Sommaire pour 2 April 2026 de Landbouweekblad

Werkskepping Die grootste werkskeppingspotensiaal in die landbou is arbeidsintensiewe besproeiingstuinbou. Dit is die gevolgtrekking van ’n studie deur News24 oor hoe die sektor 200 000 nuwe werksgeleenthede oor die volgende dekade kan skep. Boerdery met sitrus, bessies, avokado’s en makadamias skep veel meer werksgeleenthede per hektaar as graan of vee, volgens die skrywers van die studiestuk. Boere kan egter nie boorde aanplant as hulle nie minstens 30 jaar-grondhuurkontrakte of duidelike eienaarskap met waarborge van watertoegang het nie. Die studie lys nege subsektore waar vinnig uitgebrei kan word, waaronder pluimvee, groente, hoëwaardegewasse met ’n kort siklus, dierevoer en kleinskaalse suiwelproduksie.…

Net ’n krisis — werklik of verbeel — bring ware verandering, het Milton Friedman, seker die invloedrykste ekonoom van die 20ste eeu en die grootste voorstander van die vryemarkekonomie, gesê. Dink net daaraan. Bewaringsbewerking het eers werklik vastrapplek in die Wes-Kaap gekry ná ’n bitter nat seisoen toe daar ’n krisis van verspoelde lande was. En rip-op-die-ry-bewerking in die Wes-Vrystaat was ’n verbete poging om die krisisse van grondverdigting en winderosie hok te slaan. Is enige landboutegnologie nie net ’n manier om die nimmereindigende krisis van die landbou se kosteknyptang te ontglip nie? Op Graan SA se jaarkongres was die diepte van die landbou se probleme duidelik. Buiten die uitdagings weens bek-en-klouseer is daar ook die lae kommoditeitspryse vir alles van graan tot aartappels. Al dié probleme word deur die…

DIE publiek kan help om die stortvloed aansoeke om prospekteer- en mynregte in die Noord- en Wes-Kaap teen te staan deur kommentaar te lewer daarop. Protect the West Coast (PTWC), ’n nieregeringsorganisasie wat hom daarvoor beywer om die burgerlike samelewing met inligting te bemagtig om hul teenkanting teen onregverdige mynbedrywighede te toon, skryf in sy jongste nuusbrief daar is sedert begin vanjaar reeds 48 sulke aansoeke ingedien. Sewe van die aansoeke se sperdatum het vroeg in Maart verstryk of het einde Maart, teen druktyd, verstryk. Die organisasie beskryf die 48 aansoeke wat reeds vanjaar in die Noord- en Wes-Kaap ontvang is, as “ ’n ongekende en vreesaanjaende opwelling” wat nie veel goeds inhou vir dringende pogings om die kumulatiewe maatskaplike en omgewingsimpakte van mynbou te keer nie. “Openbare deelname is…

DIT is altyd maklik om te sien hoeveel kos ’n ton mielies op die mark of ’n bakkie by ’n handelaar, “maar waar sien ek die aanbevole prys van ’n inset?” het Richard Krige, voorsitter van Graan SA, in sy voorsittersrede op die 2026-kongres van Graan SA gevra. “En hoekom moet die kommissie (wat verdien word) op ’n polis verklaar word, maar nie dié op insetverkryging nie?” Krige het gesê hy het onlangs verneem dat ’n agent kommissie van R1 500 per ton ureum wat hy verkoop het, verdien. “Is dit regverdig?” Amerika en Israel se oorlog teen Iran en die impak daarvan op insetkoste en die internasionale oliepryse is van die kwessies waaroor boere en ander gaste op die kongres groot kommer uitgespreek het. Wintergraanboere begin binnekort met bewerkings…

DIE appèlhof het op 17 Maart die appèl van Carel van der Merwe, insolvente Noord-Kaapse veeboer, sy vrou, Shanie Taljaard, en Curro Consultancy, waarvan Taljaard ’n direkteur is, teen die Land- en Landbou-ontwikkelingsbank van Suid-Afrika (Land Bank) van die rol verwyder. Regter J.E. Smith, ondersteun deur regter Yvonne Thokozile Mbatha en waarnemende appèlregters Majake Mabesele, Evette Fiona Dippenaar en Avinash Govindjee, het bevind dat die vroeëre uitspraak in die hooggeregshof in Kimberley nie appelleerbaar is nie. In die betrokke uitspraak is bevind die Land Bank het verskyningsbevoegdheid om die likwidasie en sekwestrasie van die betrokke entiteite te versoek. Die saak het gespruit uit ’n poging deur die appellante Van der Merwe en Taljaard om ’n tussentydse interdik te verkry om die likwidasie- en sekwestrasieprosesse van die maatskappye Project Multiply en…

Adv. Charles Lloyd het gesê die boer wat wette en prosesse verstaan, vermy nie net self vervolging nie, hy versterk ook sy vermoë om geregtigheid na te jaag. “Dit is tog maar elkeen se plig om te help dat hierdie land oorleef, en dit begin by geregtigheid. “As ons na plaasmoorde kyk, is selfverdediging ’n regverdigingsgrond. As jy die slagoffer van ’n plaasaanval is, mag jy jouself verdedig, maar dit is nie ’n lisensie om self die wet te oortree nie. “Jy móét gaan vasstel en leer wat die perke van selfverdediging is. As jy ’n vuurwapen besit, het jy reeds ’n voorsmaak gehad van wat selfverdediging vereis toe jy die opleidingsdokumentasie vir die aansoek om jou vuurwapenlisensie moes invul.” In sake waar iemand uit selfverdediging opgetree het, vra Lloyd…

Teen die muur in die kantoor op die plaas Tweeddale is daar ’n slagspreuk wat lui: “Omset is ydelheid, wins is verstandigheid.” Dít som presies op hoe Richard Armstrong al die afgelope dertig jaar boer. Hier, tussen die golwende heuwels van Cathcart, bedryf Richard, Voermol se nasionale Skaapboer van die Jaar vir 2025, die Tweeddale Dohne-Merino-stoetery. Hierdie derdegeslagboer het al as klein seuntjie intens in boerdery belang gestel en wou nooit iets anders doen nie. Hy en sy vrou, Mandy, vorm ’n gedugte span wat datagedrewe inligting gebruik om hul gemengde skaap-en-beesboerdery jaar ná jaar doeltreffender en winsgewender te maak. Diversifikasie in hierdie deel van die Oos-Kaap met sy strawwe winters en sneeu (Tweeddale is 1 500 m bo seevlak) is moeilik. Boonop moet boere ook gereeld verwoestende veldbrande en…

Op 28 is Lochner Eksteen van Melkbosfontein by Piketberg een van Suid-Afrika se top-jongboere. Maar eintlik is hy glad nie ’n “jong” boer nie, want in ’n Landbouweekblad-artikel van 2011 het sy pa, Hannes, al genoem van Lochner (toe 13) se boerdery met 120 Pedi-skape. Vandag is Lochner saam met sy pa een van die top-telers van Nguni-beeste, met hul Exteen Nguni’s-stoetery wat met ’n hele rits nasionale toekennings spog. Exteen Nguni’s is in 2024 aangewys as die beste vleisbeesverbeteringskudde in die land. Hulle het meegeding teen voorste Bonsmara-, Brahman-, Simbra- en Santa Gertrudis-stoetkuddes. (Sien ook die KASSIE.) Lochner, ’n finalis in Agri Wes-Kaap se Jongboer van die Jaar-kompetisie vir 2022 toe hy nog maar 24 was, is vandag die voorsitter van die Wes-Kaapse Nguni-klub, wat deel vorm van die…

Die koste daarvan om “skoner kos” te produseer, raak laer, hoewel dit langer duur as waarop gehoop is. Dit was ’n proses om tot hier te kom, sê Candis-Ann van Druten, organiese graan-en-varsprodukteboer van die Vrystaat. Sy was een van die sprekers tydens ’n gespreksessie oor wanneer verbruikers genoeg sal wil betaal vir skoner voedsel tydens Landbouweekblad se herlewingslandboukonferensie op Reitz. Sy het voorheen in die farmaseutiese bedryf gewerk, maar moes ’n ommekeer in haar lewe bewerkstellig nadat sy siek geword het en geen chemiese medikasie haar gesond kon maak nie. Sy het haar agtergrond gebruik om die molekules van kos te bestudeer en het organies begin boer. Nou verkoop sy direk aan verbruikers en 50-60% van haar produkte word gekoop deur mense met lewensgevaarlike siektes. “Kos vorm ’n integrale…

In die Reitz-distrik in die Oos-Vrystaat het boere soos Danie Slabbert begin om weg te beweeg van konvensionele chemiese gifstowwe vir rotbestryding. Met natuurlike roofdiere, soos uile, jakkalse en reiers, wat ál minder in die veld voorkom, het die springhaasrotgetalle die afgelope dekade skerp toegeneem tydens die mielieplanttyd. Willem van den Berg, plaasbestuurder op Danie se plaas Van Rooyenswoning, en saam met Danie lid van die Riemland-studiegroep, vertel dat hulle doelbewus gekies het om rotte sonder gif te bestry om die natuur én hul oeste te beskerm. Een van hul suksesvolste innovasies is die selfgeboude rotgeweer, ’n toestel wat ’n beheerde ontploffing skep deur asetileen en suurstof te kombineer. Dié ontploffing word in die rotgate gerig om die plaag by die bron uit te knikker, sonder dat enige gifresidu wat…

Proteïen-melkdrankie wat jou woema gee Om van vroeg tot laat op die plaas te werk, kan ’n boer se energie tap. Woodlands Dairy, ’n Oos-Kaapse vervaardiger van suiwelprodukte, het twee nuwe melkgegronde drinkgereeddrankies wat jou weer energie kan gee, terwyl jy boonop die plaaslike melkbedryf ondersteun. Die nuwe First Choice High Protein Max en die herformuleerde First Choice High Protein Recovery is volgens plaaslike verbruikers se voorkeure en internasionale gesondheidsneigings ontwikkel. Marisa Maccaferri, bemarkingshoof van Woodlands Dairy, sê daar is ’n groeiende neiging onder verbruikers om funksionele drankies met gesondheidsvoordele te koop, waarvan drankies met ’n hoë proteïeninhoud die gewildste is. High Protein Max bevat 27 g proteïen per 250 ml-boksie, 6 g of meer verlengdeketting-aminosure, magnesium, agt verskillende B-vitamiene en kalsium, en het ’n hoë energie-inhoud. Die herformuleerde High…

Plaagweerstand werk byna soos om met beeste te teel. Die verskil is dat ’n produsent in dié geval onbewustelik vir “goeie plaagteelmateriaal” selekteer wanneer dieselfde plaagdodergroep herhaaldelik gebruik word. Elke keer wanneer ’n plaagdoder toegedien word, vrek die vatbares in die bevolking, terwyl die sterkeres oorleef. Mettertyd bly net dié oor wat weerstand bied, en plaagdoders uit daardie spesifieke groep raak ál minder doeltreffend. Dit is dus noodsaaklik dat die landbou die gebruiksduur van beproefde plaagdoders beskerm en verantwoordelik bestuur. Philagro SA bied twee produkte wat produsente kan help om weerstand beter te bestuur – Di-Pel® DF en SumiPleo®. DiPel® DF is ’n organies gesertifiseerde bio-insekdoder vir die bekamping van verskeie Lepidoptera-wurms. Die produk is uiters selektief en teiken spesifiek Lepidoptera-wurms. DiPel® DF bevat die oorspronklike Bacillus thuringiensis var. kurstaki,…

Sluitingsdatum: 16 April 2026 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Waterbron Lees op bl. 88 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 89 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 16 April 2026. Geen posstukke…

Die TABEL toon grondtransaksies groter as 10 ha in Limpopo, Gauteng en KwaZulu-Natal vir die 12 maande tot November 2025, met gemengde prysbewegings in dié drie provinsies. In Limpopo is 586 transaksies oor 12 distrikte gesluit, met 232 605 ha wat teen altesaam R3,785 miljard verhandel is. Gunstige prysneigings is opgemerk by Soekmekaar (5,3%), terwyl pryse veral by Alldays (-12,1%) en Burgersfort (-11,7%) gedaal het. In Gauteng is 481 transaksies oor vier distrikte gesluit, en 67 331 ha is teen altesaam R3,166 miljard verhandel. Nigel het uitgeblink met goeie verkope (16,6%), terwyl pryse veral by Carletonville (-11,2%) gedaal het. In KwaZulu-Natal is 376 transaksies oor 13 distrikte gesluit, met 109 548 ha wat teen altesaam R3,836 miljard verhandel is. Port Shepstone (20,6%) en Jozini (19,6%) was die uitskieters. Ongunstige prysneigings…

PRODUKSIEVEILING BKS-spook demp nie veiling van Vredesig & Vriende ’n Ram met besonder hoë indekse was die duurste Suffolk op die Vredesig & Vriende-produksieveiling by die Be Human-sentrum noord van Bloemfontein. Die ram, 375 240116, van Johnny Forbes van Vredesig Dormers & Suffolk by Darling is vir R47 500 aan Gert en Leslé Malherbe van Gersuré Suffolks by Hertzogville verkoop. Die Malherbes was een van twee genooide verkopers wat weens bek-en-klouseer nie hul skape kon aanbied nie. Johan en Linette Goosen (GSS Suffolks, Hertzogville) was die ander en het die duurste ooi van Forbes vir R28 000 gekoop. BKB Kroonstad het die veiling aangebied, met Jan Mostert as afslaer. — JOHAN NORVAL Klok lui vir oulaas vir Circle C Ranches DIE verkoop van ’n mega-veeboerdery op die plaas Welgegun, Excelsior,…

BYEENKOMSTE 15 APRIL: 2026-NWRPO-kongres. Tema: Volhoubaarheid begin by jou plaashek. The Barn, Senwes-hoofkantoor, Klerksdorp. Navrae: Wanda Potgieter, 083 660 2590, e-pos: rponw@rpo.co.za 15-16 APRIL: A-Z-pekankonferensie. Dendron-boerdery, Orania. Navrae: 087 092 6618, WhatsApp 063 991 4408, e-pos: a-z@pekan.co.za. Web: azpekan.co.za 22-23 APRIL: Landbouweekblad se herlewingslandboukonferensie op Ottosdal. E-pos: events@landbou.com. Kaartjies op: quicket.co.za 21 MEI: 66ste jaarlikse Fertasakongres. Blaauwberg Beach Hotel, Kaapstad. Navrae: Hermien Wouda, 012 349 1450, e-pos: hermien@fertasa.co.za 25-29 MEI: Hortgro- tegniese simposium met kern- en steenvrugvelddae. Lord Charles-hotel, Somerset-Wes. Navrae: Lindy Sigonyela, e-pos: lindy@hortgro.co.za 3-5 JUNIE: Agbiz-kongres. Boardwalk- internasionale konvensiesentrum, Gqeberha. Navrae: Liesel Esterhuizen, 012 807 6686, e-pos: liezl@agbiz.co.za REGDEUR DIE JAAR: Agri-Wes-Kaap se streekkongresse. 8 April: Beaufort-Wes. 9 April: Oudtshoorn. 14 April: Ceres. 15 April: Paarl. 15 April: Malmesbury. 21 April: Clanwilliam/Agter-Pakhuis. Navrae: 021 860 3806. FEESTE 24-27 APRIL: Clarenskunstefees.…

Kragverbruikers Die energiereguleerder Nersa het Eskom se kleinhandelelektrisiteitstariewe vir die 2026-’27-boekjaar goedgekeur. Dit is ’n gemiddelde verhoging van 8,76% vir direkte Eskom-kliënte en 9,01% vir munisipale kliënte. Volgens Nersa sal die 8,76%-verhoging vir Eskom se direkte kliënte van 1 April af geld, terwyl die 9,01%-verhoging vir munisipale verbruikers op 1 Julie in werking sal tree. Die goedkeuring kom nadat Eskom ’n sogenoemde kleinhandelstarief-struktuurhersieningsaansoek by Nersa ingedien het. Dit bepaal hoe Eskom die inkomste wat deur die veeljarige prysvasstellingsraamwerk toegelaat word, oor verskillende kliëntekategorieë versprei. Die tariewe raak ’n wye reeks kategorieë, waaronder Landrate.…

BKS en die betekenis van ubuntu WENBRIEF Met die skryf van hierdie brief is dit middel Februarie 2026. Ek boer met kommersiële en stoetbeeste en, soos duisende bees-, skaap-, boken varkboere, is ek in die greep van die mees verwoestende bek-en-klouseeruitbreking wat Suid-Afrika nóg gesien het. Ek kyk terug na die afgelope tien maande en herbesoek alles wat in dié verband gebeur het – aankondigings oor die inenting van die nasionale kudde, die taakspan en die bedryfskoördineringskomitee se aanstelling, pogings om entstowwe te verkry en die verklaring van die uitbreking tot ’n nasionale ramp. Ek volg en deel elke stukkie nuus oor beken-klouseer en praat daagliks met diegene wat hard werk om strategieë, oplossings en planne te ontwikkel. Ons het lank voor die president dit tydens sy staatsrede aangekondig het,…

SODRA ’n moontlike groot prysverhoging in brandstofpryse vir ’n maand voorspel word, ontstaan daar altyd ’n bottelnek in brandstofvoorraad sowat twee weke voor die tyd. “En dít gaan oor wins. Die vloei word ’n bietjie gewurg om voorraad te rek, terwyl almal hul tenks wil vol hê voor die verhoging – wat normale vraag en aanbod is. “Wat gebeur as ’n oorlog uitbreek wat moontlik 20% van die wêreld se olie en brandstof bedreig? Onsekerheid laat die olieprys styg, maar paniek-aankope kom ook voor, wat die vraag wêreldwyd die hoogte laat inskiet, want almal soek meer as hul normale behoefte.” Pierre van Eeden, ’n medeeienaar van ’n FEULit-brandstofstasie op Kroonstad en ’n boer van die distrik, verduidelik gebeure aan die hand van hul eie situasie. Hy sê dit is belangrik…

DIE departement van landbou het meer as 30 poste ingevolge die Wet op Misstowwe, Veevoedsel, Landboumiddels en Veemiddels (Wet 36 van 1947) geadverteer en 28 van dié poste sal na verwagting gevul word, aldus minister John Steenhuisen. Dié stap is deel van die departement se pogings om die probleme om byvoorbeeld nuwe saadtegnologie in Suid-Afrika geregistreer te kry, op te los. Die proses om nuwe saadtegnologie, soos ’n nuwegeslag-BT-geen by mielies, te registreer, kan 5-12 jaar duur, sê Johan Bibbey, kommersiële hoofbestuurder van Dekalb Saad Suid-Afrika. Hy verduidelik dat die proses lank kan duur omdat die saadmaatskappy sy eie ontwikkelingsproses moet naspoor om die nuwe tegnologie te registreer, maar ook omdat dié proses in die kantoor van die registrateur van Wet 36 kan sloer. Verder het talle belanghebbendes in die…

Die minister van finansies, Enoch Godongwana, het einde Februarie die staatsbegroting vir die 2026-’27-boekjaar aan die parlement voorgelê. Dit sluit ook projeksies van besteding vir die volgende drie jaar in. Hierdie begroting is een van die beteres in seker twee dekades. Dit is die eerste keer in 17 jaar dat daar ’n sogenoemde primêre surplus is (inkomste teen uitgawes), maar voor staatskuld gediens moet word. Dit is beter ná verlede jaar se fiasko van drie begrotings en ’n voorstel vir ’n BTW-verhoging. Die staat se inkomste was die afgelope boekjaar meer as begroot, hoofsaaklik as gevolg van goudmyne se hoër belasting en beter invorderings deur die kommissaris. Staatskuld neem nog toe, want die staat bestee meer as sy inkomste, maar relatief tot die grootte van die ekonomie (skuld as %…

Die Amerikaanse mielieboer Kevin Kalb het sy winsgewendheid verbeter toe hy die manier waarop hy boer, verander het. Die krisispunt vir hom was in 2016, toe sogenoemde suidelike roes (Puccinia polysora), ’n hoogs vernietigende en vinnig verspreidende swamsiekte, sowat die helfte van sy oes vernietig het. Hy het besef hy boer op te veel grond wat hy nie alles reg kon bestuur nie. Hy het sowat 500 hektaar wat hy gehuur het, prysgegee en besluit om hom toe te spits op sy eie grond en dit reg te bestuur. Kalb was die hoofspreker op Graan SA se onlangse jaarkongres by Nampo-park buite Bothaville in die Vrystaat. Hy boer met mielies naby Dubois in Indiana, en is die wêreldrekordhouer vir droëlandmielies. Sy hoofboodskap is dat boere waarskynlik in die meeste gevalle…

Wamakertjie nou ’n probleeminsek in kernvrugteboorde Die rooi wamakertjie, ’n bekende insek vir die meeste boere, is toe nie so onskadelik soos aanvanklik gedink is nie. Dit is ’n probleeminsek in sommige kernvrugteboorde en kan ernstige skade veroorsaak, veral in peerboorde. Sommige boere dui selfs skade van meer as 50% in hul boorde aan, het AC Kleynhans in ’n voorlegging aan boere gesê tydens Hortgro se jaarlikse boordstapgeleentheid in die Langkloof. Kleynhans het in sy navorsing vir ’n meestersgraad aan die Universiteit Stellenbosch die skade en bestuur van die wamakertjie (Cenaeus carnifex) ondersoek. “Ons het gesien hier is iets fout. Dit is ’n insek wat almal ken en wat nie veronderstel is om skade aan te rig nie, maar dit veroorsaak wel skade,” het prof. Wiehann Steyn, hoofbestuurder van Hortgro…

Boere, kwekerye, kleinhandelaars en landboukundiges kon op een van die boeredae van Sakata Seed South Africa eerstehands sien watter nuwe groentekultivars moontlik binnekort in die mark beskikbaar sal wees. Dié boeredae einde Februarie, op Sakata se perseel by Lanseria, konsentreer doelbewus nie net op bestaande kommersiële kultivars nie, maar veral op dié wat nog hul opwagting gaan maak. Só kry boere ’n voorsmakie van teelmateriaal wat in die volgende paar jaar hul produksie kan beïnvloed. Volgens Monica Brits van Sakata word die boeredae tans elke tweede jaar aangebied, juis omdat die ontwikkeling van nuwe kultivars tyd kos. “Tussen proefaanplantings, veldtoetse en registrasie kan dit verskeie seisoene duur voordat ’n nuwe kultivar kommersieel beskikbaar is. Die dae is dus ’n waardevolle platform waar boere die jongste teelmateriaal in die veld kan…

Ontbytquiche met tortilla-kors Wie is nie lief vir ’n lekker quiche nie? Maar niemand wil Paasnaweek staan en tertdeeg blind bak nie. Met hierdie maklike kortpad maak jy quiche in ’n kits. ’n Sagte tortilla uit ’n pakkie is al wat jy nodig het. Gebruik enige vulselkombinasie waarvan jy hou. Hierdie resep is ’n fantastiese manier om daardie bietjies oorskiet-kouevleis en groente in die yskas op te gebruik. 2 sagte, groot volgraantortillas (van ongeveer 30 cm)  3-4 Frankfurters, gesnipper  4 groot bruinsampioene, gesnipper  20 ml botter  300 g kersietamaties  8 ekstragroot eiers  200 ml melk Sout en varsgemaalde swartpeper na smaak  Vars pietersielie of roket, en fyngerasperde parmesaankaas om oor te sprinkel Voorverhit die oond tot 180 °C en smeer twee ronde tertborde van 20 cm met olie, of spuit…

Dit is altyd ’n voorreg om met mense te gesels wat die pad van die lewe suksesvol gestap het. Dit is ’n goedkoop, maar doeltreffende manier om te leer, kennis te versamel en wysheid aan die dag te lê. Nie so lank gelede nie het ek ’n suksesvolle sakeman gevra: “Wat sal jy sê was die geheim van ’n suksesvolle loopbaan?” Hy moes stellig die vraag al voorheen beantwoord het, want hy het sonder veel aarseling geantwoord: “Ek was nie so slim soos sommige dink nie. Ek het ook nie so danig hard gewerk nie, maar ek het die vermoë gehad om die regte mense op die regte tyd aan te stel om opdragte uit te voer. Kortom gesê: Ek het myself met bekwame mense omring. ’n Groot geheim is…

DIE wolpryse se opmars gaan voort en wol verhandel tans op bykans rekordvlakke deurdat dit sedert die begin van die seisoen met ’n allemintige 44% gestyg het. Die Cape Wools Merino-aanwyser het op die 24ste veiling van die seisoen tot sy naashoogste vlak van R252,19/kg gestyg. Die hoogtepunt was toe dié aanwyser R253,82/kg op die derde veiling in die 2018-’19-seisoen bereik het. Die styging is ondanks die rand wat aansienlik sedert die eerste veiling van die seisoen versterk het. Die prysstygings in 2018 is aangedryf deur ’n verswakking in die rand, sowel as droogtetoestande wat die Australiese produksie geknou het. Soortgelyke prysstygings is ook sedert die aanvang van die seisoen in Australië te sien. Die Australiese EMI was op 5 Maart 44% hoër as ’n jaar gelede. Weens droogtetoestande het…

GAUTENG CARLETONVILLE HAASKRAAL (490) 45 ha, aan Mlambo Family (Edms.) Bpk., van J.F. Williams, R2 800 000. KLIPDRIFT (422) 8 655 m2,en KLIPDRIFT (422) 45 ha, aan Image Design Steel Works (Edms.) Bpk., van Ukubusisa Contractors (Edms.) Bpk., R1900000. KOEDOESFONTEIN (478) 32 ha, aan A.M. Cilliers en Z.J. Cilliers, van M. Polimac, R3000000. KOEDOESFONTEIN (478) 55 ha, aan A.M. Cilliers en Z.J. Cilliers, van M. Polimac, R1100000. KOEDOESFONTEIN (478) 86 ha, aan Main Road Centurion 30248 (Edms.) Bpk., van A.M. Cilliers en Z.J. Cilliers, R5000000. TWEEFONTEIN (523) 259 ha, aan Agri Verwerkings (Edms.) Bpk., van C.F. Schalekamp, R830000. PRETORIA BOVENEIND GROENFONTEIN (126) 21 ha, aan A. Scheepers en G.J. Scheepers, van J.M. Olivier, R4100000. RIETFONTEIN (366) 22 ha, aan A S J Partners (Edms.) Bpk., van J.I. Kruger, R2 700…

Brückner sê Suid-Afrika kan die volgende lesse by Brasilië en Bolivië leer: ■ Hoewel die twee lande verkies het om nie hul bek-en-klouseerprogramme in aanloop tot hul uiteindelike doel van siektevry sonder inenting amptelik deur die WOAH te laat erken nie, sal dit Suid-Afrika baat om amptelike erkenning by die WOAH te verkry vir sy 10-jaarplan. Dan sal Suid-Afrika verplig wees om jaarliks verslag te doen oor vordering met die program en oor hoe die doelwitte bereik word, asook om momentum en doelgerigtheid te behou. Dit sal ’n gunstige boodskap na Suid-Afrika se handelsvennote uitstuur. ■ Die huidige strategie om so gou en soveel moontlik diere (veral beeste) teen die siekte ingeënt te kry, moet aangemoedig word. Soos in Brasilië sal daar egter weggedoen moet word met voorbehoude oor wie…

VOLGENS prof. Juan Vorster van die UP bied die onkruid misbredie (Amaranthus hybridus) ál meer weerstand teen albei onkruiddodergroepe – glifosaat en ALS. Dit is kommerwekkend gegewe dat dit ook ’n probleem is om behoorlike samewerking in die bedryf te kry om dié probleem te pak en daar ’n groot gebrek aan navorsingskapasiteit oor onkruiddoderweerstandigheid in Suid-Afrika is. Vorster is betrokke by die Suid-Afrikaanse inisiatief vir onkruiddoderweerstandigheid (SAHRI) wat besig is met ’n navorsingsprojek in die hele Suider-Afrika om monsters uit verskillende lande te versamel. Volgens hom is daar ’n besliste toename in misbredie in die streek wat teen veelvoudige onkruiddoders weerstandig is. Dit staan bekend as MHR (multiple herbicide resistant). Agente of boere stuur monsters aan die SAHRI, wat die inisiatief monitor en pogings koördineer om die verspreiding van…

Die begrotingsrede van die minister van finansies, Enoch Godongwana, in Februarie vanjaar was ’n welkome briesie. Dit het nie die antwoorde vir ál Suid-Afrika se probleme verskaf nie, maar dit was ’n duidelike aanduiding dat die land sy grootste moeilikheid oorkom het. Of só het dit gelyk. Ongelukkig is dit deesdae duidelik dat ’n maand ’n baie lang tyd in internasionale politiek kan wees. Met Israel en Amerika se aanval op Iran het ’n klomp veranderlikes hul naam gestand gedoen en die situasie verander. Olie het deur die vlak van $100 per vat gebars, die rand het verswak en die risiko vir inflasie in Suid-Afrika het verhoog. Die gevolg is dat enige rentekoersverlagings vir eers van die baan is. Die land sal ook meer moet betaal aan skuld as wat…

Argentinië is een van die voorlopers wat sonneblomproduksie betref en word as die wêreld se voorste uitvoerder van sonneblomolie beskou. Syngenta Saad het onlangs ’n groep boere na dié land geneem om te kyk wat hulle uit produksiepraktyke daar kan leer. Benewens Argentinië se rol as een van die wêreld se grootste sonneblomprodusente word dié land se sektor ook gekenmerk deur ’n sterk verwerkingsbedryf, met ongeveer 90% van die sonneblomgraan wat in olie-ontginningsaanlegte verwerk word. Syngenta Saad het ’n groep boere op ’n sonneblomstudiereis na dié land geneem met die uitsluitlike doel om met plaaslike boere en bedryfskenners te gesels. Om die bespreking meer prakties te maak, het die groep, bestaande uit produsente en verteenwoordigers in die bedryf, Syngenta se eksperimentele aanleg op Camet besoek. Camet is ’n dorp in…

Wat is die geskiedenis van jul eierboerdery? Op Spring View konsentreer ons daarop om natuurlik saam met die grondvoedselweb te boer, met ander woorde om op te bou vanaf wortelvlak. Ons oes ons fonteinwater en versprei dit met ’n kombinasie van sonkragpompe en swaartekrag. Ons wou die grondvoedselweb verbeter en het ’n buurplaas se tuisskoolprojek met vrylopende henne, wat verder uitgekring het as wat die aanvanklike plan was, oorgeneem. Vrylopende henne pas by ons natuurlike boerderyfilosofie waar die uitset van een stelsel as ’n inset in ’n ander stelsel gebruik word. Kan jy ’n voorbeeld daarvan gee? Ons maak houtkerfsels van indringerplantegroei op die plaas en versprei dit in die hoenderhokke, waar dit met die hulp van ons henne se vlugtige voetwerk met hoendermis gemeng word. Dié mengsel word dan…

Wanneer het jy besef jou naaldwerk kan tot ’n suksesvolle besigheid lei? Naaldwerk is ’n vaardigheid wat uitsterf onder jong mense, maar almal het ietsie in hul kas wat stukkend is of verstel moet word. Aanvanklik het ek vir my vriende klere reggemaak en toe agtergekom daar is ’n groot vraag na so ’n diens en dat ’n mens wel ’n inkomste daaruit kan genereer. Ek kan nie voorbly nie, en dis vir my bevredigend om ’n tweede asem aan ’n stukkende broek te gee. Waar het jy die vaardighede geleer? Toe ek in 2013 agter my man, Daniël, Karoo toe trek van Potchefstroom af, het ek niks geweet van boervrou-wees nie. Die beste besluit wat ek kon neem, was om by die VLV aan te sluit. Daar het ek…