Weg! Ry & Sleep

verbaas jouself ’n slag

D it is altyd lekker wanneer iets my verbaas. Of dalk moet ek eerder sê wanneer iets my op ’n goeie manier verbaas. As die brandstofprys einde vandeesmaand onverwags met R10/l styg, sal dit nogal verbasend wees, maar beslis nie lekker nie. Ook nie as Des van Rooyen weer as minister van finansies aangestel word nie. Ek kom omtrent elke maand iets teë wat vir ’n gesonde skeut goeie verbasing sorg, en hierdie maand is geen uitsondering nie. Ek was verbaas toe Cyril breëbors by die kantoor instap en spog dat hy 22 passe in net twee dae gery het. En ek was ewe verbaas dat Leon reeds die splinternuwe Stealth Evolution XR6 kon haak om vir ’n naweek te gaan kamp. Hy…

briewe

SWAAR DRA AL AAN DIE EEN KANT Ons het groot geskrik toe die trekstang van my 2006 Nissan X-Trail, die dieselmodel, onlangs naby Ngodwana op die N4 breek. Ek sleep sedert 2009 ’n Jurgens Fleetline met die X-Trail.Net buite Nelspruit hoor ek ’n klopgeluid, maar ek dink dis die bagasie agterin wat so raas. Ek besluit egter om stil te hou en seker te maak alles is in die haak. Tot my ontnugtering sien ek die regterkant van die stang-arm lyk los. Dis ook die kant waar die Yellow Blade-stabiliseerder se arm inpas. Ek besluit om met ’n slakkepas deur te druk tot by die Machado-Shell-vulstasie, sowat 100 km verder. Met nog ’n kilometer of drie om te gaan hoor ek ’n aaklige skuurgeluid soos ons om…

kom ons gesels oor kos

Hoe gaan jy te werk met julle maaltye wanneer julle kamp? Beplan jy dit haarfyn om soveel as moontlik bestanddele van die huis af saam te ry, of besluit jy elke dag waarvoor jy lus het en kry die bestanddele dan by jou bestemming? Suzette Lambrechts Ek beplan niks vooruit nie, maar pak ons vleis en kruideniersware by die huis in. Ek sorg vir potjiekosvleis, hoender om te braai en spek vir ontbyt.  Verder braai en kook ek soos ons lus is. Ons moet minstens een of twee gekookte maaltye eet, want ’n mens raak gou moeg vir braaivleis. Willem Brits Ons beplan ook nie veel nie. Ons vat wel ’n klomp goed van die huis af saam en besluit dan in…

’n jaar agter die ranger se stuur

Ek het 14 maande gelede ’n Ford Ranger Wildtrak 4x4 as ’n nuwe maatskappymotor gekry. Dit was destyds nie ’n maklike besluit om dié bakkie te kies nie, want ek was – en is – ’n groot Toyota-aanhanger.Die een ding wat tydskrifindrukke en vergelykings nie voldoende dek nie, is langtermyneienaarskap van ’n voertuig. Jy kan wel insig kry oor die bakkie wat jy van plan is om te koop deur met ander eienaars te gesels, maar dit kan maklik skeefgetrek word deur faktore soos handelsnaamlojaliteit, geluk of, in sommige gevalle, slegte geluk.My algehele indrukke van die Ranger is, soos verwag, baie positief. Die ritgehalte is van die beste en ek verkies die bakkie steeds bo ’n Hilux, selfs al is hy met namarkse vering toegerus. Toe ek met die…

oor bande en hoekstutte

Presies een dag voordat ’n familielid van my op sy jaarlikse seevakansie vertrek, besluit hy om gou sy woonwa se bande na te gaan. Hy lig die wa met die hoekstukke, maar toe hy die een wiel afhaal, knak daardie hoekstut onder die gewig en die wa staan skoon skewebek.Die les wat ons hieruit kan leer, is dat jy nie tot só kort voor jou vertrek moet wag om jou bande na te gaan nie. En, natuurlik, dat ’n hoekstut nie ’n domkrag is nie. Die goed is nié ontwerp om ’n wa op te lig nie, maar om dit gelyk en waterpas te kry op jou staanplek. “Daar staan blykbaar niks in padverkeerswetgewing oor die maksimumouderdom van bande nie.” Om jou wa op ’n ongelyk…

nuwe kampplek by st. francisbaai reg vir elke smaak

TE KUS EN KEUR. Waterberry staan reg vir enige kampeerder. Hier is enigiets van tent- tot woonwastaanplekke – selfs staanplekke spesifiek vir ryhuise. En almal behalwe die tente het krag. By St. Francisbaai is kampplekke yl gesaai, maar nou het ’n splinternuwe kampplek hier geopen. Waterberry Park was voorheen die St. Francisbaai-woonwapark, wat etlike jare gelede ten gronde gegaan het, en volgens David Glanvill, een van die eienaars, was die stuk grond toegegroei onder dennebome toe hy en sy vennoot, Gary Gilbert, die woonwapark gekoop het. Hulle het ingespring en die kampterrein van die grond af oorgedoen.David is ’n tuinboukundige en ’n mens kan dit sien – nie net aan die netjiese tuine nie, maar ook die uitleg van die oord. Daar is vier kampgedeeltes met onder…