EXPLOREMY LIBRARY
searchclose
shopping_cart_outlined
exit_to_app
category_outlined / Home & Garden
TuisTuis

Tuis 2018

Tuis is ’n praktiese, inspirerende gids vir die huis en tuin wat lesers in staat stel om hulle blyplekke mooi te maak, en die waarde daarvan te laat toeneem – binne én buite. Die tydskrif maak die lewe makliker vir mense wat ’n huis wil koop, bou of opknap, of lus is vir tuinmaak, kosmaak of mooimaak. Tuis wys nie net mooi goed nie – ons verduidelik ook wat waarde sal toevoeg tot jou eiendom, en hoekom. Die tydskrif bied bekostigbare en toeganklike keuses aan lesers, hulp met selfdoenprojekte, en raad vir opknapwerk. Dis vir gewone mense – mans én vroue – met gewone lewens, gewone loopbane en gewone huise; mense wat graag hulle eiendomme wil verbeter, en dit moet doen op ’n begroting.

Country:
South Africa
Language:
Afrikaans
Publisher:
Media 24 Ltd
Read Morekeyboard_arrow_down
BUY ISSUE
R37,60
SUBSCRIBE
R423
12 Issues

IN THIS ISSUE

access_time4 min.
jou eie stempel

Uit die omgewing Ons is mal oor die sandsteenwerk aan Louise en Manfred Vietze se huis op Stilbaai. Die klip kom uit die omgewing, en saam met die dekoratiewe traliewerk in die handrelings en kleurkombinasie van hout, sagteblou hortjies en grys vensterrame is die plek pure romanse. Toe die Vietzes ’n kothuis op die erf wou bou vir wanneer hul kinders kom kuier, moes hulle fyn beplan om by die erfenisbepalings van die munisipaliteit te hou. Die huis is immers oor ’n 100 jaar oud. “Ons het reeds heelwat gekapte klip op die werf gehad en moes nog ’n paar bykoop. Gelukkig kon ons kundige klipkappers kry wat ons kon help met die nuwes,” vertel Manfred. Teëltjie, teëltjie om die rand Jill en Craig Marion van Wildernis wys ’n gedaantewisseling hoef nie jou beursie…

access_time8 min.
kom binne …

Die boog by die ingang is die eerste ding wat ons sien wanneer ons by die huis aankom, so ek wou hê dit moet ons laat goed voel.– Thelma Schempers [1] Fraai Die ingang by Willouw Deacon en Thelma Schempers se huis op Greyton spog met ’n swierige veiligheidshek by die voordeur. Die paartjie wou nie te veel aan strukturele veranderinge bestee nie, toe maak hulle ’n vinnige sakpas-plan vir ’n nuwe voorkoms: ’n laag verf en vetplante in potte bo die ingang. En dit het ’n reuseverskil gemaak! “Ons visie was ’n ingang met interessante detail en diepte,” sê Thelma. Tydens ’n besoek aan die gewilde plaas Babylonstoren naby Franschhoek het Thelma potplante bo die ingang van die Scented Room gesien. In daardie terracottapotte het roosmaryn gegroei, maar Thelma het besluit op spekboom.…

access_time8 min.
’n stukkie bos in die stad

Een van Magdel Stander se vriendinne het op ’n dag haar en haar man, Ulrich, se tuin beskryf as waarskynlik die “random”-ste tuin wat sy nog gesien het. “Dit som die projek nogal goed op,” sê Magdel laggend. “Niks hier is oordink of tot in die fynste besonderheid beplan of geteken nie. Dis ’n deurlopende projek sonder einde, wat nou al tien jaar duur!” Toe die Standers destyds hul huis gekoop het, was die groot bome ’n besliste trekpleister. Die bome was al oor die dertig jaar oud, maar is deur die jare met min liefde en kennis gesnoei; die res van die tuin was ook erg verwaarloos. “Ons visie vir die nuwe tuin was ’n ‘bos in die voorstad’ met strak lyne en struktuur, juis om met die bosgevoel te kontrasteer…

access_time10 min.
van binne tot buite!

[1] BRAAITYD! Magdel en Charl van den Berg van Somerset-Wes onthaal graag en het hul ou lapa omskep in ’n heerlike braaikamer, perfek vir loslit-kuiers. Sedert hulle dit toegebou het, is dit dié plek waar hulle met hul vriende ontspan – selfs in die winter! Tekstielware met ’n botaniese tema, ’n verskeidenheid plante en aardse teksture skep ’n gesellige atmosfeer, terwyl die gemaklike meubels inskakel by die dekor in die res van die huis. Waarvan Magdel die meeste hou, is dat hulle die deure in die somer kan oopgooi sodat die ruimte deel van die tuin word; in die winter maak hulle toe en bekyk die stormweer van die gemak van ’n rusbank. ’n Eie stempel … Magdel deel haar wenke vir hoe jy jou kuierplek in jou persoonlike styl kan opdollie: • Moenie splinternuwe…

access_time7 min.
leer & probeer

Terwyl die Merbold-gesin in 2010 besig was met die opknap van hul ouderwetse huis in Pretoria, het die indrukwekkende gedaantewisseling hulle laat besef dat die tuin en werf ook dringend aandag kort. Maar die koste van die opknap het sy tol geëis. “Ons het heelwat werk aan die huis gedoen; ek het selfs my praktyk op die eiendom gevestig,” sê Rouxlene, ’n mediese dokter en eienaar van Rejive Skin & Body Clinic. “Toe stel my man voor ons herstel eers van die uitgawes wat ons tydens die 10 maande lange opknap aangegaan het!” Twee jaar later was hulle gereed vir die volgende transformasie. Hulle het ’n landskap-onderneming se hulp ingeroep vir die ontwerp. Maar pas nadat hulle begin het om die beddings, trapklippe en besproeiing aan te lê, het die eienaar aangekondig…

access_time3 min.
pa en seuns se spanpoging

Vra jy vir Saranie Harvey wat die hoogtepunt is van hul dekprojek, huiwer sy nie ’n oomblik nie: “Dis nie die voor-en-ná-foto’s nie,” sê sy, “maar hoe my man, skoonpa en drie seuns saam-gewerk het. Dit was so mooi om te sien.” En spanwerk was dit voorwaar … “Gelukkig is die seuns almal amateurrotsklimmers en gevolglik was dit sommer kinderspeletjies vir hulle om met veiligheidstoue dakplate op te sit of sweiswerk hoog in die lug te doen!” sê dié trotse ma wanneer sy vertel hoe die dek by hul huis, waar hulle nou die aande – en luilekker dae – omkuier, staangemaak is. Hul plan was duidelik: Ontwikkel die onbenutte ruimte aan die agterkant van die huis deur die vloer te lig met ’n dek rondom ’n ingeboude vuurput. ’n Ingenieursvriend van Letsitele,…

help