EXPLOREMY LIBRARY
Women's Lifestyle
Vrouekeur

Vrouekeur

29 May 2020

Die gewilde weeklikse tydskrif, Vrouekeur, is nou as ‘n e-tydskrif beskikbaar. Dié unieke Afrikaanse tydskrif was nog altyd ‘n betroubare bron van inligting en inspirasie vir haar lesers. Dit bevat 'n wye verskeidenheid van lekkerleesartikels oor onder meer bekendes, menswees, verhoudings, ouerskap, aktuele kwessies tot praktiese raad oor mode, skoonheid, dekor en handwerk. Die kosblaaie is so gewild dat daar al vier topverkoper-resepteboeke verskyn het. Vrouekeur is ‘n gebruikersvriendelike tydskrif wat inlig, opvoed en vermaak. Dis jou keuse elke week.

Country:
South Africa
Language:
Afrikaans
Publisher:
Caxton Magazines
Frequency:
Interrupted
Read More

in this issue

4 min.
as ’n rots in jou pad val …

Waar begin ek as dit die einde is? Op Maandag 4 Mei 2020 is die mat onder ons voete uitgeruk en ons snak nog na ons asem. Daardie oggend om 10:00 het ons redakteurs en bestuurders die nuus gekry dat Caxton Tydskrifte toemaak. Bot toe. Binne 20 minute was als verby. Net so. Tjoef. Dié rimpeleffek van die bom wat daai oggend gebars het, is soos die naskokke wat ’n atoombomontploffing in werking sit. Volgende aan die beurt was die spanlede aan wie ons die boodskap moes oordra – in opdrag stiptelik om 10:00 die volgende oggend. Die vryskutjoernaliste was volgende aan die beurt, maar voor ek hulle kon laat weet, was die nuus al oral op sosiale media ná die uitreiking van Caxton se persverklaring vroeër die oggend. Intussen moes…

6 min.
hand aan hand aan die werk

Altus Theart en Zetske van Pletzen se loopbane vleg al jare ineen en tans is hulle albei in die kykNET-sepie Getroud met rugby (GMR) te sien. Hulle is passievol oor hierdie sepie waarin hy die rol van Fafa en Zetske die rol van sy skoonsuster Julia vertolk. “Ons het al in die verlede in Kruispad boetie en sussie gespeel en in Bloedbroers was ons man en vrou,” gesels Zetske. “Altus is al van die heel eerste episode van GMR af deel van die rolverdeling toe dit nog ’n reeks was – dit is nou al aan en af vir tien jaar. Dit is die langste nog wat hy dieselfde karakter gespeel het.” Hulle gesels oor nog gedeelde passies: HUWELIK Die huwelik is die eenwording van twee mense wat weet hoe om te vergewe, meen Altus…

7 min.
toneelspel steeds ’n vreugde

Toe ek Annelisa Weiland by die ateljees van Suidooster ontmoet, begin die gesprek met ’n bekentenis. Ek soek haar pampoenkoekieresep wat ek jare gelede in ’n tydskrif gesien het. Dis die enigste keer dat my pampoenkoekies nié ’n flop was nie, maar intussen het ek die resep verloor. Sy lag tog te lekker. “Pampoenkoekies? Goeiste, nee, my darling, ek kan jou nie help nie. My ouma Suzy het die lekkerste pampoenkoekies gemaak, maar ek het my eendag so ooreet daaraan dat ek nooit weer my mond daaraan gesit het nie. “Ek dra géén kennis van dié resep of liewer énige resep nie. Ek’s glad nie ’n kok nie. Ek hou daarvan om te onthaal en goedjies aanmekaar te slaan, maar terwyl party mense dit terapeuties vind om te kook, vind ek dit…

6 min.
sy woorde is towerkuns, sy kamera ’n skilderdoek

Terwyl die speke van sy oefenfiets in die gimnasium in Kaapstad sing, draai die ratte in Philip de Vos se kop ewe vinnig saam. Dis dáár waar hy deesdae van sy verse uitdink, en dit dan sommer gou-gou op ’n selfoon-stemnota opneem voor dit dalk saam met die sweet verdamp. “Mense dink seker ek is baie eksentriek. Wel, eintlik ís ek seker; dié man wat so in die gim op sy foon staan en rympies opsê,” spot hy met homself. “Maar dit wérk.” En die muse wat haar daar – so tussen die spiertiere – aan Philip kom openbaar, is veral welkom ná ’n kreatiewe droogtejaar waartydens hy omtrent glad nie geskep het nie. Want 2019 was in talle opsigte uitdagend: sy en sy lewensmaat, Peter Theron, se geliefde hond, Toffee, is oorlede nadat…

4 min.
van okiep tot wimbledon

Jeff Coetzee se opmars vanuit die klein dorpie Okiep na die wêreldverhoog van tennis, lees soos ’n sprokie. ’n Sprokie wat harde werk, sweet en deursettingsvermoë gevra het, maar uiteindelik tot die boonste sport van die suksesleer as afrigter gelei het. Jeff is tans die afrigter van die nommereendubbelspaar in die wêreld, Robert Farah en Juan Sebastián Cabal. Die Colombiane het ná hul Amerikaanse Ope-sege in New York, die jaar in die topposisie op die wêreldranglys afgesluit en ons eie Jeff Coetzee sit saam met hulle op daardie gesogte goue plek. Vir Jeff het dit alles in die stofstrate van Okiep begin toe hy as agtjarige ’n raket opgetel het. As die jongste van agt kinders onthou hy hoe hulle Wimbledon op TV1 gekyk het. Dit was ook die enigste kanaal wat hulle…

1 min.
by die huis

Al toer Jeff baie, is sy permanente adres nou op Somerset-Wes waar hy, sy vrou, Mauricia, en agtjarige dogter, Gabriella, woon. “Ek is baie dankbaar oor hoe my vrou my ondersteun sodat ek my droom kan uitleef. My dogtertjie hou my op my tone en ek mis haar baie as ek weg is. Ek wil deel van haar lewe wees en probeer om elke dag te Skype as ek oorsee is. Wanneer ek wel by die huis is, maak ek baie tyd vir my gesin en ons gaan graag na al die markte in die omgewing.” Vir ontspanning hou hy van lees, om TV-reekse te kyk en om kok te speel. Jeff voel sterk daaroor dat hy nooit sy kind sal dwing om tennis te speel nie, maar dat hy haar sal…