Weg! Ry & Sleep February - March 2021

“Sit jy in sak en as oor die strande wat gesluit is, of maak jy soos Leon en gaan soek ’n nuwe kampplek of twee in die binneland... en word aangenaam verras?” Dit voel vir my die wêreld raak by die dag net meer onvoorspelbaar. Ja, ’n groot deel daarvan is seker weens die Covid-19-pandemie wat onverpoos voortwoed terwyl ek hier tik. Dinge gebeur nogal vinnig en onverwags. Jy dink nog jy is op pad Hartenbos toe vir jou welverdiende Desembervakansie en dan sluit die president die strande ’n paar dae voor jy in die pad wil val. Jy herinner jouself om nog van daardie heerlike witwyn aan te skaf en dan maak die drankverbod ’n onwelkome terugkeer. Jy raak opgewonde oor die vooruitsig van ’n entstof, net om in absolute ongeloof…

Marcel wen ’n koelsak ter waarde van R220. Of jy nou kamp, piekniek hou of langs die krieketveld sit, dié koelsak het onder meer plek vir ’n kosblik én genoeg ruimte vir ’n 1,5 ℓ-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer wat dit maklik maak om die koelsak skoon te hou. Die sak het ook ’n handvatsel wat bo-oor kom en met klitsrits heg, asook ’n skouerband as jy jou hande los wil hê. winkel.weg.co.za…

Ek en my geliefde vrou, Nicci, kom albei uit ’n kampfamilie, en ons het sommer kort ná ons troue in 1983 saam begin kamp. Ons het met tente begin, maar met ons eersteling, Malcolm, op pad, het ons besluit om eerder ’n woonwa te huur. Op ons eerste kamp met die wa was Nicci hoogswanger. Ons was gelukkig genoeg om teen Berg-en-Dal se grensdraad plek te kry. Laat die nag klim Nicci uit die bed, en soos ’n “verwagtende pa” wonder jy of daar fout is. Nicci sê alles is in die haak; sy wil net gou badkamer toe. Sy was net mooi halfpad toe ’n leeu digby die heining brul. Ek kyk by die woonwavenster uit en sien sy wik en weeg: Terug woonwa toe... of badkamer toe? Ek spring…

Die siel van die mier “Ek het hierdie klompie miere afgeneem by ’n vakansieplek naby die Krugerwildtuin. Saam met die bietjies pienk het die besige miere ’n mooi foto gemaak. Ek het ook die raampie om die foto ’n bietjie nader getrek.” Hierdie foto laat dit voel of jy in ’n pak lekkergoed afkyk. Hier is nie een enkele fokuspunt wat jou aandag trek nie, maar eerder ’n paar – die geel groeisels op die plante. Dit is ongewoon en ’n mens verkyk jou aan hierdie aardige mondjieagtige dele van die plant. Dan eers sien jy die klomp miere, en almal van hulle is ook doenig rondom die geel en groen mondjies, wat aan die foto lewe gee. Buiten die geel sorg die teenstellende kleure – pienk en die groen – vir ewewig in die…

• In Ry & Sleep se 40ste uitgawe sê ons die Land Rover Defender P400 het vier silinders, maar hy het eintlik ’n sessilinder-enjin. • In dieselfde uitgawe gee ons Namibia Wildlife Resorts & Namibia National Parks se tariewe per staanplek, terwyl dit per persoon is. • In ons Woonwa-Koopgids 2021 lys ons verkeerdelik die Gecko Xtreme onder grondpadwaens. Die Gecko Xtreme is in der waarheid net so tuis in taai veldrytoestande en is ’n volwaardige boswoonwa. Ons vra om verskoning vir hierdie foute.…

Die nuutste kampplek in die Dinokeng-reservaat is die Njala-boskamp, ’n omheinde lappie aarde van 20 ha binne dié Groot Vyf-reservaat wat gemik is op kampeerders wat selfversorgend is. Die eienaar, Charl Pretorius, sê die gedagte is om ’n veilige kampplek in die bos te bied sonder wilde diere. Tog is dit ’n boskamp in die ware sin van die woord, want tans is daar geen elektrisiteit of water nie. Charl-hulle beplan wel om water aan te lê sodat kampeerders lopende water by hulle staanplek het, plus dan ’n gasgeiser en spoeltoilet. Intussen moet kampeerders vir hulle eie water sorg en hier is ’n kompostoilet en ’n bosstort wat jy self moet vul. Die terrein is meer as 10 jaar al olifantvry danksy die heining, wat beteken die bos is lieflik welig, sê…