Tuis December 2021/January 2022

My goeie vriendin Lindi vier haar vyftigste en ons trek saam in St. Helenabaai, in ’n huis reg teen die see. Dit voel soos vakansie by ’n eksotiese bestemming. Die kinders swem en ry kano, die meeue jag baldadig in die vlak water van die baai. Vrydag reën dit vlae water. Maar Saterdagoggend begin dit ooptrek, en teen skemeraand is die weer perfek. Ons sit in ’n kring om die vuur voor die huis, ons tone in die sand. Die branders rol in met musikale reëlmaat. “Hoor jy, dit klink soos Griekeland,” sê iemand, “so ’n sagte geklots.” Sowaar ja, dis nie die raserige branders waaraan ons aan die Kaapse kus gewoond is nie; waar die suidooster die golwe so geniepsig kan aanjaag. Onverwags kom die boodskap deur – beurtkrag om 22:00. Ons…

WENBRIEF Die prys van ’n glimlag Lynette Strydom van Gqeberha skryf Gister draf ek die winkel binne om die nodige te koop. Iewers tussen die rakke loop ek die groot man raak. Ek weet nie hoekom nie, maar bokant die masker ontmoet ons oë en ons groet. Oomblikke later in die betaalry is ek bewus van die distansiëringsplakkers op die vloer en ek maak seker dat ek daarby hou. Skielik is daar ’n klop op my skouer. Ek kyk om, vas in die oë bokant die masker. “There’s asticker on Voor your shoe,” sê hy. “They’re going to scan you.” Eers vervies ek my oor die man – in dié tyd van Covid – kontak maak oor so ’n nietigheid. Tog kyk ek uit die hoogte af, asof ek ook distansie wil…

#1 ’n Blomteater ’n Paar honderd duisend stingels gedroogde ranonkels, salie, Amaranthus, strooiblomme en kruie is enkele van die plante wat kuiergaste in verwondering laat in Louise Steenkamp en Conrad Conradie se solder op Wellington. Die geur in die lug is lieflik en die atmosfeer amper gewyd – ’n droomwêreld om in fees te vier. Dit het die blomkwekers Louise en Conrad en hul span sowat ’n jaar geneem om die 300m²-solder in ’n droogruimte vir hul onderneming The Wild Bunch Flower Farm in te rig. Die lig en temperatuur is spesiaal aangepas sodat die droë blomme jare lank goed behoue sal bly. “Omdat niemand weet presies wat om te verwag nie, is hulle nogal verstom oor die omvang van alles,” vertel Louise. “Ons noem dit nou die Blomteater en gaan dit as…

Sierlik & waterwys Earthbound, gesetel in Pretoria, se mini-vetplanttuine groei in spesiaal ontwerpte strukture gevul met grond. Elke skepping is ’n lieflike waterwys gemeenskap van plante wat eers na twee of vier maande uitgeplant hoef te word, afhangende van die tyd van die jaar. Pryse vir die lewende kranse begin by R420 (22cm D). Vir meer besonderhede, besoek earthboundsucculentdesign.com. Skiet wortel Met dié lieflike handgemaakte steggiestasie van toetsbuise in ’n blok rooshout kan jy sien hoe nuwe plantjies wortel skiet en groei. Dit kom in allerlei groottes (vanaf R85 vir een buis; R275 vir vier buise, minimaalenmooi.com) met die opsie om jou houtsoort en die graveerwerk daarop te kies. ’n Oulike geskenk! NET VIR AFRIKA Droomsagte, praktiese Kiwinet Mosquito Nets (standaard of pasgemaak) kan binne (oor jou bed) of buite gebruik word. Dit word ontwerp…

As jy droom van ’n afgeleë houthuisie langs die see met sy eie sonkrag en g’n mens in sig nie, dan is “Houthuisie” net die bestemming vir jou. Die huis is geleë op ’n stuk grond van 6 hektaar binne die Weskus Nasionale Park, neffens Churchhaven. Die deel staan bekend as Schrywershoek en hier sal jy jou verkyk aan baba-pylsterte in die vlak turkoois water om jou voete, ’n arendsnes tussen die riete, flaminke wat flikflooi en ’n ryk dierelewe wat jou wildste verwagtinge sal oortref. Die terrein is versteek vanaf die hoofroetes, met ’n private ingang binne die park. ’n Kronkelpaadjie lei jou na die voet van die helling waar die Langebaan-strandmeer op jou voorstoep klots. Hoewel die houthuisie al jare lank hier staan, is dit eers onlangs in ’n…

WIE WOON HIER? Catalina Baliña en haar lewensmaat Ronnie Batchelor; hul huishouer en so te sê familielid Geofrey Mbewe; die drie luidrugtige worshonde Pancho, Wilson en Toffee; en ’n klompie vet hoenders WAAR Stanford GROOTTE 600m² My huis is ’n plek vir spesiale vriende, kreatiewe gedagtes, smullekker bestanddele en net die regte hoeveelheid liefde. Niks kan skeef loop as jy dít aan jou kant het nie! – Catalina “Ek het hierdie sjarmante dorpie en sy wonderlike gemeenskap jare lank dopgehou,” vertel Catalina Baliña van Stanford in die Wes-Kaap. Dié voormalige groothandelverkoopsbestuurder van Biggie Best kom oorspronklik van Argentinië, en toe sy 20 jaar gelede Suid-Afrika toe verhuis het, het sy en haar familie gereeld vakansies hier kom deurbring. “Dit het die plek geword waar almal uit al die uithoeke van die wêreld bymekaarkom,”…