ZINIO logo
EXPLOREMY LIBRARY
Weg!

Weg!

August - September 2021

Suid-Afrika se voorste reistydskrif is enige buitelewemens se paspoort tot bekostigbare bestemmings en blyplek in Suidelike-Afrika. Elke uitgawe is volgepak met puik foto’s en gesaghebbende stories oor interessante mense en plekke (en wat om daar te doen). Kamp, voetslaan, fotografie, toerusting, kos, die langpad, en avontuur is ook deel van Weg se DNS. En omdat ons nie freebies aanvaar nie en self vir alles betaal, weet lesers hulle kan ons inligting vertrou. Of jy wil wegbreek vir die naweek of ’n lang vakansie, jou reis begin hier...

Read More
Country:
South Africa
Language:
Afrikaans
Publisher:
Media 24 Ltd
Frequency:
Bimonthly
R 72
R 324
6 Issues

in this issue

1 min
stap jou kop skoon

Waar ek woon, kla ’n mens nie oor reën nie. Ek skat dit geld waar ook al Weg se lesers bly. ’n Weg-skrywer leer baie vroeg jy moet vra of dit al gereën het as daar platteland toe gebel word. Reën is iets waarvoor gebid word; ’n seën wat nie weggewens mag word nie. ’n Nat en koue winter soos wat die Boland vanjaar beleef, kan wel sake bemoeilik as jy die natuur se lafenis wil opsoek wanneer die vier mure jou inhok. Julle weet mos wat word ’n perfekte sonskyndag in die middel van ’n Kaapse winter genoem? Ja, sy naam is Maandag! Maar elke dan en wan maak ’n windlose sonvenster oop oor ’n naweek, ’n skeppie asem tussen die kouefronte. Op juis só ’n fris Saterdag gaan kuier ek vir my…

2 min
agter die skerms

Hoe het jy in Kanada beland? My suster, Allison, is ’n Kanadese burger. Sy het haar 17 jaar gelede hier gevestig nadat sy reg oor die wêreld heen gewerk het. Ek het twee keer by haar gekuier en besluit om Kanada my huis te maak. Dit is my basis terwyl ek besluit waar ek uiteindelik wil woon. Waaraan moes jy gewoond raak? Om aan die regterkant van die pad te bestuur! Dis ook pret om my eie petrol in te gooi. Toe ek hier land, was die inperking streng: My bewegings is deur ’n app gemonitor en ek moes elke dag aanmeld. ’n Mens is skoon ontsenu oor hoe doeltreffend die owerhede hier werk. Die nuus is ’n belewenis. ’n Plaaslike televisienuuskanaal het onlangs ’n berig uitgesaai oor ’n houtheining wat stuk vir stuk gesteel…

5 min
briewe

’n Goue eland Ek het onlangs alleen die Rietvlei-natuurreservaat besoek – dis my gunstelingreservaat in Pretoria. Ek dink dis een van die beste plekke in die land om elande te sien en af te neem, want hulle is volop in die reservaat en die landskap is mooi oop. Ek het vroegoggend ’n groot trop naby die Maraisdam gekry en kon hulle sowat ’n uur volg terwyl hulle rustig rondbeweeg het. Die son het die veld in goud gebaai – dit was idillies! LEIGHTON FERREIRA, PRETORIA Een reier in die ry Die Sunsetdam naby Onder-Sabie in die Krugerwildtuin bied altyd wonderlike fotogeleenthede as jy ’n lekker parkeerplek langs die dam kan kry. Hierdie lang ry nimmersatte was besig om ontbyt te eet. As jy die foto van nader bekyk, sal jy sien daar is een bloureier in…

3 min
v & a

ESTÉ SMIT van G-org- skryf: Ek het hierdie seester met ses arms op Swartvleistrand in Sedgefield gewaar. Ek het gelees seesterre kan ’n nuwe arm groei as hulle een verloor – het hierdie seester een arm met twee vervang? Di- s--l-w-k-nn-r GUIDO ZSILAVECZ antwoord: Ja, dit lyk beslis so. Ek dink een van die twee arms onder links is moontlik deels afgeskeur en nog ’n arm het langs dit uitgegroei. Die besering moet vroeg in die seester se lewe plaasgevind het, want dit vat tyd vir die nuwe arm om so lank soos die ander te word. Dié seesterspesie, Austrofromia schultzei, kom in vlak waters langs die kus voor, van Valsbaai tot by Gqeberha. Dis redelik ongewoon vir diere met ’n simmetriese liggaamsvorm om ’n gelyke getal arms te hê omdat dit die…

2 min
kortliks

Stylvol gestewel Liz Payne en Cally van Blerk, twee entrepreneurs van Durban, wou ’n tikkie styl aan buiteleweklere gee. Hulle onderneming, Silver Lining Gumboots, wat in 2019 by die Splashy Fen-musiekfees op Underberg die lig gesien het, is nou tot sover as Nieu-Seeland bekend. Dié omgewingsvriendelike waterstewels (vanaf R329 ’n paar) is nie die uhm, onooglike, soort wat jy by die koöperasie koop nie. Dit word gemaak uit oortollige PVC by ’n motorfabriek wat gesmelt word en dan in gietvorms stewels word. Elke paar het ’n ortopediese boog binne-in om jou voetbrug te ondersteun en word buitelangs met leerinsetsels versier. Dis prakties, mooi, plaaslik vervaardig én heeltemal herwinbaar! Die verskeie stewelsnitte het almal KwaZulu-Natalse name: Shongweni, Howick, Midmar en Umhlanga. Of jy nou elke dag op ’n plaas werk of Saterdag die o.16-hokkiespan…

1 min
groot getalle

REËNBOOGSTATISTIEK Op 24 September vier ons Erfenisdag en heelwat wonderlike aspekte van ons uiteenlopende land. Hier’s ’n paar feite om langs die braaivuur mee te spog: 2 Suid-Afrika is die enigste land in die wêreld waar twee Nobel-vredespryswenners dieselfde adres gehad het – Nelson Mandela sowel as Desmond Tutu het albei in ’n stadium in Vilakazistraat in Soweto, Gauteng, gewoon. 3 Die Bokke deel die rekord van drie Wêreldbekerrugbyoorwinnings met die All Blacks. Ons manne in groen-en-goud het die Web Ellis-trofee in 1995, 2007 én 2019 huis toe gebring. 10 Dís hoeveel Unesco-wêrelderfenisgebiede binne ons landsgrense lê. Dié plekke is om verskeie redes noemenswaardig – van kultureel tot natuurlik – en sluit plekke soos Robbeneiland, die Wieg van die Mensdom en die Vredefortkoepel in. Gaan na unesco.org vir die volledige lys. 11 Suid-Afrika het die derde meeste amptelike tale…