ZINIO logo
EXPLOREMY LIBRARY
Weg! Ry & Sleep

Weg! Ry & Sleep February - March 2021

Die leefstyltydskrif van 132 bladsye vir kampeerders, woonwa- en 4x4 entoesiaste en avontuurreisigers

Read More
Country:
South Africa
Language:
Afrikaans
Publisher:
Media 24 Ltd
Frequency:
Monthly
R 72
R 324
6 Issues

in this issue

3 min
driekuns vir gouelokkies

Ons wil nie die pap dik aanmaak en in ’n ander man se kooi klim nie, maar die Toyota Prado is groter en meer hardebaard as die Toyota Fortuner, maar kleiner en sagter as die Land Cruiser 200 – dus nét reg. Ja, hy glip netjies tussen sy twee stalmaats in en het min natuurlike mededingers. Trouens, dis eintlik net die Mitsubishi Pajero – die langbak-weergawe – wat ’n ware teenstander is vir die Prado. Wat het ons hier? Die vierdegeslag Land Cruiser Prado, onder entoesiaste bekend as die “150”, is vanjaar 12 jaar oud. Die volgende geslag sal na raming ’n jaar ná die nuwe Land Cruiser 300 opdaag, maar vir nou kry hy een laaste – of dalk voorlaaste – opdatering aan sy voorkoms en sy binnegoed. Die jongste Prado kom…

1 min
queensburghwoonwaoord

Kampplek 30 staanplekke op die groenste gras. Ablusiegeriewe 2 netjiese en afsonderlike blokke met gemeenskaplike geriewe en gesinsbadkamers. Prys Vanaf R250-R750 tot R650-R1 200 afhangend van die seisoen en die aantal mense (hoogstens 6 per staanplek). Aankoms- en vertrektyd 14:00 en 10:00. Kontak 031 464 5800 of 072 480 5734 queensburgh.caravanparks.co.za qcr@absamail.co.za Naaste dorp In Queensburgh, Durban. Hoe lyk die pad? Teer tot by jou staanplek. GPS S29.860965 E30.905915 Ry & Sleep sê Die staanplekke oorkant die kantoor sal goed werk vir kampeerders met ’n lang sleepkombinasie. By die vyf staanplekke links van die inrypad (oorkant die tweede badkamer) gaan jy knor om om te draai.…

1 min
bieliebrief

Marcel wen ’n koelsak ter waarde van R220. Of jy nou kamp, piekniek hou of langs die krieketveld sit, dié koelsak het onder meer plek vir ’n kosblik én genoeg ruimte vir ’n 1,5 ℓ-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer wat dit maklik maak om die koelsak skoon te hou. Die sak het ook ’n handvatsel wat bo-oor kom en met klitsrits heg, asook ’n skouerband as jy jou hande los wil hê. winkel.weg.co.za…

6 min
’n badkamer in die boendoes

Ons almal weet hoe belangrik dit is om toegang te hê tot ’n ordentlike stort wanneer jy kamp, veral as die wind, stof of reën moleste gemaak het en jy tot op die been vuil voel. En dan is daar diegene onder ons wat nogal ’n voorkeur het vir ’n troon met ’n uitsig. Ons hurk nie oor ’n gat in die grond wanneer ons by die huis is nie, en daar is geen rede hoekom jy dit moet doen wanneer jy kamp nie. Hier is ’n klompie produkte waarmee jy jou eie bobaas badkamer in die boendoes aanmekaar kan slaan. ALVA- DRAAGBARE GASVERWARMER Warm water in ’n boks Hy werk met ’n Alva-gaskannetjie (Cadac s’n werk ook) en jy koppel hom aan jou waterbron – ’n direkte pyp, swaartekragsak of pomp wat jy in…

5 min
pamperlang jou potjie

Ons is almal vinnig by om te skep, maar heelwat skugterder wanneer dit tyd is om met die skottelgoed te help, veral as jy trommeldik geëet is aan die potjie wat oom Sarel gemaak het. Die potjie wat ons vir dié artikel gebruik het, was in só ’n slegte toestand dat ons eerder die deksel teruggesit en besluit het om daarvan te vergeet. Schalk het ook sy gehawende steakpan beskikbaar gestel vir die artikel. ’n Laag roes het op die pan gevorm, en ondanks sy pogings om dit skoon te kry was daar steeds oranje vlekke. As jy mooi daarna omsien en dit nie verniel nie – soos om koue water in warm kookware te gooi of dit gereeld te laat val – behoort jou gietysterprodukte vir jou leeftyd én selfs dié…

4 min
haak ’n vrystaatse vis

VISVANGOORD UDOLPHO-RIVIERPLAAS KOM VANG ’N GELE As jy van Sasolburg se kant af Parys toe ry, is daar net voor Parys ’n hele paar kampplekke teen die Vaalrivier ingeryg, met die nuutste toevoeging die Udolpho-rivierplaas se woonwapark. Nadat jy van die teerpad afgedraai het, is dit 2,9 km grondpad tot by die plaashek, en dan nog ongeveer 650 m tot by die kantoor. Die rivier is nog 500 m verder, en dis hier waar die staanplekke langs die rivier uitgelê is. Die swembad is ook digby die kantoor, asook die minigholfbaan – laasgenoemde kos R10 per spel en jy betaal ’n R20-deposito vir die stokke. Die kettiebaan is ook hier en dit kos ook R10 om ’n kettie te huur. Hiervoor is geen deposito nodig nie, en jy kry 10 albasters as ammunisie. Die…