Table of contents for Aug/Sep 2022 in Weg!

Hallo wêreld! Noudat internasionale grense weer oop is en pandemiebeperkings verslap word, dink ons almal aan reis. En raai wat? Jou geld hou ook van reis. Daarby bedoel ons nie jy moet vliegkaartjies koop nie (hoewel dit altyd lekker is). Ons bedoel jy kan wêreldwyd belê. Om wêreldwyd te belê – wat ook buitelandse belegging genoem word – is nie net ʼn gonswoord nie, hoewel dit seker gesofistikeerd klink. Dit beteken eenvoudig om geld in ʼn streek of bedryf buite jou landsgrense te belê. Dit stel jou in staat om byvoorbeeld in aandele in florerende internasionale maatskappye, handelsmerke en geldeenhede te belê. Dis maklik en gerieflik, omdat jy die ingewikkelde detail, soos die keuse van aandele, aan die beleggingskundiges kan oorlaat. Jy hoef nie eens hope kontant te hê om…

So nooit aste nimmer(sat) Ek en my vrou, Marieta, bring baie tyd by die Sunsetdam naby Onder-Sabie deur wanneer ons die Krugerwildtuin besoek. Die verskeidenheid wild en voëls is altyd ongelooflik. Ons het op ons mees onlangse besoek in April 2022 hierdie nimmersat dopgehou terwyl hy na kos gesoek het. Die voël het meteens vreeslik opgewonde geraak en ’n vis aan die stert beetgekry. Ongelukkig vir die voël was sy greep op die vis nie stewig genoeg nie, en sy vangs het ontsnap. GERT LAMPRECHT, Bloemfontein SKRYF AAN ONS EN WEN! Gert wen ’n stel Zartek TX-8-tweerigtingradio’s ter waarde van R1 099. Die TX-8 is liggewig met ’n slim ontwerp. Die klank is hard en duidelik en die reikwydte ’n hele paar kilometer. Die stel het wieglaaiers, USB-laaikabels en netjiese…

Kom boer in dié blomtuine! Die lente is net om die draai en dit beteken: blommetyd! Hier’s drie plase waar besoekers hulle eie ruikers kan pluk: Adene’s Flowers (@adeneflowers) Dié 5 ha-plaas in die Breederiviervallei het ’n groot verskeidenheid snyblomme – van dahlias tot krismisrose. Jy kan ook tuinverwante produkte soos saad en voorskote met ’n blompatroon aanlyn koop. Waar? Platvlei-vrugteplaas, Wolseley, Wes-Kaap Wanneer? Naweke vanaf die middel van Desember tot die eerste week van April. Kontak 074 228 2444; adeneflowers.co.za Jamestown Flower Farm (@jamestownflowerfarm) Hierdie onderneming het in die grendeltyd ontstaan. Die plaas is net 4 km buite Stellenbosch en is deesdae net so gewild soos sy naburige aarbeiplase waar jy ook in seisoentyd kan pluk. Waar? Webersvalleiweg 58, Jamestown, Wes-Kaap Wanneer? In die lente – hou die Instagram-profiel…

KORTLIKS SLANGGEITE Een van die maniere hoe onskadelike slange hulleself teen ander jagters in die natuur beskerm, is om giftige slange na te boots. Navorsing in die VSA het getoon dat roofvoëls nie naby slange met gebande patrone om die lyf wou kom nie omdat dié onskadelike spesie baie soos die giftige koraalslang lyk. Dis maklik om te sê dat een slangsoort ’n ander naboots, maar wanneer ’n mens die saak van nader beskou, is dit duidelik dat daar – veral in Suid-Afrika – nog heelwat navorsing gedoen moet word om dit te bewys. Neem byvoorbeeld die onskadelike eiervreter. Sy kamoefleerpatroon lyk baie soos ’n nagadder s’n. Is dit ’n geval van nabootsing of net konvergente evolusie, waarin albei spesies oor jare heen onafhanklik van mekaar dieselfde kleurskakerings ontwikkel het…

As jy hou van koudbloedige gediertes soos slange, akkedisse, krokodille en skilpaaie, sal hierdie boek jou laat sis van lekkerkry. Dis baanbrekerswerk uit Suid-Afrikaanse geledere: Die gids is die eerste van sy soort wat die reptiele van Zambië en Malawi beskryf en dek sowat 240 spesies, waarvan 14 endemies is. Eers gee hierdie omvattende veldgids ’n kort oorsig van wat ’n reptiel is, die soort habitatte en ekostreke wat jy in hierdie lande kry, en wat jy moet doen wanneer ’n slang jou pik. Het jy geweet jy kan ’n reptiel se skubbe gebruik om dit te identifiseer? Ek ook nie, en die gids sal jou selfs leer hoe om die skubbe te tel (maar dis dalk beter om dít aan die kenners oor te laat). Die res van die…

MECER OKT 2000VA Met die Covid-19-pandemie het mense se lewens ingrypend verander met hulle woonplek wat ’n leef-, speel- en werkplek geword het. Toegang tot die internet, veral as jou werk daarvan afhang, het ’n noodsaaklikheid geword. ’n Toestel wat ononderbroke kragtoevoer (OKT) verskaf, bied die gemoedsrus dat jy nie ongebergde data op jou rekenaar verloor wanneer die krag afslaan nie. Daar is ’n magdom sulke toestelle op die mark, maar Mecer maak ’n reeks vir elke sak wat jy aan jou rekenaar en Wi-Fi-versender kan koppel. Dit bied genoeg internetwoema vir nagenoeg twee ure – net mooi genoeg vir twee episodes van Peaky Blinders op Netflix. Onthou dat die kraglewering van ’n OKT (soos enige battery wat laai en ontlaai) met tyd minder word. Myne het 18 maande gehou,…

PIERRE SÊ Onlangs is ek ’n passasier in ’n minibus wat bonsend en wiegend oor ’n sinkplaatpad voortsnel. Ons groepie het vroeg opgestaan en ver gevlieg, ure lank ingehok in ’n vliegtuig en nou in ’n beknopte voertuig. Twee vriende sit agter my op die laaste ry sitplekke, al wippend op die agterste as. “Jy lyk nou al ’n bietjie gaar, ou maat,” sê die een vir die ander. “Man, dis een van daai dae waar ek voel die universe knyp my,” antwoord sy vriend. Dit was vir my só mooi. Voel dit nie soms vir ons elkeen asof die heelal party dae, weke en selfs jare lank hárd knyp nie? Pestilensie, oorlog, misdaad, droogte, petrolpryse, korrupsie, en natuurlik, Eskom! Dis juis dan belangrik dat ’n mens perspektief kry voordat…

Dis laataand in die Krugerwildtuin. Dit was ’n lang, stowwerige dag, maar jou kleinding is nog glad nie van plan om te gaan slaap nie. Sy lag saam met die hiënas in die verte, klouter soos ’n nagapie op die meubels, en hop soos ’n haas deur die chalet. Hierdie oulike boek is dalk net die slaaptydstorie wat Kleinsus droomland toe sal stuur. Dis gemik op kinders van 3-6 jaar en die illustrasies deur Gwendolene van der Merwe is vol humor en kleur. Waaroor gaan dit? Arme Springbokkie gaan deesdae sleepvoet deur die lewe – hy het sy spring verloor. Gelukkig het hy vriende wat hom sal help om dit terug te kry! Die planne wat die diere uitdink, is snaaks en vindingryk en daar is ’n lessie te leer.…

Ghoelasjpotjie met geroosterde rissies Vir sowat 6Voorbereityd 25 minuteGaarmaaktyd 2 uur, 30 minute Jy benodig • 2 eetlepels olyfolie• 2 rooi brandrissies (of na smaak)• 3 soetrissies van verskeie kleure• 200 g repiespek, gekap• 1 kg biefdikrib, in 3 cm-blokke gesny• ¼ koppie meel• 1 groot ui, grofgekap• 4 knoffelhuisies, fyngekap• 1 eetlepel gerookte paprika• 1 eetlepel gewone paprika• sout en peper na smaak• 1 blik (400 g) gekapte tamaties• 1 eetlepel tamatiepasta• 1 koppie biefaftreksel• 1 reep lemoenskil• ’n lourierblaar of twee• 2 eetlepels pietersielie, varsgekap Só maak jy 1 Rooster die brand- en soetrissies oor die kole (of onder die oond se roosterelement) totdat die velle oraloor swartgebrand en die vlees sag is. Sit dit net so warm vir sowat 5 minute in ’n houer met ’n digte…

Van die Elandsberg-uitkykpunt af kan ’n mens die toekoms sien aankom. En onder op die vlaktes lyk dit kompleet soos die Namibwoestyn... In die klowe weer staan karee- en soetdoringbome dig alkante van die rivierbedding met hope KBV’s (klein bruin voëltjies) wat heen en weer flits. Die Tankwa-Karoo is ’n plek van uiterstes. So ook die kampplekke. Hier is informele kampplekke. ’n Beter beskrywing sou wees“aangewese kampkol in die veld”. Die“kolle”het geen geriewe nie; hoogstens ’n stuk bouval. Trouens, jy’s gelukkig as daar ’n bietjie skaduwee is. Maar dis puik bestemmings vir hardebaard kampeerders wat hou van alleenwees en wydkyk. Hier is ook formele kampplekke – Langkloof en Perdekloof. En sjoe, dis luuks! Jy het jou eie byderwetse badkamer met ’n warm stort en spoeltoilet, plus ’n aangrensende opwasplek vir…

Hoekom stap ’n mens? Om weg te kom van alles en almal af... Die Cedarpeak-wildernisreservaat, ’n privaatbewaringsgebied naby Porterville, laat nie dagbesoekers toe nie. Kanse is dus goed dat jy die enigste een in die bergpoel gaan wees. Dié landskap hoog bo in die Groot-Winterhoekberg wissel tussen verweerde rotsformasies en fynbosvlaktes. Riviere en strome kabbel kruis en dwars deur die verbasend welige reservaat en sorg vir watervalle, rotspoele, vleilande en ’n groot dam. Hier is verskeie roetes én jy mag van die paadjie afwyk. Die drie hoofsirkelroetes waaier in die vorm van ’n klawerblaar van die werf af (waar die meeste van die blyplekke is). Dan is daar korter roetes tussen die werf, dam en verskeie rotspoele. Party roetes sluit by ander aan, ander is net uit en tuis. In’t…

‘Al bonsende gewaar ek vyf mans wat langs die pad stap, elegant geklee in togas. Die ongewone gesig laat my stilhou.’ Wat ’n verligting om weer Engels te kan praat! Ek geniet selfs die geskerts met die amptenare by die grenspos tussen die Franstalige Ivoorkus en Ghana – ek kry weer die gebruiklike huweliksaanbod. Iemand stel ’n fixer voor. Dié keer praat ek nie teë nie, want ek weet reeds om ’n tydelike invoerpermit (TIP) te bekom vir BlueBelle, my toerbus, gaan ’n uitdaging wees. Ná ’n paar uur se onderhandelings word die TIP uitgereik. Maar eers moet ek verduidelik dat ek nie ’n onwettige immigrant is óf beplan om my bussie in Ghana te verkoop nie. Dis die middel van Februarie 2019 en ek’s al byna drie maande aan’t…

KORTLIKS As ’n mens weet waar en wanneer om daarvoor te kyk, kan jy duidelik die letters L, V en X op die maan sien. Dit word veroorsaak deur die kontras tussen lig en skadu soos wat die son se strale oor die maan se topografie skuif (sien foto.) Net soos op Aarde waar ons dikwels sien hoe die son vroegdag eerste die hoogste bergpieke verlig, so ook op die Maan. Maar op laasgenoemde gebeur dit heelwat stadiger, want ’n “dag” op die maan is 29½ aarddae lank; dus bly enige patrone wat deur skaduwees gevorm word, baie langer sigbaar. Kort voor die eerste kwartier verskyn ’n rits letters byna gelyktydig op die ligskadugrens (die “lyn”wat die ligte en donker dele op die maan van mekaar skei). Die V verskyn…

Stof van die Richtersveld Deur Jo-Mari Nel, Print Matters Erfenis R230 (plus R99 vir PostNet) by nel.jomari@gmail.com As boorling van Eksteenfontein lê die stories en mense van die Richtersveld Jo-Mari Nel na aan die hart. Hoewel die boek as ’n kortverhaalbundel aangebied word, betrek elke verhaal die legendes en ou stories van hierdie dorre streek op só ’n manier dat die geheel eintlik ’n gids tot die Richtersveld word. Maar anders as ’n veldgids wat jou meer van die rare vetplantjies by jou voete vertel, word hierdie stories jou “gidsboek”tot die mense van die landskap: Daardie figuur wat agter ’n strepie kleinvee aanstap; die tweestuks met ’n hondjie op ’n donkiekar wat in die stof in jou truspieël vervaag. In“|Obes – Die onthou-legende”beskryf sy die dramatiese gebeure wat Stinkfontein (vandag…

Congo Cowboys Deur Congo Cowboys US$4 by bandcamp.com Hierdie Suid-Afrikaanse groep se naam is heel gepas: Hulle sing Amerikaanse country-musiek (jy sal Dolly Parton se “Jolene”herken) en klassieke folkliedjies (soos hulle vertolking van “The Cuckoo”) met ’n duidelike Afrika-flair. Die hoofsanger is van die Kongo en twee van die ander lede het voorheen aan die plaaslike groep Freshlyground behoort. Die eindresultaat is pure plesier. Hulle musiek is perfek vir ’n lekker jol, en tog ook gevoelvol. Die vrolike deuntjies proe soos gratis bier by ’n musiekfees, maar jy sal dit ook harder draai op daardie koue winteroggend wanneer jy so gou as moontlik uit Johannesburg wil wegkom; wanneer die lug na gebrande gras en koue rubber ruik, en die son jou oor die horison na iets beters elders wink.…

WILLEM KRUGER Nikon Z6 Nikon 600 mm-lens WILLEM VERTEL: Hierdie foto is geneem net noord van die Kij Kij-watergat in die Kgalagadioorgrenspark. ’n Trop leeus het ’n eland platgetrek, en toe ons die volgende dag vroeg weer by die karkas kom, het sowat 15 rooijakkalse op hulle beurt gelê en wag. Hierdie foto wys wat kan gebeur wanneer die leeus wegstap en die jakkalse begin stry en baklei om oorheersing. My verstellings was: sluiterspoed van 1/4 000ste van ’n sekonde, lensopening f8 en ISO 1 250. TOAST SÊ: Willem se foto het alles wat ’n mens in ’n puik wildlewefoto soek. Dit beeld aksie uit, en die interaksie tussen die jakkalse leer jou iets van dié diere se gedrag. Die beligting is eweredig (dit was waarskynlik ’n bewolkte dag) met…

HOE LANK IS DIE TOER? 8 dae, 7 nagte, (tenteverblyf ) TOERDATUMS 1-8 Februarie 2023, 10-17 Februarie 2023, 19-26 Februarie 2023; 28 Februarie – 7 Maart 2023; 9-16 Maart 2023 HOEVEEL KOS DIT? Koste R15 250 p.p.; halfprys vir kinders jonger as 10. INGESLUIT BY DIE PRYS • Kamptariewe• Toegangstariewe vir parke• Alle geadverteerde aktiwiteite• Tente, eetgerei en breekware• Drie maaltye per dag, plus tee en koffie in die kamp• Professionele toerleier en gidse• Tweerigtingradio-kommunikasie WAT JY MOET BRING • Jou eie voertuig (brandstof is vir jou sak, asook grenspostariewe en padbelasting)• Jou eie matras, slaapsak en ander kampbeddegoed• Kampstoele• Drinkgoed en versnaperinge• Versekeringsdekking vir mediese noodgevalle en ontruimings DIE AVONTUUR DAG 1: TWEE RIVIEREN Ons Kalahari-avontuur begin by Twee Rivieren in die Kgalagadi-oorgrenspark. Gaste is welkom om dié namiddag…

JAKKALSMOLES IN PILANESBERG Ek en ’n vriendin was in Aprilmaand in die Pilanesbergwildreservaat. Ons het by die Lengaudam naby Bakubung gesit en voëlkyk toe ’n rooijakkals aangedraf kom. Daar was ’n paar maraboes aan die een kant van die dam, maar snaaks genoeg het al meer maraboes nadergevlieg na die kant van die dam waar die jakkals pas aangekom het. Ek sou dink dat hulle eerder na ’n veiliger plek sou uitwyk, soos bo in ’n boom. Die jakkals het hulle skielik begin bekruip 1 , maar die maraboes het net opgevlieg en weer in die water gaan land 2 . Twee het selfs met ’n takkie gespeel asof hulle toutrek! 3 Die jakkals het ’n hele paar keer onder die maraboes ingevaar, maar nie naby hulle gekom nie 4…

Jy sou nie dink dat ’n Sondagoggend in die Okavango enigsins anders sal voel as ’n ander oggend van die week nie. Dalk is dit die onverwagte wolke in die ooste wat die son láter as die gebruiklike kortkop ná sewe laat uitloer wat sorg vir die gewyde stilte wat oor die landskap voor my lê. Selfs die bobbejane het later as gewoonlik eers van hulle laat hoor uit die worsbome doer oorkant. Dis die middel van Meimaand en die somer se groen lê nog oral te sien van waar ek sit by Jumbo Junction, ’n lodge sowat 23 km oos van Seronga. Maar groen is iets wat die Okavangodelta en sy papirus-eilande, rietplate en enorme lowerryke bome byna altyd is. Die laatsomerreën wat in die suide van Angola val…

Die Katavi- nasionale park is een van Tanzanië se minder bekende reservate, maar een van die wildste en mees afgeleë. Dit is in die weste van die land, nie ver van die Tanganjikameer af nie. Tydens die droogste maande van die jaar (Oktober en November) trek die park se groot seeikoeibevolking desperaat saam in die laaste modderpoele, soos hierdie een reg voor die Ikuu-kampplek. As jy hier kamp, moet jy liefs saans in jou tent bly, want al dié watertenks waggel saans uit die poel en wei rondom jou...…