FIONA MOODIE (UMUZI, R160) Dié kinderboek is so onteenseglik ’n eg Suid-Afrikaanse pronkproduk wat byval by oud en jonk sal vind. Die kleurryke illustrasies deur Fiona Moodie laat jou weer en weer kyk, want sy het insekte en plante noukeurig weergegee. Krog se versies besing die verskillende aktiwiteite van die fynbosfeetjies; hulle slaap, speel, dans en juig oor die lewe. In dié heruitgawe bring die skrywer en die illustreerder hulde aan die Kaapse blommeryk met sy unieke plantegroei wat net hier voorkom. Die dansende Disa-feetjie is my gunsteling en het “diep in my hart kom woon”. Phyllis Green SO SÊ Fiona Snyckers OP SARIE.COM   oor haar…

Geruite kombersjas Gemak, warm, knus. Die beste jas om jouself in toe te vou vir daardie droomverlore oomblikke. Swart-en-wit kombersjas (R399), Cotton On. Roesbruin bloes (R299), Foschini. Olyfgroen chino (R399), Cotton On. Serp van kunspels (R450) Foschini. Wolserp ’n Sagte lang serp is net die item vir ekstra hitte. Dra saam met ander teksture en patrone vir ’n luukse, boheemse gevoel. Lang wolserp (R599), Country Road. Room polonektrui van mengelstof (R699), Witchery. Moulose hemprok met blompatroon (R849,95), All About Eve van South to South. Vlootblou-en-room gestreepte culotte (R709), River Island. Parka met kunspels Dié baadjie is ’n kragtige kombinasie saam met ’n plooiromp hierdie winter. Parka van mengelstof met kunspels-afwerking (R1 999), Trenery. Koperkleurige lurexpolonektop (R589), River Island. Geplooide midiromp van chiffon (R749), H&M. Knielengte leerstewels (R2 399), Green Cross.…

Nuwe woema vir jou vel ’n Splinternuwe reeks van 4 behandelings van Dermalogica takel elk ’n spesifieke velsorgkwessie. Met dié behandelings word die aktiewe bestanddele retinol (teen veroudering), niasienamied (vir ’n veluitslag), hialuronsuur (vir droogheid) en peptiede (vir pigmentasie) in hoë konsentrasies ingespan om jou vel ’n oormaaksessie te gee. Die terapeut reinig eers jou vel en skilfer dit goed af om dooie selle te verwyder sodat die aktiewe bestanddele goed kan penetreer. Nadat sy jou vel ontleed het, wend sy een van die aktiewe bestanddele aan jou gesig na gelang van jou spesifieke velprobleem. In my geval was dit hialuronsuur om droogheid te behandel. Elektriese lading word dan met behulp van ’n toestel ingespan om die bestanddele dieper in jou vel te “stoot”. Hoe dieper die bestanddele jou vel…

STREEPKOMBERS Die kombers word met dik penne en breidraad gebrei. Sommer gou het jy ’n lekker warm kombers. GROOTTE Klein (medium; groot) = 90 x 120 (115 x 150; 140 x 180) cm BENODIGDHEDE 2 (3; 4) x 100 g-bolle Elle Pure Gold Chunky in 6 kleure van jou keuse; 5 mm-sirkelpen SPANNING 15 ste en 30 rye in reksteek met 5 mmbreipenne = 10 cm AFKORTINGS Sien bl. 92 BREI SÓ H/aan 134 (172; 210) ste met 5 mmsirkelpen en eerste kleur. R 60 (74; 90) rye = 20 (25; 30) cm in elk van 6 kleure. H/af alle ste. Pompons is opsioneel. MOULOSE OORTRUI Hierdie manteltrui in woudgroen, een van dié kleure vir winter, is nie net in die modekol nie, maar is ook heerlik warm en gemaklik.…

KANEEL My ouma is in kaneel . . . Gebruik heel kaneelstokke in soet nageregte soos melkkos of sagopoeding. Die gerolde weergawe is kaneel en die soort wat lyk soos boombas, is kassia – die geur is dieselfde. KOMYN Tradisioneel word dié spesery nie in soet geregte gebruik nie, maar die kenmerkende skerp smaak daarvan gekombineer met heuning en bruinsuiker in malvapoeding is heerlik. SAFFRAAN Die duurste spesery, maar die moeite werd om te hê. Dié Spaanse dame is ’n kroonjuweel saam met wintervrugte soos koejawels en pere. Poseer jou vrugte in suikerstroop met ’n knippie saffraan – dit gaan blink soos robyne in die son. STERANYS Die kroon van die speserykas. Gebruik dit heel in Marokkaanse bredies en stowegeregte. Onthou om dit uit te haal voor jy dit voorsit,…

‘Suid-Afrika is magic vir grimeer- en haarstiliste’IRINA TAMASHENKA-GRANT Die Franse noem dit repos ailleurs – die rus is elders. Die digter Totius verwoord dié verskynsel in sy gedig “Die rus is elders” – waarna ons ook dikwels verwys as “die gras is altyd groener aan die ander kant”. Hy dig oor ’n man in ’n luukse eetsalon van ’n trein – hy geniet wyn uit ’n kristalglas en wag op ’n koningsmaal. By ’n beskeie vuurtjie langs ’n tent in die veld droom ’n meisie van die wonderlike lewe in die trein wat verbyflits. En die man begeer weer haar “tentjie klein” wat hy deur die venster gewaar ... Die mens is immer soekend. Jy hoor gereeld van Suid-Afrikaners wat die land verlaat op soek na…

Ek is tradisioneel, ek verkies hy moet die eerste skuif maak. Maar hy moenie te gretig klink nie. “Jy is mooi, ek wil jou graag ontmoet, wat van môre?” Wow, stadig, jy klink ’n bietjie desperaat! Moenie begin met “Hoe gaan dit?” nie. Wees meer kreatief. Iets soos: “Ek weet dis vervelig om te vra hoe dit met jou gaan. Dus vertel ek jou sommer hoe gaan dit met my . . .” As hy te vinnig teks, is hy te jonk vir my. Ouer mans weer, veertig plus, tik ’n halwe boodskap in die tyd wat ek tien kafdraf. Stuur hy te veel boodskappe in werktyd, wonder ek oor sy ambisie. Hy gaan die aand saam met iemand anders uit en hou my van elke beweging op hoogte. Ag,…

September 2014. Marié Lourens kyk die rumatoloog ’n paar oomblikke stil aan wanneer die vrou die vreemdklinkende woord uitspreek. Lupus. ’n Vonnis. Van daardie oomblik af, besef sy, gaan niks meer dieselfde wees nie. Sy weet wat dit is, haar huisdokter het haar ná bloedtoetse reeds op so ’n moontlikheid voorberei. ’n Siekte wat moeilik is om te verstaan en om mee saam te leef, ongeneesbaar. Dit kan jou dood beteken, nimmereindigend wees as dit nie met medikasie onder beheer gehou word nie. Sy is net 38. September 2015. Marié is een van SARIE se 10 Voorbladgesigfinaliste wat in dié uitgawe pryk. Met haar nousluitende, goue rok, blos op die wange en helder groenblou oë, lyk sy na iemand vir wie die lewe mildelik geskenke uitdeel. Die kommerlose ma van…

Leila klik op “send”. ’n Kort oomblik in “Outbox”, dan . . . weg. Sy haal diep asem, staan op en strek haar rug reguit. Die laaste stuk subtiele ophemeling van die Motor van die Jaar. Gedoen. Gedaan. Net so gedaan soos sy veronderstel is om te wees. Anders, waarom langverlof ? ’n Terloopse opmerking skiet haar te binne: “Vakansie hou, kos oefening.” Sy giggel. “En nou?” vra Suzanne in die deur. Sy is die firma se boekhouer en hulle twee ken mekaar vandat Leila by die reklamefirma begin werk het. “Iemand sê nou die dag ’n mens moet werk daaraan om vakansie te leer hou.” “Veral jy,” sê Suzanne en plak haar voor Leila se lessenaar neer. “Hoe so?” “‘Hoe so?’ vra sy onskuldig, edelagbare. Asof jy enigiemand met…

WEN ’n luukse skeepsreis (bl. 66) Intekenaanbod (bl. 103) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Pentravel en L’Oréal SA as ’n diens vir haar lesers aan. Pentravel en L’Oréal SA voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Pentravel, L’Oréal SA…

Red reënboogland Koerantopskrifte vertel van onluste aan die punt van Moeder Afrika. “Wat gaan van Suid-Afrika word?” is die vraag op menige se lippe. In Limpopo beklemtoon talle inwoners hul moedeloosheid oor die gebrek aan water in hul woongebiede deur die strate met brandende bande en klippe af te sper. Rassisme kry die skuld vir alle pyn en vernielsug. Ek dink aan die woorde in Marita van der Vyver se boek Die blou van onthou: “’n Vel is mos maar net die papier waarin die present toegedraai is.” Hoe meer ek die verbrokkeling van ons land aanskou, hoe swaarder raak my hart. Dan lees ek wat Nataniël in sy Kaalkop-rubriek (Maart 2016) sê: “Haal asem.” Ek vra ’n betoger waarom die honger vir soveel vandalisme? Sy antwoord: “As jy wil…

‘Suid-Afrika het 24/7-mentor- skap nodig’ Sy seunskuif, blou oë en sagte glimlag oorrompel jou. Voeg daarby ’n gawe skeut goeie maniere en hope professionaliteit – dít is Bobby van Jaarsveld in ’n neutedop. Deesdae straal hy boonop ’n nuwe energie en selfversekerdheid uit. Kort voor die Afrikaans is Grootvertoning by GrandWest Casino and Entertainment World onlangs in Kaapstad praat dié veelbekroonde sanger en akteur oor sy groei tydens M-Net se The Voice SA die internasionale trefferreeks uit Nederland wat ook ons land aangegryp het. (In die slotprogram op 22 Mei is Richard Stirton van Kaapstad as wenner gekroon.) Vandag is Bobby olik, selfs effe bleek. “Ek sukkel al vier dae lank met maag- en hoofpyn, lyfseer en ek kry koud,” vertel hy terloops, ’n dag voor sy optrede. Maar sy…

Wie vanjaar gaan wen, weet ek nie. Wat ek wel weet, is dat SA vroue die mooiste in die wêreld is. Elke liewe een van hulle het iets spesiaals. Of dit ’n glinster in haar oë is, ’n mooi vol mond en wit tande, ’n bos hare wat jy net kan begeer of gemaklik wees in haar eie lyf, mooi bly sy mooi. Tog dink ek die grootste hiervan is haar selfvertroue. Fanie Cronjé, styl- en sosiale redakteur DIE GROOT PRYS Die 6de Voorbladgesig verskyn op die voorblad van SARIE se Oktober 2016-uitgawe 2 KATEGORIEË*, 2 KATEGORIE-WENNERS Elkeen kry R50 000 kontant en ’n lekkeslaap-vakansiebederf *Die 2 kategorieë is 18 – 30 jaar (matriek voltooi) en 31 jaar en ouer Net een van die kategorie-wenners is 2016 se SARIE Voorbladgesig…

Almal het slegte goed in hul verlede; jy moenie toelaat dat dit jou terughou nieDanie Hy’s die Midas van die Afrikaanse rolprentbedryf. Wanneer Danie Bester die vervaardiger van jou film is, is dit so te sê gewaarborg dat die kaartjies by die loket sal vlieg. Die string bekende flieks agter sy naam draai al hier by die twintig, boonop in net sewe jaar: Vir Altyd, Pad na jou hart, Ouma se slim kind, Bakgat!, Ballade vir ’n enkeling, Roepman, Wolwedans in die skemer en nou Sy Klink Soos Lente – een van drie nuwe flieks wat sy maatskappy, The Film Factory, later vanjaar uitreik. Jy verwag ’n gladdebek-sakeman in ’n pak, maar dís allesbehalwe Danie. Hulle is besig om na ’n nuwe kantoor te trek, verduidelik die groot man van…

’n Omkeerbare donsbaadjie ... ... dit kry regmerkies in soveel blokkies vir moeitelose winterreise. Jy het twee baadjies in een en dit kan baie klein opgerol word in sy eie sakkie. Mari Lochner, aankoper van ontspanningsdrag vir Poetry ’n Sonbril ... ... dit beskerm nie net jou oë teen skerp sonlig nie, maar dit lyk ook stylvol en pas by byna alles wat jy dra. Suné de Beer, junior handelsmerkbestuurder van Spitz, Kurt Geiger en Gant ’n Oorgroot knooptrui ... ... want niks bederf ’n uitstappie meer as onvoorspelbare weer nie en ’n oorgroot trui lyk fantasties met dié seisoen se maksirok. Marieke Merts, modeskrywer van spree.co.za ’n Herlaaibare selfoonlaaier ... ... sodat ek my foon kan laai al is daar nie krag nie en my vakansiefoto’s op…

Sonskerm is belangrik somer én winter. UVAstrale, veral verantwoordelik vir veroudering, is heeljaar skadelik. Buiten dat dié nuwe sonskerm hoë beskerming bied teen UVA- én UVB-strale, wat sonbrand veroorsaak, bevat dit nou ook hialuronsuur wat water na jou vel aantrek en dit bevog. Nuwe produkte van L’Oréal Paris is ontwerp om jou wangbene, oë, wenkbroue en lippe te definieer en beklemtoon (sculpting). Kies uit ’n maskara, vloeibare oogomlyner, wenkbrou-produk, blossers en lipstiffies. Die lipstiffie-pen se sponspunt laat jou toe om óf deursigtige óf helder kleur op jou lippe te skep. Dit is nie altyd maklik om die regte skakering verbloemer (concealer) te vind wat by jou onderlaag pas nie. Die skoonheidshuis Revlon doen nou al die werk vir jou met hul nuwe 2-in-1-produk. Die roomonderlaag word saam met ’n klein…

Rooibostee Een van ons eie land se grootste uitvoerprodukte, wat teedrinkers en gesondheidsbewustes wêreldwyd se lewe verander het. Hierdie kruietee met sy unieke smaak is propvol gesonde eienskappe, wat deur die kosmetiek- en koswêreld ingespan word. GOUESTROOP-ENKOEJAWELPOEDING MET ROOIBOSVLA Wintertyd in my ouma se kombuis kon jy gereeld hoor hoe die pot se deksel klap terwyl die poeding stoom. genoeg vir 6 – 8 250 g (270 ml) botter 250 ml gouestroop 200 g (250 ml) strooisuiker 4 eiers 420 g (750 ml) bruismeel 1 x 410 g-blik koejawels, gedreineer en fyngesny 1 x 400 g-blik karamelkondensmelk, geklits VLA 300 ml melk 2 sakkies rooibostee 3 eiergele 150 g (170 ml) suiker Klop botter, stroop en strooisuiker saam tot romerig. Voeg eiers een vir een by en klits elke keer…

Ek moes onlangs kies tussen ’n praktiese nuwe wasmasjien en ’n pragtige nuwe skildery. En raai wat het ek gekies? Ek het mos al voorheen in hierdie einste rubriek gekla oor my lendelam wasmasjien. Die sukkelende affêre het al ’n paar keer die gees gegee, maar elke keer het ons dit reggekry om dit weer met spoeg en hoop aanmekaar te plak. Want elke keer was daar iets noodsaakliker as ’n nuwe wasmasjien wat éérs gekoop moes word. Soos nuwe skoene of sporttoerusting vir die kinders. ( Ja, vier kinders se skoene kan maklik soveel soos ’n wasmasjien kos.) Of ’n nuwe stoof vir ons nuwe kombuis. (Kos is belangriker as skoon klere, het ons onsself oortuig. Die innerlike bo die uiterlike!) Of die hoeveelste kind wat ’n rybewys moet…

Studies wys die grootste turn off is swak spelling, gevolg deur afkortings (gr8 vir great ) en letterwoorde (ROFL vir Rolling On Floor Laughing ), volgens www.dailymail.co.uk SÓ VOEL SARIE-LESERS Spel- en taalfoute en te veel uitroeptekens is beslis uit! (Natalie*) Verkorte SMS-taal (afkorting en letterwoorde) is soos om vir my ’n verlepte bos blomme of ’n bottel suur wyn te gee. (Liana*, 52) Die gebruik van emoji’s (talryk of min) is ’n persoonlike voorkeur of afkeer. Moet dit egter nie inspan omdat jy niks het om te sê nie. (Marie*, 25)…

’N LEKKER KOPPIE TEE Kafeïen laat jou soos ’n bol stres voel? Dis waar dat tee in die gedroogde vorm selfs meer kafeïen as koffie kan hê. Maar dis egter nie die laaste woord nie. Die gemiddelde koppie klaar gebroude tee bevat beduidend minder kafeïen, veral groen- en wittee wat korter en by laer temperature (dus nie kokende water nie) gebrou word. (Dit beïnvloed die kafeïen-inhoud.) L-teanien, ’n aminosuur in tee, verminder stres en help jou ontspan. Dit werk sinergisties saam met kafeïen om jou liggaam te kalmeer. Dit terwyl die kafeïen steeds jou kop skerp hou. Die hoë vlakke van antioksidante in tee vertraag die opname van kafeïen. Die uitwerking op jou liggaam is dus geleideliker, jy voel langer op en wakker en jou blus is nie eensklaps sommer…

Ons wenner, Chané de Wet van Kempton Park, sê Ek wou soos die Griekse godin Afrodite op my matriekafskeid lyk. Vir inspirasie vaar ek en my ouma Delores Britz toe die winkels in. Op die hanger by Neola’s Boutique in Kempton Park het my rok my glad nie getrek nie, maar toe pas ek dit aan . . . en net daar val elke plan en droom in plek. Die goue beltjie het ek self bygesit om by my Griekse tema te pas. SARIE-moderedakteur Amaria Carstens sê Ek’s gaande oor die bandeau-geïnspireerde bostuk van die rok saam met die onderste chiffon-helfte. Dit het ’n jeugdige voorkoms wat my laat dink aan ’n Taylor Swift-skepping vir die rooi tapyt. SARIE-redakteur Michélle van Breda sê Sy lyk vir my jonk, vars, fleurig,…