EXPLOREMY LIBRARY
News & Politics
Rapport

Rapport

10/25/2020

Die Rapport wat jy ken. Kry eksklusiewe nuus oor politiek, sport en mense asook Hanlie Retief se profielonderhoud. Kry raad oor jou finansies in Sake, menings en boekresensies in Weekliks en heerlike stories oor reis, kos, gesondheid en leefstyl in Beleef.

Country:
South Africa
Language:
Afrikaans
Publisher:
Media 24 Ltd
Frequency:
Weekly
Read More
SUBSCRIBE
R 936
52 Issues

in this issue

4 min.
polisielede krepeer ná jare se lojale diens

Ek het my lewe vir die polisie gegee. Hulle het die beste jare van hul lewe vir die polisie gegee en hul lewens op die spel geplaas om skelms agterna te sit en Suid-Afrika ’n beter plek te maak. Maar jare nadat 65 polisielede die mag weens trauma of beserings aan diens moes verlaat, wag hulle steeds op hul pensioen of vergoeding en moet baie van hulle los werkies doen om kos op die tafel te sit. Hulle sê dis verraad. Een van die desperate oudpolisielede is André Botha (47), ’n voormalige lid van die presidensiële beveiligingseenheid wat eens mense soos dr. Naledi Pandor opgepas het. Hy wag nou al 18 jaar vir sy polisiepensioen nadat gewapende rowers hom en sy gesin in 2002 oorval en hom geskiet het. Hy is terug werk toe, maar…

2 min.
skoolwerk ly oor kinders wat ‘roteer’

Die regering oorweeg alternatiewe vir die roteringstelsel waarvolgens leerlinge net elke tweede dag skool toe gaan. Dis omdat kinders besig is om ver agter te raak met hul skoolwerk. Vakbonde is egter skepties of dié stelsel kan werk. Tans ontvang die meeste skole net 50% van hul leerlinge op ’n gegewe dag. By sommige skole kom die verskillende grade op verskillende dae en by ander is dit meisies en seuns wat op verskillende dae skool toe kom. Skole mag slegs meer leerlinge toelaat as die skool genoeg ruimte het om alle veiligheidsmaatreëls, insluitend ’n afstand van een meter tussen elke persoon, te handhaaf. Die departement van basiese onderwys oorweeg dit om fisieke skeidings tussen kinders in klasse op te rig sodat hulle veilig nader aan mekaar kan sit, het Angie Motshekga, minister van onderwys,…

3 min.
‘dominee,wanneer kry ek my goed?!’

’n Dominee van Dullstroom hoop die doodsdreigemente en oproepe van mense wat “die m**r in is” sal ophou nadat die man wat glo sy identiteit gebruik het om bedrog te pleeg, in hegtenis geneem is. “Ek kon nie meer slaap nie en het drie, vier oproepe per dag gekry van mense wat woedend is omdat ek glo hul geld gesteel het,” sê ds. Jan Potgieter, predikant by die NG kerk in Belfast, Mpumalanga. Hy woon in Dullstroom, sowat 34 km van Belfast. Die Valke het Bernard van den Berg op 16 Oktober by sy huis in Cradock in die Oos-Kaap op talle klagte van bedrog in hegtenis geneem. Hy het reeds daar in die landdroshof verskyn. Van den Berg is uit op parool nadat hy reeds tronkstraf uitgedien het weens bedrog. “Hy verskyn…

4 min.
‘my ma het ’n positiewe impak op almal om haar gehad’ smart ná moord op 3 bejaardes

Twee reeksmoordenaars wat skuldig bevind is aan grumoorde op bejaarde vroue in aftreeoorde in Springs en Alberton in 2018 tree môre aan in Mbombela vir nóg ’n verhoor weens die moord op ’n derde weerlose vrou wat hulle na bewering gepleeg het nadat hulle op borgtog vrygelaat is. Maar dié keer sal Shaun Oosthuizen (39) en John du Plooy (27), wat bekend geword het as die Munsieville-reeksmoordenaars, nie alleen in die beskuldigdebank staan nie: ’n Vroulike medebeskuldigde, Maryna Vorster-Lin, word saam met hulle beskuldig van die moord op Hetta Potgieter in die Macadamia-versorgingsoord in Mbombela op 8 Julie 2018. Oosthuizen en Du Plooy se eerste slagoffer was Engela van Wyk (86), wat op 24 Junie 2018 in haar wooneenheid in die Rus-’n-bietjietehuis in Springs oorval, beroof en verwurg is. Enkele weke later is Potgieter (85)…

1 min.
3 zamas wat moor, swaar gevonnis

Ondersoekers na onwettige mynbedrywighede het tien jaar lank gewerk om bewyse in te samel teen ’n berugte Vrystaatse rampokker wat die afgelope week saam met nog twee mans lewenslank tronk toe gestuur is. Eric David Dumisani Ndlovu (48) oftewel David One Eye, ’n gevreesde Goudveldse smokkelbaas, is saam met Lefoso Makena Mosia (27) en Molefi Michael Mahloane (56) in die rondgaande hooggeregshof in Virginia gevonnis vir die moord op Mahlomola Pin Mokoena (34). Hulle is in Julie skuldig bevind. Die oorspronklike ondersoekbeampte in die saak is vroeër ook tronk toe gestuur weens meineed en regsverydeling. Mokoena was ook ’n zamazama en Ndlovu se handlanger. Ndlovu het hom in Julie 2017 tereggestel oor geld vir goud wat Mokoena hom glo geskuld het. Luidens regter Abe Mathebula se uitspraak het Ndlovu vir Mokoena na die begraafplaas…

1 min.
wallabies ‘is só dan juis polities’

Wanneer jy nie kniel ter ondersteuning van die Black Lives Matter (BLM)-beweging nie omdat jy nie ’n politieke punt wil maak nie, gebeur juis die teenoorgestelde. So het Peter FitzSimons, ’n rubriekskrywer by die The Sydney Morning Herald, gereageer op die Australiese rugbyspan se besluit om nie te kniel wanneer hy later vandeesmaand teen die All Blacks in ’n kragmeting in die Rugbykampioenskap te staan kom nie. Dave Rennie, afrigter van die Wallabies, sê sy span wil “nie ’n politieke punt maak nie”. Maar FitzSimons stem nie saam nie. “Om te sê ek ‘wil nie ’n politieke punt maak nie’, is juis om politieke standpunt in te neem. Dit sal deur baie beskou word as: ‘Ons is ’n spul bevoorregtes wat in private skole was – en dit dring nie tot ons deur nie.’ “Ja,…