Weg! Ry & Sleep April - May 2021

“Ná ’n heerlike naweek in die Sederberg het ek besef ’n mens kan twintig sulke naweke deur die jaar versprei vir dieselfde prys as een oorsese vakansie.” Met die lig wat al hoe helderder skyn aan die einde van die pandemietonnel, kom ek al hoe meer agter ek is aan die planne maak. Ons kollegas by Weg praat van ’n klassieke reisplan, en die blote gedagte daaraan om my gesin in die kar te laai en saam met ’n klompie vriende die pad te vat laat my mond behoorlik water. Ek wil op my kampstoel sit en na ’n groot vuur kyk, met ’n koue lafenis in my hand, ’n warm tjop en braaibroodjie in die braaibak, en die geluid van my gunstelingmense se stories en die gelag van ons kinders in…

Johan wen ’n koelsak ter waarde van R220. Of jy nou kamp, piekniek hou of langs die krieketveld sit, dié koelsak het onder meer plek vir ’n kosblik én genoeg ruimte vir ’n 1,5 ℓ-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer wat dit maklik maak om die koelsak skoon te hou. Die sak het ook ’n handvatsel wat bo-oor kom en met klitsrits heg, asook ’n skouerband as jy jou hande los wil hê. winkel.weg.co.za…

’n Kamp-Mini by die Uniegebou... en ’n Merc in Kosibaai Ek het die foto regs van ’n komieklike Mini in 1978 geneem waar hy op die boonste terras van die Uniegebou in Pretoria staan. Ek het nie die “kampeerder” gesien nie; dalk was hy nog aan die slaap binne-in. Destyds het ek naby die Uniegebou gebly en onthou die gras was mooi welig waar hy gestaan het. Ek is seker hy het lekker “gekamp”. Praat van kampgoed wat jy nie verwag nie: In April 1989 het ek met my outomatiese 1974-model Mercedes-Benz 230.4 al die pad Kosibaai toe gery. Onthou, dit was die tyd voor die teerpad tot daar en ons moes die sandpaaie aandurf. Toe ons daar aankom, sien ek my Merc is sowaar die enigste sedanvoertuig op Kosibaai. Ek het…

“En dan is Janah ook in die kol met die fokuspunt, want jy kyk spontaan eerste na sy gesig, en meer spesifiek sy oog.” Ek sien jou, ja! “Hierdie verkleurmannetjie was besig om oor die pad te stap. Dit was besonders toe hy vir ’n oomblik stilstaan en met daardie swart ogie vir my loer. Hierdie foto is mooier as die vollyf-een wat ek geneem het. Hier is die fokuspunt sy gesig. Die pragtige patrone en kleure dra by tot die foto.” Daar is maar net iets komiekliks aan trapsuutjies – veral daardie oë, want hulle kan omtrent in enige rigting kyk. Boonop betrap Janah die outjie waar hy effens blootgestel is in die oopte. En dan is Janah ook in die kol met die fokuspunt, want jy kyk spontaan eerste na sy gesig,…

Soutpoort is ’n nuwe kampplek op ’n skaapplaas 15 km buite Loxton. Melissa Cloete en haar man, Hendrik, boer met merino’s, maar het deel van hulle grond aan dié kampplek afgestaan. Die plaas is op die Carnarvonpad (die R63). Van Loxton af is dit teerpad tot by die afdraai na die plaas, maar dan vat jy ’n skaflike grondpad wat selfs ’n gewone sedan sal kan baasraak. Soutpoort, genoem na die Soutpoortrivier wat hierdeur loop, het twee kampe wat ongeveer 200 m uitmekaar uitgelê is tussen die rooi kliprantjies. Elkeen het sy eie badkamergebou met ’n stort, wasbak en toilet, met die opwasgeriewe buite. Teen die een kant van die gebou is ’n sinkafdak met ’n stuk plaveisel onder dit. Elke kamp het sy eie ronde swembadjie en braaiplek en kan twee…

Weens ’n misverstand het ons die verkeerde inligting verskaf oor die 4x4-roete tussen Gansbaai en L’Agulhas (“Die Klein Kaapse Doodsakker”, Desember 2020-Januarie 2021). Let wel dat ’n toegangstarief inderdaad betaalbaar is vir die Uilkraalsmond-natuurreservaat. Die reservaat het slegs een hek waar jy in- en uitry. Voertuie word geensins op die strand toegelaat nie en hengel ook nie snags nie. Toegang tot Quoinpunt is streng verbode, en Die Dam-oord is onder munisipale bestuur en nié deel van die Agulhas- nasionale park nie.…