Inhaltsverzeichnis für 2026-04-13 in Isolezwe

SCANDAL! U-BLESSED uzama ukuthola uTlhogi futhi usekulungele ukuthi amenzise konke akufunayo uma emthola. UKedibone uthatha isinqumo esikhulu mayelana nendodana yakhe. UVuvu unikeza uLelo umnqamulajuqu. UDarlene uqamba amanga njengoba ezibona eseduzane noTlhogi kodwa uTintswalo usabisa ngokulikhuluma njengoba linjalo iqiniso. UBotsotso uzama umzamo wokugcina wokuthi athole ukukhululeka. NoKedibone akukho okumele akwenze njengoba sekumele akhulume iqiniso. UTlhogi uyayizwa ingcindezi isondela kanti uVictor ukhuluma ngenkululeko okungenzeka ingafiki ngalokhu akulindele. UVictor ukhuluma into eshiya abaningi bemangele ngokwenziwe uTalitha okuthinta icala. UPoet uqala ukubona okuhle kuVukosi kodwa ubuhlungu bukamama wakhe buvala konke okuhle asebekwenzile. ULinda ubona ukuthi usekhulume indaba obekungamele ayikhulume futhi akukho asengakuphindisela emuva manje. UKgalalelo akamkhulumisi uNtuthuko futhi noNina uvula amehlo uma uTalitha ethatha isinqumo ngekusasa likaVictor. HOUSE OF ZWIDE UPALESA uyahlukana noNkosi, uveza ukuthi ukugxekwa umphakathi nabantu ezinkundleni zokuxhumana kube kuningi…

AVEZE ukuthi isiqalo sabo esisha sothando ukuzibophezela emshadweni, osaziwayo bakuleli uKhuli Chana noLamiez Holworthy, izolo, okusabalale izithombe zabo njengoba beziwushaya. Laba abaneminyaka bethandana, umshado wabo udonse izinsuku ezintathu njengoba kuvele ukuthi uqale ngoLwesihlanu, eNorth West. ULamiez uveze ukuthi akuthanda kakhulu ngomyeni wakhe ukuthi uthanda izingane zakhe. Uthe ehlangana naye, wayenendodakazi eneminyaka emihlanu, afike wayithanda njengeyakhe. "Bengihlala ngiyintombazane egxile emthandazweni kakhulu, kuningi ebengikuthandazela ngibeke isikhathi sokuthi kwenzeke, ngempela kwenzeke ngendlela ebengifisa ngayo. Umyeni wami ungikhombise uthando ngendlela ebengingayilindele. Ngangithi ungumuntu nje wesilisa ozodlala ngami kodwa izinto azenzile siqala ukuthandana, zibe zinkulu kakhulu. Ungikhombisile uthando," kusho uLamiez. Uveze ukuthi kuningi angabe uyakusho ngomyeni wakhe okuhle amenzele khona kodwa ngokugcina enze isethembiso somshado ayemthembise, sona uyohlala emthanda, emhlonipha. UKhuli Chana, ogama lakhe langempela uKhulane Morule, uthe yisiqalo sempilo yabo lesi kwezothando. Uthe uyamhlonipha…

MHLELI: Kwelakho ngicela ungiphe isikhala ngivuselele unembeza kulo mfokazi ocisha ugesi KwesakwaMthethwa ngaphansi kukaMasipala uMfolozi. Mhleli leya nto eyenzeka KwesakwaMthethwa iyisihluku esibi impela esenziwa ngocisha ugesi. Kulezi zinsuku ucisha ngo-5 ntambama ubuye ngo-9 ebusuku, bese kuyasa ngakusasa lishone nelanga uphinde ucishe ngo-5 ekuseni. Lokhu kusho ukuthi uba nelanga elilodwa lapho ongacishi khona. Ngabe mfokazi ocisha ugesi nawe uhlala khona? Uhamba kanje ngoba uhamba Kwesakwamthethwa ugesi okanye yithina sithatheka kancane? Ugesi wethu kwaba nomoya uyanqamuka izintambo ngapha koCinci, kwaduma izulu uyahamba futhi kuyenzeka uhambe usuku lonke okanye izinsuku ezimbili kuya kwezintathu, kuze kungenelele iMeya uBhengu. Kodwa ngelanga obuya ngalo uphinde uhambe futhi ngo-5 ntambama. Ngabe mfokazi usuke ungenalo ulwazi lokuthi kade usifele ugesi njengoba wena njengomcisheni uvele ucime nje noma unamahora amabili ubuyile? Ngiyakucela qhawe lami, ibe nonembeza. Angiboni usenza okutshelwa…

UZITHAKASELE umndeni izindaba zokuboshwa kobeyisoka lowesifazane obulawe ngesihluku ngeledlule, eNkwezane, eDoringkop, KwaDukuza, izolo. Ngokusho kukadadewabo kamufi, uNksz Kholeka Mthethwa, umsolwa ubhadanywe amaphoyisa eMelmoth, lapho okuthiwa ubebhace khona. Ubebaleke kulandela isigameko sokugwaza aphinde anqume uNksz Happy Mthethwa (35), ngeSonto eledlule. UNksz Mthethwa utshele Isolezwe izolo, ukuthi kubajabulisile ukuthola lezi zindaba ngesikhathi kusaqhubeka inkonzo yomngcwabo kamufi. “Izindaba zifike ngenduna yendawo, ethe itshelwe ngamaphoyisa ukuthi ayisidlulisele lo myalezo njengoba thina besingatholakali. Sijabule ukuthi lithi liya phansi ibhokisi likadadewethu, naye zibe sezimkhalele,” kusho uNksz Mthethwa. Uthe babone injabulo nasebusweni bezingane zikamufi uma kuvela eyokuthi sezimkhalele umsolwa. Uthe njengoba ezovela enkantolo, abakulindele ukuthi inkantolo imdedele ngebheyili umsolwa ngesihluku asenze kumufi. “Sizobe sigcwele khona nomphakathi siyosho ngazwi linye ukuthi akangadedelwa nhlobo ngebheyili. Sifuna abolele phakathi,” usho kanje. Umufi kuthiwa ubesanesikhashana esincane efudukele eGoli, ukuyozama amatoho. Kuthiwa…

UHLABE ikhwelo uMphathiswa wezokuThutha KwaZulu-Natal, uMnuz Siboniso Duma, lokuthi babhoboke labo abathola izincwadi zokushayela ngomgunyathi. UDuma uthe ngalokhu bahlose ukuqeda ngenkohlakalo ekukhishweni kwezincwadi zokushayela esifundazweni. Uthe bacabanga ukuthi kube nesigungu esicishe sifane naleso sangesikhathi sobandlululo, lapho kwakukhulunywa amaqiniso ngokwenzeka. "Sifuna ukuqeda isidleke senkohlakalo ekukhishweni kwezincwadi. Isigungu sizofana neTRC (Truth and Reconciliation Commission), lapho kuzobikwa khona ukuze silwe nale nkinga." Uthe bazothathela izinyathelo labo abazotholakala ukuthi benza lo mkhonyovu. Okhulumela uDuma, uMnuz Ndabezinhle Sibiya, uthe uphenyo luzobheka nabezikole ezifundisa ukushayela. "Kuzobhekwa nabasebenza ezikhungweni ezikhipha izincwadi eMnyangweni, nakomasipala. Abazotholakala ukuthi bayabandakanyeka kulo mkhonyovu, bazoyikhotha imbenge yomile," kusho uSibiya. Uthe kancane kuyavela ukuthi abenza izingozi emigwaqweni, abanye izincwadi zabo bazithola ngomgunyathi. Kwenzeka lokhu nje, ngeledlule esikhungweni eMkondeni, eMgungundlovu, kuboshwe obefundela ukushayela kanjalo "nothisha" wakhe wakwesinye sezikole esifundisa ukushayela. USibiya uthe kunethimba elihlanganisa izinhlaka…

MQEQESHI we-Orlando Pirates, u-Abdeslam Ouaddou, unethemba lokuthi iRichards Bay FC izokwazi ukubenzela “ufefe” ngokubabambela iMamelodi Sundowns ukuze ingavuli kakhulu igebe esicongweni se-log yeBetway Premiership. IPirates iphinde yalahla amaphuzu idlala ngokulingana ngo 2-2 neRichards Bay ngoLwesihlanu, eMhlathuze Sports Complex, eRichards Bay. Ukulahla kwayo amaphuzu sekunike iSundowns ithuba lokuvula igebe esicongweni se-log yePremiership kwazise njengamanje la maqembu okuyiwona asembangweni wesicoco seligi asehlukaniswe yiphuzu elilodwa. ISundowns isaqhwakele ngamaphuzu awu-56 emidlalweni ewu-23, iPirates isendaweni yesibili ngawu-55 emidlalweni ewu-24, okunika iSundowns ithuba lokuvula igebe njengoba isasalele emuva ngomdlalo. AmaSandawane asayibambe kwiCaf Champions League, azobuyela kweyePremiership ngomdlalo wasekhaya neStellenbosch FC ngo-Ephreli 22, alandele ngowasekuhambeni neRichards Bay ngo-Ephreli 25, eMhlathuze.Kanti eZimnyama esezisalelwe yimidlalo eyisithupha ukusonga isizini, zizobuyela ensimini ngomdlalo wasekhaya naMaZulu FC ngoMgqibelo, e-Orlando Amstel Arena, eSoweto. “Nginethemba lokuthi iRichards Bay ingakwazi ukubamba iSundowns. Iyiqembu elihlelekile futhi…

KULINDELEKE luqale maduzane uhlelo oluzophendula imibuzo abantu abakade baba nayo, ngentokazi yaKwaNongoma kodwa ezinze eGoli, uLondie London. ULondie neMzansi Magic bamemezele ukuthi kungekudala kuzoqala uhlelo ngempilo yale ntokazi oluthi Life with Londi. Kulolu hlelo, baveze kancane ukuthi kuzophenduleka imibuzo ehlukene ngezinto ebezilokhu zivela ngale ntokazi, ezinkundleni nakwezinye izinhlelo uLondie ake aba yingxenye yazo. Le ntokazi ike yabonakala ezinhlelweni okukhona kuzo i-The Real Housewives of Durban, ne-The Real Housewives Ultimate Girls Trip: South Africa. ULondie uthe usekubheke ngabomvu ukuthi abalandeli bakhe babone ukuthi ubaphatheleni ohlelweni oluthinta yena ngqo. "Okwamanje yize umuntu engeke aveze okuningi kodwa ngithi abantu abangithandayo abalindele okuningi, okunye abakade bezibuza ngami, uhlelo luyeza kuMzansi Magic futhi luzocacisa konke abafuna ukukwazi ngempilo yami yangasese, umculo nokunye okuningi," kusho uLondie ngamafuphi. Le ntokazi ikhuluma kanjena nje, isanda kuba sematheni njengoba…

NDLUNKULU weSilo, uNomzamo Myeni Zulu, ugqugquzele izimbali zesizwe ukuba ziqinise emfundweni ukuze kuzolayeka labo abahlezi bebeka amabala amatshitshi. UNdlunkulu uthe ukuzimisela kwamatshitshi emfundweni, kuzokwenza ukuthi labo abahlezi bewakhuluma kabi baphelelwe yizinto abangazisho. Ukusho lokhu ngesikhathi ekhuluma emcimbini wezinsuku ezimbili wezintombi obuhlelwe inhlangano ecija izintombi namabhungu asakhulu, Ubuhle Bezolo Lethu Youth Development Organisation (UBLYDO). UNdlunkulu uthe abantu abaningi bahlezi behleba izintombi ngokuthi azifundile, wathi futhi bahlezi begade ukuthi ziqhuzuke. Uthe ukuqinisa emfundweni kanye nokuqhubeka nokuziphatha kahle kwezintombi kuzokwenza ukuthi inkukhu inqunywe umlomo kulabo abahlezi bezikhuluma kabi. "Bahlezi bebambe umoya kanje (esho esonga ngomunwe), bethi engathi ingaqhuzuka, bethi engathi ingalayeka ngoba isiyazitshela. Ngizothi ake sibakhombise ukuthi singobani. Asibakhombiseni ukuthi singamatshitshi asezintweni. Asibakhombise ukuthi sifundile. Asibakhombise ukuthi siyalalela. Bagade ukuthi bathi 'balibele ukuba amatshitshi, bazosiqeda nini isikole? Bahlele ukuniqeda amandla. Ake sizame ukukubalekela…

INYUNYANA yothisha iSadtu isiphakamise ukuthi ifuna ukuthi kugxilwe ekufundiseni ngomlando wase-Afrika esifundweni i-History ezikoleni zakuleli. Le nyunyana isamile ekutheni ifuna lesi sifundo sibe yimpoqo kubona bonke abafundi. ISadtu isho lokhu nje, uMnyango weMfundo eyisiSekelo, ukhiphele umphakathi ukuthi uphawule ngemigomo ethinta lesi sifundo somlando ezikoleni. UMnyango ukwenze lokhu ukuze uqinise ukufundiswa kwalesi sifundo, kusuka kaGrade 4 kuya kaGrade 12. UNobhala Jikelele weSadtu, uDkt Mugwena Maluleke, uthe bebelokhu besho ukuthi bafuna kugxilwe ekufundiseni ngomlando othinta izwekazi i-Afrika, hhayi amazwe aphesheya. "Sifuna kugxilwe ekufundisweni ngezinto ezithinta i-Afrika, kungagxilwa kakhulu ezintweni ezithinta amazwe ase-Europe. Sethemba ukuthi le migomo ekhishelwe umphakathi, nathi esizophawula ngayo nge-History, izobalula eyokuthi sibe yimpoqo lesi sifundo." Uthe uma isifundo siyimpoqo, sizokwenza ukuthi abafundi bazi la besuka khona nokuthi kwenzakalani ezweni labo. UMnuz Terence Khala oyibamba lomkhulumeli woMnyango, uthe bese kunesikhathi…

KWENAMA bekubhalwe ebusweni kumabamba abaqeqeshi beKaizer Chiefs, uCedric Kaze noKhalil Ben Youssef, kulandela ukunqoba kwaleli qembu laseNaturena, kwi-TS Galaxy emdlalweni weBetway Premiership izolo ntambama, e-FNB Stadium, eSoweto. Le wini iqinise indawo yesithathu yeChiefs kwi-log okukhuphula amathuba kaKaze naleli qembu ngokubuyela kwiCaf Confederation Cup abaphume kuyona kweyamaqoqo kule sizini. Ngenxa yayo (le wini), Amakhosi azonethezeka endaweni yesithathu kwi-log ngamaphuzu angu-42 emidlalweni engu-22 okusho ukuthi isele ngemidlalo emaqenjini angayibangisa le ndawo. UFlavio Da Silva obengomunye wabekushintshwe ngabo esikimini seChiefs nonozinti uBrandon Petersen, nguyena ovule inkundla ngegoli alingqofele enethini ngomzuzu ka-35. Ngoka-78, uGlody Lilepo ushaye elesibili leChiefs nobekungelokushayela isipikili sokugcina yize eshaye udaka kulona unozinti weGalaxy, u-Ira Tape. Kulo mdlalo obekuhlangene kuwona iqembu elisefomini enhle nelisempini yokubamba umgqigqo, iChiefs izichanasele uqala kwaze kwaba uyasongwa. Nakuba Amakhosi abegxile ekuqhamukeni ngakwesokunxele lapho bekudlala khona uLilepo…

UKUBE kayibanga nebhadi lokuhlushwa wukulimala inqokonqoko yesitobha seBanyana Banyana, uBambanani Mbane, ngabe seyafika kudala kwirekhodi lokumela iNingizimu Afrika amahlandla angu-100 emidlalweni yomhlaba. Lokhu kutshelwe abezindaba yinhloko yabaqeqeshi kwiBanyana, uDesiree Ellis, ngesikhathi ekhuluma nabo muva nje, ekhempini yaleli qembu lesizwe eRiverside Sports Club, eDurban North, eThekwini. IBanyana ikuleli dolobha lapho izodlala khona eyobungani emibili ne-Algeria kusasa nangoLwesihlanu ePrincess Magogo Stadium, KwaMashu naseKing Zwelithini Stadium, eMlaza ngokwahlukana. Leli qembu lesizwe lizwana amandla ne-Algeria nje yingoba lizicijela iWoman’s Africa Cup of Nations (Wafcon) ezokuba ngoJulayi, eMorocco. “Kuyisibusiso kumqeqeshi ukuba nomdlali ongahluphi ngalutho ngaphandle kwenkundla njengoMbane kodwa okunika konke uma engaphakathi kwayo njengaye,” kusho u-Ellis. “Kuwubufakazi nokugcina kwakhe umgqigqo ukuthi wayeyingxenye yeqembu eladla isicoco seWafcon kodwa nakulesi esahamba ibanga elide kwiNdebe yoMhlaba wayekhona. “Kumhluphile ukulimala kodwa ngaphandle kwakho ngabe kade afike emidlalweni engu-100 kwiBanyana,”…

ISIPHENDUKE indaba egudwini ezinkundleni zokuxhumana eyokuphela komshado kaThato Immaculate Mthombeni noGashwan “Gash 1” Mthombeni, ababopha ifindo likasofasilahlane emuva kokutholana endlini ohlelweni lwethevishini i-Big Brother Mzansi eminyakeni edlule. Laba bobabili babekwi-Big Brother Mzansi, eba nesiteshi sayo futhi ephinde ikhonjiswe nakuMzansi Magic ngo-2022. Kuleyo sizini kwakukhona oB.U Mthembu, Themba Mabaso, Tulz nabanye. Kwagcine kunqobe uMpho Wabadimo, uGash1 walala isibili. Akuyena kuphela uThato noGash1 ababa sebudlelwaneni emuva kwesizini yesithathu ye-Big Brother Mzansi njengoba noThemba noMpho baphenduka izithandani. Izindaba zokuphela kobudlelwano kwalezi zithandani ezinengane yomfana zidalulwe wuThato ngesitatimende. UThato, osanda kuhlukana neMetro FM njengomsakazi ngesikhathi lesi siteshi senza izinguquko ekuqaleni kwenyanga, uthe emuva kweminyaka emithathu eshadile, yena noGash1 sebehlukene. “Ngithathe isinqumo sokuhamba emuva kwezigameko ezenzeke ezinsukwini ezimbalwa ezedlule, ezingeke zisalungiseka ngokwemigomo nengikholelwa kukho,” kusho uThato. Uthe imindenni yabo ihlangene ukukhuluma ngalolu daba futhi uyibikelile…

UBUYELA enkantolo umholi we-EFF, uMnuz Julius Malema, lapho kuzoqhubeka khona icala lakhe lokuqhumisa isibhamu. UMalema uzovela eNkantolo yeMantshi e-East London, ngoLwesithathu nangoLwesine, lapho kuzokwenziwa izethulo ezandulela isigwebo. Ukulalelwa kwezethulo kwahlehliswa ngoJanuwari. UMalema walahlwa yicala lokuqhumisa isibhamu ngonyaka owedlule. Wavulelwa icala emva kokuba kusabalale i-video emkhombisa eqhumisa isibhamu, emcimbini wokugubha iminyaka kwasungulwa i-EFF. Umcimbi aqhumisa kuwo isibhamu wawuseMdantshane, ngo-2018. UMalema uveze ukuthi uMbuso ufuna ukuthi agwetshwe iminyaka engu-15 ebhadla ejele. Ukusho lokhu ngesikhathi ekhuluma nabezindaba ngeledlule. Uthe sekumcacele ukuthi kukhona umuntu ofuna ukumbona ebhadla ejele. "Uyabona ukuthi uMbuso uyangicindezela. Bathi bafuna ngigwetshwe iminyaka engu-15. Abameli bami bazophikisana nalesi sigwebo abasifunayo kodwa into ecacile ukuthi bangifuna ejele. Anginankinga nokuthi kube khona abafuna ukungibona ngisejele." UMalema usengcupheni yokulahlekelwa isikhundla sokuba yilungu lePhalamende, uma egcine enikwe isigwebo esingaphezu kwezinyanga ezingu-12 ebhadla ejele. Umthetho awubavumeli…

AYIKHO into ethokozisayo njengokubona abaholi bekukhuthalele ukuzivocavoca noma ukuhlala beyimiqemane ukuze bangaphumi bengena ezibhedlela muva nje, esezimba eqolo. Singumphakathi amehlo athe njo kubo ukuthi basikhombise indlela okuyiyo ezokwenza ikusasa silubuke ngeso elihle singagcini sesikhalela bona ukuthi asiyitholi imibhede ezibhedlela. Noma sesiyokhalela osokhemisi ukuthi basephulele sibhuqwabhuqwa yizifo ebesingakwazi ukuzixosha ngokuthi singakuvilapheli ukushukumisa umzimba ngokuzimbandakanya nezemidlalo ezinhlobonhlobo. Okwenziwe uMnuz Sihle Zikalala owayengundunankululu waKwaZulu-Natal eyibambe kwiTotalsports Two Oceans Marathon 56km ebiseKapa, ngoMgqibelo, kuyinto esiyishayela ihlombe futhi esikholwa wukuthi izoba yikhubalo elizogqugquzela amalungu omphakathi lenabele nakozakwabo ukuthi balandele ezinyathelweni zakhe. Ukuqeda iTwo Oceans akusiwona umdlalo, idinga ufike kuyo uzilungiselele futhi wazi ukuthi uyokwenza ngoba kuneChapman’s Peak neConstatia Nek - okuyimiqansa engabhenywa - ehlunga abafana emadodeni. UZikalala iTwo Oceans uyendlalele ngokuthi aphothule i-Om die Dam Marathon 50km egijinyelwa eHartbeespoort eNorth West. Sithemba ukuthi akwenzile ngeke…

KHALELA ukubuya kwethambo lomyeni okuthiwa ushonele eRussia, ngenyanga edlule, owesifazane waKwaVukaphansi, eMakhabeleni, eKranskop. UMnuz Sihle Makhaye (44), okuthiwa wayehambe nethimba labangu-13 ukuyosebenza eRussia, ngoDisemba nyakenye, kuthiwa ushonele kuleliya zwe ngoMashi 28, nonyaka. Lokhu kudalulwe yinkosikazi yakhe, uNksz Sibonile Ndwandwe, ngesikhathi icela usizo lokubuyiswa kukamufi kuMphathiswa wezokuThutha esifundazweni, uMnuz Siboniso Duma. Elandisa lona wesifazane, uthe umyeni wakhe wahamba nabanye ngohlelo lwe-agent ethize, eyabatholela amathikithi ebhanoyi, yabathembisa ukuthi iyobafaka emsebenzini phesheya kwezilwandle. Uthe akanalo ulwazi olwenele mayelana nalolu hambo ngoba umyeni wakhe ubengesiye umuntu ovulelekayo ngokuxoxa ngezinto zakhe. “Angazisa kona nje ukuthi baya eRussia, uthole umsebenzi,” usho kanje. Uthe ngoMashi 28 nonyaka, uthole ucingo obelumazisa ukuthi umyeni wakhe usedlulile emhlabeni. “Umfana ebengilokhu ngixhumana naye, ubelokhu engitshela ukuthi i-agent ayisatholakali,” kusho uNksz Ndwandwe. Uthe okumkhathazayo ukuthi akasebenzi ngakho akazi ukuthi uzothathani ahlanganise nani.…