ZINIO logo
EXPLOREMY LIBRARY
Tuis

Tuis December 2020 - January 2021

Add to favorites

Tuis is ’n praktiese, inspirerende gids vir die huis en tuin wat lesers in staat stel om hulle blyplekke mooi te maak, en die waarde daarvan te laat toeneem – binne én buite. Die tydskrif maak die lewe makliker vir mense wat ’n huis wil koop, bou of opknap, of lus is vir tuinmaak, kosmaak of mooimaak. Tuis wys nie net mooi goed nie – ons verduidelik ook wat waarde sal toevoeg tot jou eiendom, en hoekom. Die tydskrif bied bekostigbare en toeganklike keuses aan lesers, hulp met selfdoenprojekte, en raad vir opknapwerk. Dis vir gewone mense – mans én vroue – met gewone lewens, gewone loopbane en gewone huise; mense wat graag hulle eiendomme wil verbeter, en dit moet doen op ’n begroting.

Read More
Country:
South Africa
Language:
Afrikaans
Publisher:
Media 24 Ltd
Frequency:
Monthly
SUBSCRIBE
R 288
8 Issues

in this issue

3 min.
my pa het altyd gesê

’n mens moenie jou lewe omwens nie. Maar soos ek hier – dis einde November – dié brief sit en skryf, tel ek die dae. Stel dit so: As 2020 ’n Whatsapp-groepie was, sou die woorde “Wicus Pretorius left” die somtotaal van my Desember-bydrae wees. Gelukkig is daar lafenis vir die siel in dié uitgawe van Tuis, huise waar mens net wil ontspan; bly- en kuierplekke wat ’n mens sommer moed gee vir die nuwe jaar. Ek verbeel my ek ry van huis tot huis, met my hond, Asgat, agter in die stasiewa. By die Kommetjie-huis van ons Rookie Stylist-wenner (ons jaarlikse Instagram-wedstryd in vennootskap met MRP Home) is ek veral beïndruk met die Nortjes se buitestort (kyk op bl.14), want so iets sal heel goed by my huis ook werk. Elke…

2 min.
ons lesers sê

WENBRIEF Onvergeetlike Tuindag Marietjie Wolmarans van Kriel, Mpumalanga, skryf Dit is 11 Oktober 2020, Tuindag. Ek en my man, Hoffnie, en dogter Christelle kuier saam met ou vriende, Leon en Joan Solms, op hulle pragtige plaas Geluk in die Paulpietersburg-distrik. Dis ’n koue, reënerige dag, maar geïnspireer deur Tuis vier ons Tuindag. My vriendin haal haar pragtig geblomde tafeldoek uit en ek rangskik asaleas uit haar tuin, met feetjieliggies tussenin. Alles baie oordadig, maar dit is immers ’n spesiale dag. Met blomkranse in ons hare en warmte in ons harte vir vriende en alles wat ons Skepper gemaak het, sit ons aan vir ’n heerlike Sondagmiddagmaal. Afskaal is lekker Alet Badenhorst van Oudtshoorn skryf Ons het op ons oudag ’n nuwe huis gebou wat aan al ons behoeftes voldoen: ’n ruim leefvertrek waar ons…

3 min.
wat’s nuut

SKEP EN INNOVEER! WIE Emma Stam WAAR Knysna, Wes-Kaap BESIGHEID Sunny Spot Leisure HAAR WERK Die 21-jarige interieurontwerpstudent Emma Stam is deur haar tuisdorp by die see geïnspireer om ’n produkreeks te ontwerp wat jou verlei om meer tyd buite deur te bring. Haar pragtige lê- en buitestoele sowel as swembadkussings en sambrele, wat alles in Suid-Afrika gemaak word, is duursaam en stylvol. Die materiale, ook plaaslik vervaardig, is met sorg gekies sodat die eindproduk lang diens kan gee sonder dat dit veel onderhoud verg. Emma gebruik herwinde polistireenkorrels as stopsel in haar weelderige buitemeubels en ekovriendelike kleursel vir die materiale. Gaan kyk gerus by sunnyspot.co.za. SKANDISTYL In pas met minimalistiese Skandinawiese ontwerp spog die nuwe Ari-eettafel (1,8 m, R4 999) van Coricraft met skoon lyne, slank pote en ’n natuurlike houtafwerking. Die tafel en bypassende…

1 min.
sit terug en ontspan

VERSKAFFERS Block & Chisel 021 691 0878, blockandchisel.co.za Checkers 0800 01 07 09, checkers.co.za Clicks 0860 254 257, clicks.co.za Makro 0860 600 999, makro.co.za MRP Home 0800 212 535, mrphome.com Patio Warehouse 087 825 1120, patiowarehouse.co.za Poetry 0860 665 533, poetrystores.co.za Sheet Street 0800 212 535, sheetstreet.com Woolworths 0860 022 002, woolworths.co.za Yuppiechef 0861 702 4969, yuppiechef.com…

3 min.
reik na die sterre!

Skitterende oase Jy kan jou verbeel jy stap onverwags by ’n medina in Marokko in, maar dié eksotiese stervormige swembad is in die binnehof van die sjarmante Nooitgedacht Country House buite Swellendam. “Die vorige eienaars het die huis en swembad 12 jaar gelede gebou,” sê die huidige eienaar, Danielle de Wet. “Ons het hier gewoon toe ons die plaas vyf jaar gelede gekoop het, maar ons het dit sedertdien in luukse selfsorg-eenhede omskep.” Die huis is om die binnehof gebou en baie van die leefvertrekke en slaapkamers maak hierop oop. Dit is ’n intieme ruimte waar gaste kan ontspan sonder om deur die buitewêreld gepla te word. “Wanneer dit te winderig op die voorstoep raak, is die binnehof die ideale kuierplek,” sê Danielle. As jy ook droom van ’n Marokkaanse styl, laat hierdie…

7 min.
die see as palet

WIE WOON HIER? Charles en Candice Nortje; hul apporteerhonde Grace, Delilah, Lily, Summer en Bluebell; en die Skotse terriër George WAAR Kommetjie, Wes-Kaap GROOTTE 342m² “Ons huis is ons toevlug uit die chaos van die wêreld daarbuite. Daar’s regtig geen ander plek waar ons eerder sou wou wees nie …” sê Candice Nortje, wat in die kusdorpie Kommetjie woon. Met ’n skerp oog vir dekor en die slag om die regte dekor-items saam te voeg, is ’n veilige hawe presies wat Candice in die Nortjes se verruklike huis in die Klein Slangkop-ekolandgoed, tussen ongerepte strande en die Tafelberg Nasionale Park, geskep het. “Dis regtig so na as wat ’n mens aan idillies kan kom. Dit voel asof ons heeltyd met vakansie is – alhoewel dit net 45 minute se ry van Kaapstad af is.” Candice is…